Ayṯ-Kulus 3:5 - Ṯarifiṯ 2020

⁵ X manaya nɣeṯ min iǧan ḏaywem ḏi ṭṭabiƹa nwem n ddunect-a iƹni lfasad ḏ min ixenzen ḏ ccehweṯ ḏ ȓxaḍar aƹeffan ḏ ṭṭmaƹ ig iǧan netta am lƹibada n lʼaṣnam.

Ayṯ-Kulus 3:5 ပူးပေါင်းရင်းမြစ်များ

Matta 15:19

Ȓaḥeqqac zeg wuȓ iy zi d tekkant lʼafkar ṯiƹeffanin ḏ ṯmenɣiwṯ ḏ zzna ḏ lfasad ḏ ṯukkarḏa ḏ ẓẓur ḏ ȓbaṭeȓ.

Ayṯ-Ruma 1:26

Ṯumma isellem-iṯen Arebbi i ccehawaṯ nsen iy ṯen ifeḍḥen. Kkarent ṯemɣarin beddȓent iryazen s ṯemɣarin.

Ayṯ-Ruma 1:29

Niṯni ccuren s kuȓ nnuƹ n ȓmuƹṣiyaṯ ḏ ccarr ḏ ṭṭmaƹ ḏ ȓeqbaḥeṯ ḏ ȓeḥseḏ. Neqqen iwḏan tmenɣan. Ccuren s uɣḏar ḏ min war iḥȓin, qqaren nnamima.

Ayṯ-Ruma 6:13

War tqeddameṯ uȓa ḏ ijjen n ṭṭarf zi ddat nwem i ȓmuƹṣiyeṯ aḏ tegg ccarr s ddat nwem. Qeddmeṯ ixef nwem i Arebbi am yiwḏan zaƹma iy d ikkaren zeg imettinen ɣar ṯuḏarṯ. Qeddmeṯ kuȓ ṭṭarf zi ddat nwem ḥima azzayes itwagg min iǧan nican.

Ayṯ-Ruma 6:6

Neccin nessen belli nnefs nneɣ tuɣa ṯeǧa qbeȓ, nettaṯ iƹni, twaṣelleb ak Lmasiḥ ḥima aḏ tbeṭṭeȓ nnefs nneɣ iccuren s ȓmuƹṣiyaṯ, bac war netɣimi ca ssa aȓ ṯsawent ƹaḏ ḏ isemɣan n ȓmuƹṣiyeṯ.

Ayṯ-Ruma 7:23

walakin tafeɣ ijjen n ṭṭabiƹa nneɣni ḏeg yixef inu ig itmenɣan ak min ɣari ḏi ȓaƹqeȓ inu. S ṭṭabiƹa-ya teqqen-ayi ȓmuƹṣiyeṯ nni iy ḏayi izeddɣen ḏeg yixef inu.

Ayṯ-Ruma 7:5

Liʼanna qbeȓ wami tuɣa ntegg array i ṭṭabiƹa ṯaƹeffant nneɣ, arnint ḏayneɣ ccehawaṯ ḏ ṯiƹeffanin ƹlaḥsab min ḏaneɣ ṯenna ccariƹa, xeddment ccehawaṯ nni ḏi ddat nneɣ uca ntarew ȓexḏayem itawin ɣar ȓmewṯ.

Ayṯ-Ruma 8:13

Liʼanna kenniw meȓa teggem array i ṭṭabiƹa ṯaƹeffant nwem, aḏ temmṯem. Meȓa ṯneqqem ȓefƹayer n ddat nwem s Arruḥ n Arebbi, aḏ teddarem.

1 Ayṯ-Kurinṯ 5:1

Iffeɣ-d ijjen n ȓexbar belli ḏinni ijjen n nnuƹ n lfasad jarawem war xas ṣebbaren ca waxxa ḏ lkuffar! Ijjen n uryaz ɣares ṯamɣarṯ n babas.

1 Ayṯ-Kurinṯ 6:11

Ammu iy tuɣa teggen ȓebƹaḍ zzaywem, walakin ȓexxu twasirḏem, twassiṣfam, twasemṣȓaḥem ak Arebbi s yisem n Siḏiṯneɣ Ƹisa Lmasiḥ u s Arruḥ n Arebbi nneɣ.

