Ayṯ-Kulus 2:18 - Ṯarifiṯ 2020

¹⁸ War tejjam uȓa ḏ ijjen n bnaḏem akenniw isbeṭṭeȓ x ljaʼiza. Netta bnaḏem nni ḏ wenni ig isemɣaren min iqesḥen ḏi ddin, isemɣar ƹaweḏ lƹibada nni iy zi ƹebbḏen lmalaʼikaṯ. Issawaȓ aṭṭas ṯa s ṯa x min iẓra zaƹma ḏi ca n lwaḥi nnes. Ȓƹaqeȓ nnes yuff imɣar s ttakebbur. War ḏinni bu Arruḥ iqeddsen, ḏinni lʼafkar nnes ixwan waha.

Ayṯ-Kulus 2:18 ပူးပေါင်းရင်းမြစ်များ

Matta 24:24

Aqa aṭṭas iy d ɣa imeḍharen s ixarriqen aḏ inin aqa nec ḏ Lmasiḥ niɣ nec zi lʼanbiya. Aḏ ggen lmuƹjizaṯ ḏ ṯimeqqranin ḏ ȓaƹjayeb zaƹma ḥima aḏ xeḏƹen iwḏan. Maƹlik zemmaren iȓi xeḏƹen uȓa ḏ yinni ixḍar Arebbi.

Ayṯ-Ruma 1:25

Kkaren beddȓen lḥaqiqa n Arebbi s ixarriqen. Ƹebbḏen xeddmen i min d itwaxeȓqen maci i Arebbi Lxaliq, wenni iy ḏi ṯeǧa lbaraka i ȓebda n ȓebdaṯ. Amin.

Ayṯ-Ruma 16:18

Liʼanna yina war xeddmen ca i Siḏiṯneɣ Ƹisa Lmasiḥ, xeddmen ɣir i uƹeddis nsen waha. S wawaȓ yiziḍen ḏ lmuhawaḍa izewwqen xeddƹen uȓawen n yinni iy ḏi ṯeǧa nniyyeṯ.

1 Ayṯ-Kurinṯ 13:4

Ȓemḥibbeṯ ḏayes ttisaƹ n ȓxaḍar, ḏayes ij n lḥanana. Nettaṯ war teftaxar war ṯḥesseḏ ca. War ḏayes ttakebbur,

1 Ayṯ-Kurinṯ 3:3

kenniw ƹaḏ teggem array i ṭṭabiƹa ṯaƹeffant nwem. Meȓa itiȓi ȓeḥseḏ jarawem ḏ umenɣi, ataf teggem array i ṭṭabiƹa ṯaƹeffant nwem ataf tƹicem am yiwḏan n ddunect-a waha, niɣ lla?

1 Ayṯ-Kurinṯ 4:18

Fa ȓebƹaḍ zzaywem ḏaysen ttakebbur, tɣir-asen nec war ɣarwem d tiseɣ ca.

1 Ayṯ-Kurinṯ 4:6

Ay ayṯma qqareɣ manaya x Apullus ḏ nec, meṯṯleɣ manaya ḥima azzayes ṯawim nnfaƹ. Kenniw aḏ tȓemḏem zzayneɣ min iƹna lmiṯal nni iqqaren "War tbeƹƹaḏeṯ ca zi min yurin ḏi Lkitab." Amenni war ḏinni ḥadd aḏ isecneƹ can uryaz x unneɣni.

1 Ayṯ-Kurinṯ 8:1

Fa lmakla itqeddamen i lʼaṣnam. Neccin marra iḏneɣ ɣarneɣ ṯusna, iƹni nessen ṯimesȓayin. Ṯusna-ya iy nessen tsuffa iwḏan s ttakebbur, walakin ȓemḥibbeṯ tarni ḏayneɣ jjheḏ.

1 Ayṯ-Kurinṯ 9:24

Ma war ṯessinem ca ṯazȓa nni iteggen ḏi lmelƹab? Marra tazzȓen walakin ijjen waha iy ɣa irebḥen ljaʼiza. Ammeni uȓa ḏ kenniw itxeṣṣa aḏ tazȓem bac at ṯrebḥem.

