Ayṯ-Kulus 3:25 - Ṯarifiṯ 2020

²⁵ Cuf, wenni iḍeǧmen ataf aḏ icc aƹmuḏ x min iḍeǧem. Arebbi war itegg bu s wuḏemawen jar yiwḏan.

Ayṯ-Kulus 3:25 ပူးပေါင်းရင်းမြစ်များ

Matta 16:27

Aqa Mmis n bnaḏem aḏ d yas s lƹaḍama n Babas ak lmalaʼikaṯ nnes, uca aḏ ijaza mkuȓ ijjen ƹlaḥsab ȓxeḏmeṯ nnes.

Luqa 20:21

Sseqsan-ṯ nnan-as: "A Lmuƹallim, nessen belli cek ṯeqqareḏ ȓḥaqq ṯseȓmaḏeḏ s ȓḥaqq. War teggeḏ bu uḏemawen, ṯseȓmaḏeḏ s ȓḥaqq mammec ixes Arebbi a nƹic.

Ȓexḏayem 10:34

Ibḏa Buṭrus issawaȓ inna-asen: "Ḏ ṣṣaḥ twaȓiɣ Arebbi war itegg ca s wuḏemawen jar yiwḏan.

Ayṯ-Ruma 2:11

Liʼanna Arebbi war itegg ca s wuḏemawen.

2 Ayṯ-Kurinṯ 5:10

Liʼanna labud a nbedd marra iḏneɣ zzaṯ i lƹarc n Lmasiḥ mani iy ɣa netwaḥkem. Kuȓ ijjen aṯ ijaza x min isḏaheǧ ƹlaḥsab ṯimesȓayin nni ig igga wami izḏeɣ ḏi ddat, ḏ ṯiṣebḥanin niɣ ḏ ṯiƹeffanin.

Ayṯ-Ufasus 6:8

Itxeṣṣa kenniw aḏ tessnem marra ȓxir iy ɣa ṯeggem akenniw ijaza xas Siḏiṯneɣ waxxa kenniw ḏ isemɣan niɣ ḏ ayṯbab nsen.

Ayṯ-Ufasus 6:9

U kenniw ay ayṯbab n isemɣan aḏasen ṯeggem kif-kif, maci aṯen tsiggwḏem. Aqa ṯessnem belli Bab nwem ḏ Bab nsen netta ḏ ijjen aqaṯ ḏeg ujenna, war itegg bu s wuḏemawen.

Ayṯ-Kulus 4:1

Ay ayṯbab n isemɣan, ḏebbarem xasen x isemɣan nwem s min iǧan nican ḏ ȓḥaqq nsen aqa kenniw ṯessnem illa ɣarwem Bab nwem ḏeg ujenna.

1 Ayṯ-Salunik 4:6

Ƹlaḥsab manaya itxeṣṣa labud uȓa ḏ ijjen war iḍeǧem umas war ṯ itɣecci ca liʼanna ḏ Siḏiṯneɣ ig itxeǧasen x marra ṯimesȓayin-a mammec ḏawem ṯ nenna qbeȓ neƹȓem-awem xas.

2 Ayṯ-Salunik 1:6

Arebbi netta ḏ Bab n ȓḥaqq, aḏ iƹeddeb s ȓemḥayen yinni iy kenniw itmeḥḥanen,

Filimun 1:18

Meȓa iḍȓem-ic ḏi ca n ṯamesȓayṯ niɣ meȓa ḏinni can n umarwas jarawem, ḥseb-iṯ xafi nec.

Iƹibraniyen 2:2

Cuf, Ccariƹa nni n Musa tuɣa uwint-tid lmalaʼikaṯ, tseyṭar xaneɣ tƹaqab-aneɣ iƹni meȓa neƹṣa niɣ meȓa war nṭiƹ ca.

1 Buṭrus 1:17

Meȓa ṯeqqarem-as "A Baba" i wenni iteḥsaben ȓexḏayem n kuȓ bnaḏem bȓa uḏemawen ataf itxeṣṣa aḏ tƹicem s yijjen n ṯiggwḏi axmi ɣa ṯƹezzbem ḏi ṯmurṯ-a.

Yahuḏa 1:16

Cuf, iṯarrasen-a tceṯcan waha, tentaqaḏen x midden, niṯni ḏeffaren ccehawaṯ nsen ṯiƹeffanin; Semɣaren ixef nsen s uqemmum nsen, tesȓehhan iwḏan bac aḏ neffƹen ixef nsen.