Ayṯ-Kulus 4:5 - Ṯarifiṯ 2020

⁵ Ƹiceṯ s ȓefhameṯ ak yinni iǧan ɣar barra nwem war yuminen ca, staɣellam ȓweqṯ nwem mliḥ.

Ayṯ-Kulus 4:5 ပူးပေါင်းရင်းမြစ်များ

Matta 10:16

Nec aqa ssekkiɣ-kenniw amecnaw iḥuȓiyen jar wuccanen. Iȓim ṯfaqem amecnaw ifiɣeran, iȓim ḏ nniyyeṯ amecnaw iḏbiren.

Marqus 4:11

Inna-asen: "Itwasmeḥ i kenniw aḏ tessnem min inuffaren ḏi ȓmulk n Arebbi. Yinni zi barra marra tas-asen-d s ȓemƹani waha:

Ayṯ-Ruma 16:19

Kenniw, sȓin xawem iwḏan marra x ṭṭaƹa nwem, nec farḥeɣ zzaywem x manayenni. Walakin xseɣ kenniw aḏ tiȓim ḏ ifṭanen x min iǧan ḏ aṣebḥan, aḏ tɣefȓem x min iǧan ḏ ccarr.

Ayṯ-Kulus 3:16

Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

1 Ayṯ-Salunik 4:12

Ḥima aḏ tuyurem s lmaƹqul ak yinni ɣar barra nwem war yuminen ca, war teḥḏijim walu zi ḥadd.

1 Timutawus 3:7

U labud ƹaweḏ aṯ weqqaren yinni iǧan n barra war iǧin ca ḏ ȓmuminin bac war xas tƹeyyiben ca yiwḏan war iweṭṭi ca ḏi ṯexcebṯ nni n Ibȓis.

Yaƹqub 1:5

Meȓa can yijjen zzaywem itxeṣṣa-yas ȓefhameṯ, aḏas t ittar i Arebbi netta aḏas t yuc. Minzi netta ifassen nnes rezzmen war itḥeggar ḥadd.

Yaƹqub 3:13

Ma akiḏwem wenni iy ḏi ṯeǧa ȓefhameṯ ḏ ṯusna? Itxeṣṣa-yas aḏ d ismeḍhar manaya s mammec itƹic s lmaƹqul ḏ lḥasanaṯ nnes ig itegg ak yijjen n ttawaḍuƹ iy d itasen s ȓefhameṯ.

Yaƹqub 3:17

Ȓefhameṯ iy d ihewwan zeg ujenna, min ḏayes muhim qaƹ aḏ tiȓi ṯeṣfa. Nettaṯ ƹaweḏ ḏayes ȓehna ḏ ṣṣbar, war ḏayes tiȓi bu ṯɣennant. Ṯeccur s arraḥmeṯ ḏ lḥasanaṯ, war ḏayes bu wuḏemawen niɣ ḏ nnifaq.

1 Buṭrus 3:1

A ṯimɣarin, amenni ƹaweḏ itxeṣṣa aḏ ṭaƹent i iryazen nkent. Ḥima yinni war iteggen ca array i wawaȓ n Arebbi ataf ṯimɣarin nsen aṯen d arrent ɣar ȓmuminin bȓa ma akiḏsen ssiwȓent s wawaȓ ɣir s ṯicri nsent u ṣafi.