Ayṯ-Kulus 3:15 - Ṯarifiṯ 2020

¹⁵ Jjem ȓehna n Lmasiḥ aḏ iḥkem ḏeg wuȓawen nwem minzi kenniw ḏ ijjen n jmaƹeṯ iȓaɣa-yawem-d aȓ ȓehna-ya. Kenniw ƹaweḏ cekkarem Arebbi.

Ayṯ-Kulus 3:15 ပူးပေါင်းရင်းမြစ်များ

Yuḥanna 14:27

Tijjeɣ-awem ȓehna, ticceɣ-awem ȓehna inu. War ḏawem ṯ ticceɣ ca am ṯ ticc ddunect. Itxeṣṣa uȓawen nwem war txeyyiqen war teggwḏen ca.

Yuḥanna 16:33

Qqareɣ-awem manaya ḥima aḏ teysim zzayi ȓehna. Ḏi ddunect-a ṯanita axawem ṯekk ḏayes tamara, walakin cejjƹeṯ ixef nwem aqa nec rebḥeɣ ddunect-a."

Ayṯ-Ruma 1:21

Waxxa niṯni tuɣa ssnen Arebbi, walakin war ṯ ḥemmiḏen ca war ṯ ṯcekkaren ca mammec itxeṣṣa aḏ ggen ak Arebbi. Lʼafkar nsen ḏewȓent xwant, uȓawen nsen ḏ ibuhaȓiyen ḏewȓen ḏ ṯaǧest.

Ayṯ-Ruma 14:17

Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

Ayṯ-Ruma 5:1

Iḏen fa wami ḏaneɣ isemṣȓaḥ Arebbi akiḏes s lʼiman nneɣ aqaneɣ ḏi ȓehna ak Arebbi x ufus n Siḏiṯneɣ Ƹisa Lmasiḥ.

1 Ayṯ-Kurinṯ 10:17

Ḏinni ijjen n ṯxebbast n uɣrum waḥḏes, s ssabab-a neccin ḏ ijjen, waxxa ḏinni aṭṭas iy iḏneɣ. Minzi neccin marra iḏneɣ ncarrec ḏeg yijjen n ṯxebbast.

1 Ayṯ-Kurinṯ 7:15

Innama, wenni niɣ ṯenni war yuminen ca meȓa ismeḥ, ṣafi aḏ ismeḥ. Iƹni ȓmumen-a ḏ ȓmumna-ya ɣarsen lḥurriya s ḍḍuruf-a liʼanna iȓaɣa-yawem-d Arebbi aḏ tƹicem ḏi ȓehna.

2 Ayṯ-Kurinṯ 4:15

Cuf, manaya iwqeƹ marra bac akenniw infeƹ. Xmi itentacar arḍa ɣar yiwḏan aṭṭas s waṭṭas iƹni arḍa-ya aḏ d isfeyyeḍ ccuker i lƹaḍama n Arebbi.

2 Ayṯ-Kurinṯ 9:11

Aɣarwem yiȓi ȓxir aṭṭas ḏi marra bac ataf aḏ tiȓim ṣaxiyin. U xmi ɣa nessiweḍ ṣṣaḏaqa-ya nwem aḏ teḏweȓ ḏ ijjen n ccuker i Arebbi.

Ayṯ-Ufasus 4:16

Zzayes zi Lmasiḥ ddat ṯekmaȓ n jmaƹeṯ ṯmun aqat ḏ icten s qaƹ ȓemfaseȓ nni iy ḏayes. U kuȓ ṭṭarf nnes meȓa ixeddem nican ataf aḏ isemɣer ddat-a u s yixef nnes aḏ tebna s ȓemḥibbeṯ.

Ayṯ-Ufasus 4:4

Jmaƹeṯ ḏ icten, Arruḥ iqeddsen ḏ ijjen. Amenni Arebbi wami ḏawem d iȓaɣa, iȓaɣa-yawem-d ɣar lʼamal ḏ ijjen.

Ayṯ-Ufasus 5:1

Falihaḏa ggem mamc itegg Arebbi minzi kenniw ḏ ṯarwa nnes imƹizzen.

Ayṯ-Ufasus 5:20

Cekkarem ȓebda Arebbi Babaṯneɣ x marra ṯimesȓayin ḏeg yisem n Siḏiṯneɣ Ƹisa Lmasiḥ.

Ayṯ-Kulus 1:12

bac aḏ tcekkarem Babaṯneɣ wenni iy ḏawem yucin ȓḥaqq aḏ tcarcem ḏi lwareṯ n ṣṣaliḥin ḏi nnur.

Ayṯ-Kulus 2:7

Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.

Ayṯ-Kulus 3:17

Marra min teggem s wawaȓen niɣ s lḥasanaṯ, itxeṣṣa aḏ teggem manaya marra ƹlaḥsab isem n Siḏiṯneɣ Ƹisa azzayes tcekkarem Arebbi Babaṯneɣ.

1 Ayṯ-Salunik 5:18

cekkarem-ṯ ḏi marra ṯimesȓayin. Liʼanna ḏ manaya ig itraja Arebbi zzaywem ḏi Ƹisa Lmasiḥ.

1 Timutawus 2:1

Ḏ amezwaru tweṣṣiɣ-kenniw aḏ tettarem i Arebbi aṯ tedƹim aṯ ṭelbem aṯ tcekkarem x marra iwḏan

1 Timutawus 6:12

Mneɣ amenɣi nni aṣebḥan n lʼiman, ṭṭef ḏi ṯuḏarṯ nni war ifennin ca aȓ ḏac d iȓaɣa Arebbi wami ṯcehḏeḏ chaḏeṯ nni ṯaṣebḥant zzaṯ i waṭṭas n ȓechuḏ.

Iƹibraniyen 13:15

Iḏen labud s Ƹisa iy zi ɣa neḥmeḏ Arebbi ḏi mkuȓ ȓweqṯ. Ḏ ṯanita ḏ dbiḥeṯ iy ɣa nqeddem i Arebbi, iƹni meȓa neƹtaref s yisem nnes.

Lwaḥi 7:12

Qqarent: "Amin! Lḥamed ḏ lƹaḍama ḏ lḥikma ḏ ccuker ḏ uweqqar ḏ ṯzemmar ḏ jjheḏ i Arebbi nneɣ i ȓebda n ȓebdaṯ. Amin!"