Ayṯ-Kulus 3:4 - Ṯarifiṯ 2020

⁴ Xmi d ɣa imeḍhar Lmasiḥ iƹni wenni iǧan ḏ ṯuḏarṯ nwem, ȓexddenni akiḏes tmeḍharem uȓa ḏ kenniw ḏi lƹaḍama.

Ayṯ-Kulus 3:4 ပူးပေါင်းရင်းမြစ်များ

Matta 13:43

Walakin ȓmuminin aḏ cƹecƹen am ṯfuct ḏi ȓmulk n Babaṯsen. Ṣenneṭ mliḥ a wenni itsȓan.

Luqa 17:30

Amenni iy ɣa iweqƹen ḏi Nhar nni iy ḏi d ɣa imeḍhar Mmis n bnaḏem.

Yuḥanna 11:25

Inna-as Ƹisa: "Nec ḏ lqiyama nec ḏ ṯuḏarṯ, wenni itamnen zzayi ataf aḏ iddar waxxa immuṯ.

Yuḥanna 14:3

Xmi ɣa raḥeɣ aḏawem swejḏeɣ amcan nni, aḏ d ḏewȓeɣ ƹaweḏ akenniw ysiɣ akiḏi ḥima aḏ tiȓim kenniw mani ɣa iȓiɣ nec.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Yuḥanna 17:24

A Baba, yina ḏayi ṯuciḏ xseɣ aḏ iȓin akiḏi mani ma ǧiɣ nec ḥima aḏ ẓren lƹaḍama inu iy ḏayi ṯuciḏ minzi cek ṯḥibbeḏ-ayi qbeȓ ma aḏ tiȓi ddunect.

Yuḥanna 20:31

Ṯimesȓayin-a urint ḥima aḏ tamnem belli Ƹisa netta ḏ Lmasiḥ Mmis n Arebbi bac meȓa ṯumnem aɣarwem ṯiȓi ṯuḏarṯ ḏeg yisem nnes.

Ȓexḏayem 3:15

Ṯenɣim wenni iǧan ḏ lʼaṣel n ṯuḏarṯ, walakin Arebbi isekkar-iṯ-iḏ zi ȓmewṯ, neccin necheḏ xas.

Ayṯ-Ruma 8:18

Cuf, nec twaȓiɣ aƹeddeb-a iy xaneɣ itekken ḏi ddunect-a netta war iǧi ḏ walu bac aḏ imeṯṯel ak lƹaḍama iy ḏaneɣ d ɣa imeḍharen.

Ayṯ-Ruma 8:19

Aqa marra min d itwaxeȓqen ḏaysen mezȓi ḏ ameqqran trajan aḏ ẓren ṯsaƹƹat nni iy ḏi d ɣa banen ṯarwa n Arebbi.

1 Ayṯ-Kurinṯ 1:7

S manaya war ḏawem ṯneqqiṣ uȓa ḏ ijjen n lqudra ruḥiya xmi trajam aḏ d imeḍhar Siḏiṯneɣ Ƹisa Lmasiḥ.

1 Ayṯ-Kurinṯ 15:43

Ddat twazerreƹ ḏi ȓefḍiḥeṯ, twasnekkar-d ḏi ccenƹeṯ. Twazerreƹ ḏi ḍḍuƹef, twasnekkar-d ḏi jjheḏ.

2 Ayṯ-Kurinṯ 4:17

Cuf, ȓemḥayen nneɣ fsusent traḥent tasent-id ḏeɣya, sewjaḏent-aneɣ ɣar yijjen n lƹaḍama ḏ ṯameqqrant bȓa ȓeqyas.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Filippas 3:21

Ddat nneɣ n ddunect-a at isbeddeȓ Lmasiḥ bac aḏ teḏweȓ am ddat nnes lƹaḍim. Itegg manaya s jjheḏ nni iy zi izemmar aḏ yarr qaƹ ṯimesȓayin swadday i lḥukem nnes.

1 Ayṯ-Salunik 4:17

Ssenni neccin iƹni yinni ƹaḏ iddaren iƹni yinni ƹaḏ aqaneɣ ḏi ddunect-a ataf akiḏsen netwarfeƹ ɣar ujenna ḏeg iseynuṯen bac a nmeȓqa ak Siḏiṯneɣ ḏi lhawa. Wa amenni akiḏes niȓi i ȓebda.