1 Ayṯ-Kurinṯ 6:13

Aḏ yini ijjen: "Iwa lmakla n uƹeddis, aƹeddis n lmakla." Walakin Arebbi aṯen ihḏem s ṯnayen iḏsen. Ddat maci n lfasad, ddat nettaṯ n Siḏiṯneɣ. U Siḏiṯneɣ itḏebbar i ddat.

1 Ayṯ-Kurinṯ 6:18

Arewȓeṯ zi lfasad. Kuȓ ȓmuƹṣiyeṯ nneɣni ig itegg bnaḏem aḏ tiȓi ɣar barra n ddat nnes. Wenni iteggen lfasad iƹeṣṣa ddat nnes nniṯ.

2 Ayṯ-Kurinṯ 12:21

Ggwḏeɣ aɣarwem d ƹeqbeɣ aḏ seḏḥiɣ zi Arebbi inu aḏ ruɣ aṭṭas x yinni ig iƹṣan zi qbeȓ, ƹaḏ war tuben ca zeg ufelles ḏ lfasad ḏ ȓeqbaḥeṯ iy tuɣa teggen.

Ayṯ-Galaṭya 5:24

U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.

Ayṯ-Ufasus 4:19

Fellsen qaƹ ḏeffaren ccehweṯ nsen u ṣafi, ḏaysen ijjen n zƹameṯ aḏ sxeḏmen i kuȓ nnuƹ n min isexnizen.

Ayṯ-Kulus 2:11

Dayes ḏi netta ƹaweḏ iy ḏi ṯṭehharem walakin maci ḏ ijjen n ṭṭahareṯ iy ggin s ifassen n bnaḏem; Lla, ṯṭehharem ṭṭabiƹa nwem ṯaƹeffant qaƹ s yijjen n ṭṭahareṯ iggi-t Lmasiḥ.

1 Ayṯ-Salunik 4:3

Aqa ȓxaḍar n Arebbi itxeṣṣa-kenniw aḏ tiȓim ṯeṣfam aḏ tbeƹƹḏem zi lfasad.

1 Ayṯ-Salunik 4:5

Maci aḏ tƹicem ḏi ccehweṯ n ddat nwem mammec teggen ȓegnus war issinen ca Arebbi.

1 Timutawus 6:10

Liʼanna ȓemḥibbeṯ n tmenyaṯ netta ḏ lʼaṣel n waṭṭas n lʼanwaƹ n ccarr. Ȓebƹaḍ n yiwḏan ig itexsen tmenyaṯ aqa ffɣen abriḏ snuqquben ixef nsen s waṭṭas n ȓeḥriqaṯ.

Iƹibraniyen 12:16

Arrem-d ȓbaȓ nwem bac war itegg can yijjen zzaywem lfasad, niɣ can yijjen war ɣares itiȓi bu Arebbi am Ƹasu nni iruḥ netta izzenz ȓḥaqq nnes zi lbaraka n babas x yijjen n ṭṭebsi n lmakla.

Iƹibraniyen 13:4

Weqqareṯ ȓemȓac marra. Qama n ȓemȓac aḏ tiȓi s nniyyeṯ bȓa ȓɣedȓan. Aqa Arebbi aḏ iƹaqeb yinni ifessḏen ḏ yinni izennan.

Iƹibraniyen 13:5

Aḏ tƹicem bȓa ma aḏ tḥibbem tmenyaṯ, aḏ tqenƹem s min ɣarwem. Arebbi s yixef nnes inna qa ƹemmarṣ ac jjeɣ, ƹemmarṣ aḏayek semḥeɣ.

Yaƹqub 4:1

Iwa ixarwiḍen ḏ imenɣiwen itiȓin jarawem, manis d tekken? Tekken-d zi ccehawaṯ nwem ṯiƹeffanin iy itmenɣan ɣar ḏaxeȓ nwem.

1 Buṭrus 2:11

Ay imƹizzen inu, nec qqareɣ-awem i kenniw iy iǧan ḏ iƹezzaben ḏ ibarraniyen ḏi dduncet-a, beƹƹḏeṯ zi ccehawaṯ nni ṯiƹeffanin iy kenniw itḥaraben ḍed n ȓaƹmar nwem.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."

Lwaḥi 22:15

Ɣar barra n ṯendint ǧan ḏinni iqzinen ḏ iseḥḥaren ḏ yinni ifessḏen ḏ yinni ineqqen iwḏan ḏ yinni iƹebbḏen lʼaṣnam ḏ marra yinni isxerriqen iy tḥibban ixarriqen.