Ayṯ-Kulus 2:19 - Ṯarifiṯ 2020

¹⁹ Bnaḏem nni isexṣar lƹalaqa ak wenni itrayyan ḏ azeǧif. Azeǧif nni netta itḏebbar i ddat nnes amen-ṯekmaȓ wami nettaṯ ṯmun s ipurṣuṯen ḏ ȓemfaseȓ nnes bac ddat aḏ temɣar ƹlaḥsab min ixes Arebbi aḏ temɣar.

Ayṯ-Kulus 2:19 ပူးပေါင်းရင်းမြစ်များ

Luqa 5:38

Walakin aman n uḍiȓ ḏ jḏiḏ xeǧqen ḏeg yiȓemawen ḏ jḏiḏ.

Yuḥanna 17:21

Ḥima aḏ iȓin marra ḏ ijjen a Baba, am cek aqac ḏayi nec aqayi ḏayek. Ḥima aḏ iȓin niṯni ƹaweḏ ḏ ijjen ḏayneɣ. Ḥima aḏ amnen yiwḏan qa ḏ cek iy ḏayi d issekken.

Ȓexḏayem 4:32

Jmaƹeṯ nni n ȓmuminin ɣarsen uȓ nsen ḏ ȓaƹqeȓ nsen kif-kif. Uȓa ḏ ijjen zzaysen war iḥesseb min ɣares nnes waḥḏes, carrcen marra ṯimesȓayin jarasen.

Ayṯ-Ruma 11:17

Cuf, ȓebƹaḍ n ȓefruƹ iƹni ṯiseḍwin twaqessent zi ṯzitunt, ssenni cek ṯetwaȓeqqmeḏ ḏeg umcan nsent jar ṯinni iqqimen waxxa cek ḏ azemmur, ṯcarrceḏ ḏeg iẓewran n ṯzitunt ṯeddareḏ zzaysen.

1 Ayṯ-Kurinṯ 1:10

Fa tettareɣ zzaywem ay ayṯma s yisem n Siḏiṯneɣ Ƹisa Lmasiḥ, msefhameṯ ak wayawya ḥima war itiȓi bu lxilaf jarawem. Itxeṣṣa kenniw aḏ tiȓim kif-kif ḏi ȓaƹquȓaṯ nwem ḏ array nwem.

1 Ayṯ-Kurinṯ 11:3

Walakin xseɣ akenniw sfehmeɣ mliḥ qa azeǧif n mkuȓ aryaz netta ḏ Lmasiḥ u ḏ netta ig itrayan. Azeǧif n mkuȓ ṯamɣarṯ netta ḏ aryaz u ḏ netta ig itrayan. Azeǧif n Lmasiḥ netta ḏ Arebbi u ḏ netta ig itrayan.

1 Ayṯ-Kurinṯ 3:6

Nec ẓẓuɣ, Apullus isessew, u ḏ Arebbi iy kenniw iseɣmayen.

Ayṯ-Ufasus 1:22

Igga Arebbi ƹaweḏ marra ṯimesȓayin swadday iḍaren nnes iggi-ṯ ḏ azeǧif iy itrayyan x marra ṯimesȓayin ḏi jmaƹeṯ n ȓmuminin.

Ayṯ-Ufasus 1:23

Jmaƹeṯ-a nettaṯ iy iǧan ḏ ddat n Lmasiḥ u zzayes nettaṯ iy iccur yixef nnes u ḏ netta iy iccuren marra ḏi min ḏi ma.

Ayṯ-Ufasus 2:21

Ḏayes ḏi netta iy imun marra ȓebni n ṯeddarṯ-a tgaƹƹaḏ ḏ icten bac aḏ tiȓi ḏ ijjen n ṯemziḏa ḏ ṯamqeddest i Arebbi.

Ayṯ-Ufasus 4:3

Ggeṯ marra lmejhud nwem bac aḏ tiȓim ḏ ijjen ḏi Arruḥ iqeddsen wami ṯeṭṭfem fus ḏeg ufus s ȓehna.

Ayṯ-Ufasus 5:29

Cuf, ƹemmarṣ war iǧi ḥadd itƹiffa ddat nnes; Lla, itḏebbar-d xas itḥawaȓ xas. Amenni iy itegg Lmasiḥ ag jmaƹeṯ n ȓmuminin.

Ayṯ-Filippas 1:27

Lmuhim, suyureṯ ixef nwem ḏeg yijjen n ubriḏ iticcen lqima i Lʼinjil n Lmasiḥ. Ṯumma waxxa nec usiɣ-d akenniw ẓreɣ niɣ ɣabeɣ xawem ataf axawem sȓeɣ ȓexbar belli ṯuggurem nican x yijjen n array, ṯxeddmem fus ḏeg ufus x ssabab n lʼiman iy iǧan ḏi Lʼinjil,

Ayṯ-Kulus 1:10

Ḥima aḏ tuyurem x yijjen n ubriḏ iy ḏas iticcen i Siḏiṯneɣ lqima iy ḏas iteƹjiben marra. X ubriḏ-a aḏ tarwem marra ȓexḏayem ṯiṣebḥanin aḏ tmarnim ḏi ṯusna nwem x Arebbi.

Ayṯ-Kulus 1:18

Ḏ netta iy iǧan ḏ azeǧif n ddat iƹni n jmaƹeṯ n ȓmuminin. Ḏ netta ig iǧan ḏ amezwaru, ḏ netta ig iǧan ḏ amenzu zeg imettinen bac ḏ netta iy ɣa yiȓin ḏ amezwaru ḏi ṯmesȓayin qaƹ.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

1 Ayṯ-Salunik 3:12

Aḏ yarni Siḏiṯneɣ ȓemḥibbeṯ nwem ak wayawya at isfeyyeḍ s waṭṭas ak marra iwḏan am neccin nexs-ikenniw.

1 Ayṯ-Salunik 4:10

Wah, ḏ ṣṣaḥ texsem marra ayṯmaṯwem iy kiḏwem itƹicen ḏi lʼiqlim n Masidunya. Walakin netweṣṣa-kenniw ay ayṯma aḏ tarnim ƹaḏ ktar.

2 Ayṯ-Salunik 1:3

Ay ayṯma, itxeṣṣa u labud a ncekkar Arebbi xawem ȓebda. Qa manaya nican minzi lʼiman nwem itemɣur s waṭṭas, minzi ƹaweḏ ȓemḥibbeṯ nwem ṯarenni ak wayawya.

1 Buṭrus 3:8

Lmuhim, itxeṣṣa-kenniw marra iḏwem ȓaƹquȓaṯ nwem aḏ iȓin ḏ ijjen, aḏ tesḥissem ak wayawya, aɣarwem ṯiȓi yijjen n ȓemḥibbeṯ n wawmaṯen, aḏ tḥinnem ḏeg wayawya, war ḏaywem itiȓi bu ttakebbur.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.