1 Timutawus 6:14

Tegg s ȓuṣiyeṯ-a bȓa ȓƹib bȓa ca n uxciw aȓ d ɣa imeḍhar Siḏiṯneɣ Ƹisa Lmasiḥ.

2 Timutawus 1:1

Nec ḏ Bulus ḏ ijjen n arrasul n Ƹisa Lmasiḥ s ȓxaḍar n Arebbi ƹlaḥsab lwaƹeḏ nni iy ḏaneɣ iwƹeḏ x ṯuḏarṯ nni iǧan ḏi Ƹisa Lmasiḥ.

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

Titus 2:13

u neccin ɣir netraja lʼamal nni itwabarken iƹni Nhar nni iy ḏayes d ɣa ṯmeḍhar lƹaḍama n Arebbi Ameqqran ḏ Umsenjem nneɣ Ƹisa Lmasiḥ.

Iƹibraniyen 9:28

Ammu Lmasiḥ, itwaqeddem ḏ dbiḥeṯ ijjen n ṯwaȓa bac aḏ yarbu ȓmuƹṣiyaṯ n waṭṭas n yiwḏan. Ṯumma aḏ d ihwa wis marrṯayen. Mayemmi? Maci ƹlaḥsab ȓmuƹṣiyeṯ n yiwḏan ƹaweḏ; Lla, aḏ d ihwa bac aḏ isenjem yinni iy ṯ itrajan.

1 Buṭrus 1:13

Iḏen, swejḏem ȓaƹquȓaṯ nwem bac aḏ txeḏmem. Arrem-d ȓbaȓ nwem. Ggem lʼamal nwem ɣir ḏi arḍa n usenjem nni iy ḏawem d ɣa immucen xmi d ɣa imeḍhar Ƹisa Lmasiḥ.

1 Buṭrus 5:4

Xmi d ɣa imeḍhar Umeksaw ameqqran ataf aḏ tqebȓem ijjen n ttaj ƹemmarṣ aḏ ikcef.

1 Yuḥanna 2:28

A iḥenjiren, ȓexxu ƹiceṯ ḏayes ḥima aɣarneɣ ṯiȓi ijjen n ttiqeṯ war zzayes narewweȓ ca s useḏḥi xmi d ɣa yas aḏaneɣ d imeḍhar.

1 Yuḥanna 3:2

Ay imƹizzen inu, ȓexxu neccin ḏ ṯarwa n Arebbi. Ƹaḏ war d tmeḍhar ca ṣṣifeṯ nneɣ mamc ɣa ṯiȓi, walakin nessen aḏ tiȓi am netta xmi d ɣa imeḍhar ȓaḥeqqac aṯ nẓer netta mamc iy iǧa.

1 Yuḥanna 5:12

Wenni ɣar iǧa Mmis ataf ɣares ṯuḏarṯ. Wenni war ɣar iǧi bu Mmis n Arebbi ataf war ɣares bu ṯuḏarṯ.

Yahuḏa 1:24

Fa wenni izemmaren akenniw iḥḍa bac war tenḏȓifem ca, izemmar ƹaweḏ akenniw iqeddem ɣar zzaṯ nnes lƹaḍim aḏ tiȓim bȓa ȓƹib aɣarwem ṯiȓi ijjen n ȓefraḥeṯ ḏ ṯameqqrant,

Lwaḥi 2:7

Ṣenneṭ mliḥ a wenni itsȓan min iqqar Arruḥ n Arebbi i ṯjumaƹ n ȓmuminin. Wenni ɣa irebḥen aḏas uceɣ aḏ icc zi ṯcejjarṯ n ṯuḏarṯ iy iǧan ḏi jjenneṯ n Arebbi.

Lwaḥi 22:1

Ismeḍhar-ayi-d lmalak nni iɣzar n waman n ṯuḏarṯ ṣfan am jjaj, iteffeɣ-d zi lƹarc n Arebbi ḏ Yizmar

Lwaḥi 22:14

Ssaƹḏ n yinni itṣebbanen ičammiren nsen, ḥima aɣarsen yiȓi ȓḥaqq ḏi ṯcejjarṯ n ṯuḏarṯ aḏ aḏfen ṯandint zi ṯewwura nnes.