Ayṯ-Kulus 3:13 - Ṯarifiṯ 2020

¹³ Ṣbareṯ ak wayawya. Meȓa can yijjen zzaywem ɣares can lmuckil iy zzayes ɣa iceṯca x unneɣni, itxeṣṣa ijjen aḏ ismeḥ i unneɣni. Mammec ḏawem iɣfar Arebbi i kenniw, amenni iy ɣa ṯsemḥem i yiwḏan.

Ayṯ-Kulus 3:13 ပူးပေါင်းရင်းမြစ်များ

Matta 5:44

Walakin qqareɣ-awem nec: Xseṯ ȓƹaḏyan nwem, ttareṯ i Arebbi x yinni kenniw itƹeddaben,

Matta 6:12

Ɣfar-aneɣ ȓmuƹṣiyaṯ nneɣ i neccin, mammec nsemmeḥ i yinni iy kiḏneɣ ixeṭṭan.

Marqus 11:25

Kenniw xmi ɣa ṯbeddem aḏ teẓẓaǧem, meȓa ɣarwem ca n lƹadawa ak can yijjen semḥem-as ḥima Babaṯwem iǧan ḏeg ujenna aḏawem iɣfar ddnub nwem.

Luqa 11:4

Ɣfar-aneɣ ȓmuƹṣiyaṯ nneɣ i neccin, mammec nsemmeḥ i yinni iy kiḏneɣ ixeṭṭan. War ḏaneɣ tegg ca ḏi ȓemḥayen."

Luqa 23:34

Inna Ƹisa: "A Baba, ɣfar iwḏan-a qa war ssinen ca min teggen." Ȓƹaskar nni ggin lqurƹa x warruḍ nnes ḥima kuȓ ijjen min ɣa iysi.

Ayṯ-Ruma 15:7

S manaya qebȓeṯ ayawya mammec iy kenniw iqbeȓ Lmasiḥ ḥima aḏ tsemɣarem Arebbi.

2 Ayṯ-Kurinṯ 2:10

Wenni umi ɣa ṯsemḥem uȓa ḏ nec aḏas semḥeɣ. Meȓa ḏinni can ȓḥajeṯ aḏas semḥeɣ, qa semḥeɣ-as-t. Semḥeɣ-as ƹlaḥsab kenniw, icheḏ xas Lmasiḥ.

2 Ayṯ-Kurinṯ 6:6

Netqeddam-awem ixef nneɣ s ṣṣfa iy ɣarneɣ ḏ ȓefhameṯ ḏ ttasiƹ n ȓxaḍar ḏ ȓxir ḏ Arruḥ iqeddsen ḏ ijjen n ȓemḥibbeṯ bȓa nnifaq;

Ayṯ-Galaṭya 6:2

Arbuṯ dqeȓ ag wayawya, s manaya aḏ teggem ȓuṣiyeṯ nni n Lmasiḥ.

Ayṯ-Ufasus 4:2

Iȓim bȓa ttakebbur qaƹ. Iȓim s yijjen n ttawaḍuƹ. Ṣbarem ak wayawya s ttasiƹ n ȓxaḍar ḏ ȓemḥibbeṯ.

Ayṯ-Ufasus 4:32

Teggeṯ ȓxir ak wayawya, tḥinnam x wayawya. Semmḥem i wayawya mammec ḏawem iɣfar Arebbi ḏi Lmasiḥ.

Ayṯ-Ufasus 5:2

Ƹicem ḏi ȓemḥibbeṯ mamc igga Lmasiḥ wami ḏaneɣ iḥibb iṣeddeq xaneɣ ixef nnes am yijjen n ṣṣeḏqeṯ ṯufuḥ ḏ ijjen n dbiḥeṯ i Arebbi.

Ayṯ-Kulus 3:12

Iḏen kenniw ḏ ccaƹb muqeddes ixḍar-ikenniw Arebbi ṯƹizzem xas. Labud aḏaywem ṯiȓi lḥanana ḏ ȓxir ḏ ttawaḍuƹ ḏ ṣṣbar u marra bȓa ttakebbur.

Yaƹqub 2:13

Nhar n Lḥisab Arebbi war ireḥḥem ca wenni war ireḥḥmen ca; arraḥmeṯ ṯɣeǧeb lḥisab.

1 Buṭrus 2:21

Iȓaɣa-yawem-d Arebbi ɣar manaya minzi Lmasiḥ itwaƹeddeb ƹlaḥsab kenniw; Ijja-awem-d ijjen n lmiṯal aṯ tḏeffarem ḏeg isurifen nnes.