Ayṯ-Kulus 4:18 - Ṯarifiṯ 2020

¹⁸ Qa nec ḏ Bulus s ṯira n ufus inu iy zi ḏawem d sawwaḍeɣ sȓam ȓexxu. Feqḏem-ayi-d s snaseȓ inu n ȓeḥbes-a. Akiḏwem yiȓi arḍa.

Ayṯ-Kulus 4:18 ပူးပေါင်းရင်းမြစ်များ

Ayṯ-Ruma 16:20

Arebbi n ȓehna netta ƹȓayen aḏ iȓbeẓ Cciṭan swadday i iḍaren nwem. Akiḏwem yiȓi arḍa n Siḏiṯneɣ Ƹisa Lmasiḥ.

Ayṯ-Ruma 16:22

Nec Tartyus ssiwḍeɣ-awem-d ijjen n sȓam ḏi Siḏiṯneɣ, nec ig yurin ṯabrat-a.

Ayṯ-Ruma 16:23

Issiweḍ-awem-d sȓam Ɣayus, ḏ netta iy zzayi ireḥḥben ɣar ṯeddarṯ nnes irzem-it i marra jmaƹṯ n ȓmuminin. Issiweḍ-awem-d sȓam Arisṭus lʼamin n ṣṣenduq n ṯendint, ḏ umaṯneɣ Qartus.

1 Ayṯ-Kurinṯ 16:21

Sȓam-a uriɣ-ṯ nec Bulus s ufus inu.

2 Ayṯ-Kurinṯ 13:14

Arḍa n Siḏiṯneɣ Ƹisa Lmasiḥ ḏ ȓemḥibbeṯ n Arebbi ḏ umƹacar n Arruḥ iqeddsen akiḏwem yiȓi marra. Amin.

Ayṯ-Filippas 1:7

Ɣari ȓḥaqq aḏaywem fekkareɣ amenni ȓaḥeqqac aqa kenniw ɣari ḏeg wuȓ inu. Aqa marra ṯcarrcem akiḏi ḏi arḍa n ȓxeḏmeṯ-a waxxa aqayi ḏi ȓeḥbes niɣ tḏafaƹeɣ x Lʼinjil ḏ ȓḥaqq iy ḏayes.

Ayṯ-Kulus 4:3

Ḏi nnefs n ȓweqṯ ttarem-as i Arebbi xaneɣ bac aḏ irzem ṯawwarṯ i wawaȓ nneɣ a nbeccar s ȓmaƹna inuffaren n Lmasiḥ iy xef iy ǧiɣ nec ḏi ȓeḥbes.

2 Ayṯ-Salunik 3:17

Sȓam-a wanita uriɣ-ṯ nec s ufus inu Bulus, ḏ ṯanita ḏ lƹalama inu iǧan ḏi marra ṯibraṯin inu. Ammu iy tariɣ nec.

1 Timutawus 6:21

Ḏinni ȓebƹaḍ ḏfaren Lƹarfaniya-ya zaƹma menbaƹd ffɣen abriḏ n lʼiman. Aɣarwem yiȓi arḍa i kenniw.

2 Timutawus 1:8

Iḏen war tseḏḥa ca aḏ tcehḏeḏ x Siḏiṯneɣ niɣ xafi nec iy iǧan ḏ ameḥbus ƹlaḥsab netta; Lla, qebbeȓ aƹeddeb nni iǧan ƹlaḥsab Lʼinjil, s jjheḏ n Arebbi.

2 Timutawus 4:22

Aḏ yiȓi Siḏiṯneɣ ak arruḥ nnec. Aḏ yiȓi arḍa akiḏwem marra.

Titus 3:15

Sawwaḍen-ac-d sȓam marra yinni iǧan akiḏi. Siweḍ-asen sȓam i yinni iy ḏaneɣ itexsen ḏi lʼiman. Akiḏwem yiȓi arḍa i marra kenniw.

Iƹibraniyen 13:25

Akiḏwem yiȓi arḍa marra iḏwem.

Iƹibraniyen 13:3

Xemmmeṯ ḏeg imeḥbas amecnaw kenniw iy kiḏsen ṯetwaḥebbsem ḏ yinni iy xef tbuṣaren amecnaw kenniw ṯetwaƹeddabem.