Ayṯ-Kulus 3:11 - Ṯarifiṯ 2020

¹¹ War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

Ayṯ-Kulus 3:11 ပူးပေါင်းရင်းမြစ်များ

Yuḥanna 14:23

Inna-as Ƹisa: "Wenni ḏayi itḥibban, ataf aḏ ixḏem zeg wawaȓ inu. Aṯ iḥibb Baba, a nraḥ ɣares nec ḏ Baba, ɣares iy ɣa nezḏeɣ.

Yuḥanna 15:5

Nec ḏ ṯzayarṯ uḍiȓ, kenniw ḏ ikeccuḍen. Wenni itɣiman ḏayi u nec tɣimiɣ ḏayes, ataf netta aḏ yarew izekkunen n uḍiȓ aṭṭas ȓaḥeqqac kenniw bȓa zzayi war ṯzemmarem aḏ teggem walu.

Yuḥanna 17:23

Cek aqac ḏayi nec aqayi ḏaysen, ḥima aḏ munen aḏ iȓin ḏ ijjen. Ḥima aḏ ssnen yiwḏan qa cek ṯessekkeḏ-ayi-d ɣar imeḥḍaren-a, tḥibbiḏ-ṯen amecnaw mammec ḏayi tḥibbiḏ nec.

Ȓexḏayem 15:17

Bac yinni iqqimen zeg yiwḏan aḏ rzun x Siḏi Arebbi, bac marra yinni war iǧin ca zi Ayṯ-Israʼil yinni iy iysin isem inu axas rzun. Ammu iqqar Siḏi Arebbi ṯimesȓayin-a iy ǧant zi zman, ȓexxu ismeḍhar-iṯent-id."

Ȓexḏayem 28:2

Ibarbariyen n ṯmurṯ nni ggin ḏayneɣ ȓxir aṭṭas. Reḥben zzayneɣ marra, ceƹƹȓen-aneɣ ṯimessi minzi tuɣa ṯesmeḍ ƹaweḏ iccaṯ unẓar.

Ȓexḏayem 28:4

Wami ẓrin ibarbariyen fiɣer iȓseq ḏeg ufus n Bulus, nnan jarasen: Nican aryaz-a wanita inɣa can yijjen. Arebbi nneɣ umi qqaren war ṯ ijji ca aḏ iddar waxxa injem zi ȓebḥar.

Ayṯ-Ruma 1:14

Liʼanna u labud aḏ ggeɣ lwajib ak iyunaniyen ḏ yinni war iǧin ca ḏ iyunaniyen, ak yinni iɣrin ḏ yinni war iɣrin ca.

Ayṯ-Ruma 10:12

Liʼanna war ḏinni bu ȓfarq jar israʼiliyen ḏ yinni war iǧin ca zi Ayṯ-Israʼil minzi Siḏi Arebbi ḏ ijjen, aqaṯ xaneɣ marra. Itenfeyyaḍ-d ȓxir nnes x marra wenni xas itȓaɣan.

Ayṯ-Ruma 3:22

Iƹni, Arebbi isemṣȓaḥ akiḏes marra wenni itamnen zi Ƹisa Lmasiḥ, war itferraq jar yiwḏan. Aqa marra ƹṣan Arebbi, twaḥarramen zi lƹaḍama nnes.

Ayṯ-Ruma 3:29

Iwa Arebbi, ma netta ḏ Arebbi n Ayṯ-Israʼil waha? Lla! Ma war iǧi uȓa ḏ Arebbi n yiwḏan war iǧin ca zi Ayṯ-Israʼil? Wah, ḏ Arebbi nsen uȓa ḏ niṯni.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

1 Ayṯ-Kurinṯ 14:11

Iwa meȓa nec war ssineɣ ca ȓmaƹna n lluɣa nni, ataf nec aḏ iȓiɣ am yijjen ḏ abarrani ak wenni issawaȓen ataf netta ƹaweḏ akiḏi yiȓi am yij ubarrani.

1 Ayṯ-Kurinṯ 7:19

Meȓa itṭehhar niɣ war itṭehhir ca, manayenni itwaḥsab ḏ walu. Meȓa itegg s ȓuṣiyaṯ n Arebbi ḏ manayenni ig itwaḥsaben.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Ufasus 1:23

Jmaƹeṯ-a nettaṯ iy iǧan ḏ ddat n Lmasiḥ u zzayes nettaṯ iy iccur yixef nnes u ḏ netta iy iccuren marra ḏi min ḏi ma.

Ayṯ-Ufasus 2:14

Cuf, Lmasiḥ netta s yixef nnes ḏ ȓehna nneɣ. Ḏ netta ig ismunen Ayṯ-Israʼil ḏ ȓegnus nneɣni igga ṯnayen n ccuƹub-a ḏeg yijjen n ccaƹb. S ddat n Lmasiḥ ihḏem ȓḥiḍ nni iy tuɣa ḏaneɣ iferrqen s lƹadawa jaraneɣ.

Ayṯ-Ufasus 2:15

S ddat nnes isbeṭṭeȓ ccariƹa nni s ȓuṣiyaṯ nnes ḏ lqawanin nnes bac aḏ igg ḏeg yixef nnes ijjen n ccaƹb waḥḏes ḏ jḏiḏ ḏeg umcan n ṯnayen n ccuƹub nni. Amenni igga ȓehna.

Ayṯ-Ufasus 3:17

ḥima Lmasiḥ aḏ izḏeɣ ḏeg wuȓawen nwem s lʼiman. Tettareɣ i Arebbi ƹaweḏ aḏ twaẓẓum aḏ tuwṯem mliḥ iẓewran ḏeg ucaȓ n ȓemḥibbeṯ

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Ufasus 6:8

Itxeṣṣa kenniw aḏ tessnem marra ȓxir iy ɣa ṯeggem akenniw ijaza xas Siḏiṯneɣ waxxa kenniw ḏ isemɣan niɣ ḏ ayṯbab nsen.

Ayṯ-Kulus 2:10

Kenniw ṯuḏarṯ nwem ṯekmaȓ ak Lmasiḥ iǧan netta ḏ azeǧif itrayyan x marra yinni iḥekkmen ḏ yinni ijehḏen.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

2 Yuḥanna 1:9

Wenni iruḥen ɣar ȓeggwaj war iqqim ca ḏi ttaƹlim n Lmasiḥ ataf war ɣares ca Arebbi. Wenni iqqimen ḏi ttaƹlim-a aɣares yiȓi Babaṯneɣ ak Mmis.