Ayṯ-Kulus 2:20 - Ṯarifiṯ 2020

²⁰ Kenniw meȓa ṯemmuṯem ak Lmasiḥ i lqawanin nni iqḏimen n ddunect-a, mayemmi ḏas teggem array i lqanun nni axmi ƹaḏ tƹicem zzayes ḏi ddunect-a?

Ayṯ-Kulus 2:20 ပူးပေါင်းရင်းမြစ်များ

Yuḥanna 15:19

Maƹlik kenniw zi ddunect-a, iȓi kenniw ṯƹizzem x ddunect-a. Walakin kenniw war ṯeǧim ca zi ddunect. Nec ixḍareɣ-kenniw zi ddunect-a, s manayenni tƹiffa-kenniw ddunect.

2 Ayṯ-Kurinṯ 10:3

Ḏ ṣṣaḥ netƹic am bnaḏem, walakin war netḥarib ca am bnaḏem.

Ayṯ-Galaṭya 4:3

Ammu uȓa ḏ neccin. Wami neǧa ƹaḏ ḏ imezyanen, am isemɣan ḥekkmen xaneɣ lqawanin iqḏimen n ddunect-a.

Ayṯ-Galaṭya 6:14

Walakin nec ƹemmarṣ aḏ ftaxareɣ illa zi ṣṣalib n Siḏiṯneɣ Ƹisa Lmasiḥ. Zi ṣṣalib nnes iy zi ṯetwaṣelleb ddunect i nec, u zzayes ƹaweḏ nec iy zi twaṣellbeɣ i ddunect.

Ayṯ-Ufasus 2:15

S ddat nnes isbeṭṭeȓ ccariƹa nni s ȓuṣiyaṯ nnes ḏ lqawanin nnes bac aḏ igg ḏeg yixef nnes ijjen n ccaƹb waḥḏes ḏ jḏiḏ ḏeg umcan n ṯnayen n ccuƹub nni. Amenni igga ȓehna.

Ayṯ-Kulus 2:14

Imḥa amarwas nni ig izemmmen xaneɣ aqaṯ ḍed nneɣ s Lqanun. Manayenni iysi-ṯ iṣemmar-iṯ x ṣṣalib.

Ayṯ-Kulus 2:16

Iḏen war tejjam ḥadd akenniw iƹeyyeb x min tettem niɣ x min ṯsessem niɣ x ca n ȓeƹyuḏaṯ iy tiȓin kuȓ ƹam niɣ kuȓ char niɣ x nhar n ssebṯ n lƹibada.

Ayṯ-Kulus 2:21

Iƹni: "War kessi ca s ufus, war tqasa ca, war tḥaḏa ca."

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

Ayṯ-Kulus 3:3

Minzi zaƹma kenniw ṯemmuṯem, ṯuḏarṯ nwem aqa ṯnuffar ak Lmasiḥ ḏi Arebbi.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

Yaƹqub 4:4

A yinni ixeddƹen, kenniw ma war ṯessinem ca belli wenni itexsen ddunect-a ḏ wenni ḏ ȓaƹḏu n Arebbi? Wah, wenni ixḍaren dunnect-a qa netta nican ḏ ȓƹaḏu n Arebbi.

1 Yuḥanna 5:19

Nessen illa neccin zi Arebbi, nessen ƹaweḏ marra ddunect-a aqat swadday i ṯzemmar n Lmufsid.