Ayṯ-Kulus 2:16 - Ṯarifiṯ 2020

¹⁶ Iḏen war tejjam ḥadd akenniw iƹeyyeb x min tettem niɣ x min ṯsessem niɣ x ca n ȓeƹyuḏaṯ iy tiȓin kuȓ ƹam niɣ kuȓ char niɣ x nhar n ssebṯ n lƹibada.

Ayṯ-Kulus 2:16 ပူးပေါင်းရင်းမြစ်များ

Matta 15:11

Ma ḏinni ca n ṯmesȓayṯ itaḏfen aqemmum tḥarram bnaḏem?" Inna-asen: "Lla, min d iteffɣen zeg uqemmum aqa manayenni ig itḥarramen bnaḏem."

Marqus 7:19

Minzi war itiḏef ca ɣar wuȓ nnes; Lla, itraḥ ɣar uƹeddis iteffeɣ zi ddat." (S manaya Ƹisa yarra marra lmakla ḥalal.)

Ȓexḏayem 15:20

Walakin aḏasen nari ṯabrat-a ḥima aḏ beƹƹḏen x lmakla itwaqeddmen i lʼaṣnam ḏ lfasad ḏ min itwajeyyfen ḏ iḏammen.

Ayṯ-Ruma 14:10

Iwa cek mayemmi tƹeyyabeḏ umac? Cek mayemmi ṯseḥqareḏ umac? Neccin marra a nbedd zzaṯ i lƹarc n Arebbi mani iy ɣa netwaḥkem.

Ayṯ-Galaṭya 4:10

Aqa kenniw tbaƹem ussan n ddin nsen ḏ ȓechuraṯ ḏ ȓfuṣul ḏ lƹamaṯ nsen!

Ayṯ-Kulus 2:20

Kenniw meȓa ṯemmuṯem ak Lmasiḥ i lqawanin nni iqḏimen n ddunect-a, mayemmi ḏas teggem array i lqanun nni axmi ƹaḏ tƹicem zzayes ḏi ddunect-a?

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

Iƹibraniyen 9:10

Manaya ɣir ḏayes can n lqawanin n ccariƹa x lmakla ḏ ṯsessi ḏ ȓuḍu. Lqawanin-a war ǧin ca x wuȓawen n bnaḏem, xeddmen ḥetta ȓweqṯ n ȓƹaheḏ ḏ jḏiḏ u ṣafi.

Yaƹqub 4:11

Ay ayṯma, war qqareṯ bu ȓbaṭeȓ x wayawya. Minzi wenni iqqaren ȓbaṭeȓ x wumas niɣ itƹeyyab-iṯ, ataf iqqar ȓbaṭeȓ x ccariƹa itƹeyyab-it. Xmi tƹeyyabeḏ ccariƹa ataf cek war zzayes ṯxeddmeḏ ca; Lla, ataf cek ḏ ȓqaḍi nnes waha.