2 Ayṯ-Kurinṯ 11:3

Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

2 Ayṯ-Kurinṯ 12:20

Cuf, ggwḏeɣ xmi d ɣa awḍeɣ war kenniw tifeɣ ca mammec tmenniɣ akenniw afeɣ. U ƹaweḏ war ḏayi tifem ca mammec tmennim aḏayi ṯafem. Ggwḏeɣ aḏ afeɣ jarawem amenɣi ḏ ȓeḥseḏ ḏ uƹaṣṣeb, kuȓ ijjen irezzu i yixef nnes waha, ḏ ȓbaṭeȓ ḏ nnamima, ḏaywem ttakebbur ḏ ȓfawḍa.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

Ayṯ-Ufasus 5:6

War tejjaṯ can ḥadd akenniw icmeṯ s wawaȓen nnes ixwan. Liʼanna x ssabab n ṯmesȓayin-a iy d ihewwa uɣḍab n Arebbi x yinni iy ṯ iƹeṣṣan.

Ayṯ-Filippas 3:14

Tḥawaȓeɣ x manayenni iy xef rezzuɣ bac aḏ rebḥeɣ ljaʼiza nni iy zi ḏayi d iȓaɣa Arebbi ɣares ɣar ujenna s Ƹisa Lmasiḥ.

Ayṯ-Kulus 2:23

Ḏ ṣṣaḥ, tɣiȓ-asen i yiwḏan lqawanin nni am ḏaysen ȓefhameṯ zaƹma x ssabab n lwajib n lƹibada nsen ḏ ddin nsen iqseḥ u ƹaweḏ mecḥaȓ tzeyyaren x ddat n bnaḏem. Walakin lqawanin-a war tƹiwinen uȓa ḏ ijjen n bnaḏem bac war itseƹƹif ca ccehawaṯ n ddat nnes.

Ayṯ-Kulus 2:4

Qqareɣ-awem manaya bac war d itis ḥadd akenniw icmeṯ s wawaȓ nnes aḏawem isneƹmiȓ ḏ ṣṣaḥ.

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

1 Timutawus 1:7

Rezzun aḏ dewȓen ḏ imseȓmaḏen n ccariƹa, walakin war fehhmen ca min qqaren uȓa ḏ minxef tʼakkaden aṭṭas.

1 Timutawus 4:1

Fa iqqar Arruḥ iqeddsen nican bȓa ccekk ḏeg wussan-a ineggura aḏ semḥen ca n yiwḏan ḏi lʼiman nican aḏ ggen array i jnun iɣeddaren ḏ min seȓmaḏen ccayaṭin.

2 Buṭrus 2:14

Ṯiṭṭawin nsen ɣir xezzarent ḏi zzna, war tjiwinent ca s ȓmuƹṣiyaṯ. Niṯni tḥeǧaqen-d yinni war itejhiḏen ca ḏi lʼiman, uȓawen nsen trinaren ḏi ṭṭmaƹ. Niṯni ḏ ṯarwa n nnaƹȓeṯ.

1 Yuḥanna 2:26

Uriɣ-awem-d ṯimesȓayin-a x yinni irezzun akenniw xeḏƹen.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Lwaḥi 13:14

Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

Lwaḥi 19:10

Uḍiɣ-as ɣar iḍaren nnes ḥima aḏas sejjḏeɣ. Indeq-d inna-ayi: "Lla! Qa nec ḏ ȓƹabḏ am nec am cek am ayṯmac iy ṭṭfen x minxef icheḏ Ƹisa. Sejjeḏ-as i Arebbi! Ȓaḥeqqac minxef icheḏ Ƹisa netta ḏ arruḥ n l'anbiya."

Lwaḥi 3:11

Aqa usiɣ-d, war tƹeṭṭaȓeɣ ca. Ṭṭef ḏi lʼiman nnec ḥima war d itis ḥadd ac iysi ttaj nnec.