Ayṯ-Kulus 2:23 - Ṯarifiṯ 2020

²³ Ḏ ṣṣaḥ, tɣiȓ-asen i yiwḏan lqawanin nni am ḏaysen ȓefhameṯ zaƹma x ssabab n lwajib n lƹibada nsen ḏ ddin nsen iqseḥ u ƹaweḏ mecḥaȓ tzeyyaren x ddat n bnaḏem. Walakin lqawanin-a war tƹiwinen uȓa ḏ ijjen n bnaḏem bac war itseƹƹif ca ccehawaṯ n ddat nnes.

Ayṯ-Kulus 2:23 ပူးပေါင်းရင်းမြစ်များ

Ayṯ-Ruma 13:14

Walakin, ggeṯ ȓeḥwayej n Siḏiṯneɣ Ƹisa Lmasiḥ. War rehham ca ak ṭṭabiƹa ṯaƹeffant nwem, war tseƹƹafeṯ ca ccehawaṯ nnes.

Ayṯ-Ufasus 5:29

Cuf, ƹemmarṣ war iǧi ḥadd itƹiffa ddat nnes; Lla, itḏebbar-d xas itḥawaȓ xas. Amenni iy itegg Lmasiḥ ag jmaƹeṯ n ȓmuminin.

Ayṯ-Kulus 2:18

War tejjam uȓa ḏ ijjen n bnaḏem akenniw isbeṭṭeȓ x ljaʼiza. Netta bnaḏem nni ḏ wenni ig isemɣaren min iqesḥen ḏi ddin, isemɣar ƹaweḏ lƹibada nni iy zi ƹebbḏen lmalaʼikaṯ. Issawaȓ aṭṭas ṯa s ṯa x min iẓra zaƹma ḏi ca n lwaḥi nnes. Ȓƹaqeȓ nnes yuff imɣar s ttakebbur. War ḏinni bu Arruḥ iqeddsen, ḏinni lʼafkar nnes ixwan waha.

Ayṯ-Kulus 2:22

Lqawanin-a yina ssawaȓen x can ṯmesȓayin iy ɣa ifnan xmi ɣa twaccent, niṯni ḏ lqawanin ḏ useȓmeḏ n yiwḏan waha.

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

1 Timutawus 4:3

Niṯni aḏ sbedden iwḏan bac war meǧcen ca, qqaren-asen ƹaweḏ qa ca n lmaklaṯ memnuƹ aṯent ccen. Walakin lmaklaṯ nni ixȓeq-iṯent-id Arebbi aṯent neqbeȓ neccin ig itamnen nessen lḥaqiqa.

1 Timutawus 4:8

Meȓa ṯestrinareḏ ixef nnec s arriyaḍa, aḏ tawiḏ ijjen n arbaḥ ac ineffeƹ cwayt. Meȓa ṯestrinareḏ s lʼiman, aḏ tawiḏ ijjen n arbaḥ ac ineffeƹ i ṯmesȓayin marra. Lʼiman-a iwƹeḏ-ic ƹlaḥsab ṯuḏarṯ-a iǧan ȓexxu ḏ ṯenni iy d ɣa yasen.