Ayṯ-Kulus 2:12 - Ṯarifiṯ 2020

¹² Iƹni ṯenḍȓem akiḏes s ṭṭahareṯ nwem ḏeg waman, u ƹaweḏ s ṭṭahareṯ nwem ḏeg waman ṯekkarem-d akiḏes zi ȓmewṯ s lʼiman nwem ḏi ṯzemmar n Arebbi wenni d isekkaren Ƹisa zi ȓmewṯ.

Ayṯ-Kulus 2:12 ပူးပေါင်းရင်းမြစ်များ

Luqa 17:5

Nnan-as arrusul i Siḏiṯneɣ: "Arni ḏayneɣ lʼiman."

Ȓexḏayem 14:27

Wami uwḍen ḏinni, smunen jmaƹeṯ n ȓmuminin ƹawḏen-asen marra min igga Arebbi x ufus nsen ḏ mammec irzem-asen ṯawwarṯ n lʼiman i yinni war iǧin ca zi Ayṯ-Israʼil.

Ȓexḏayem 2:24

Walakin Arebbi netta isekkar-iṯ-iḏ iḍȓeq-as zi ȓeḥriq nni n ȓmewṯ xmi tarew, aqa ȓmewṯ war ḏas ṯzemmar.

Ȓexḏayem 2:32

Ƹisa-ya wanita isekkar-iṯ-iḏ Arebbi zi ȓmewṯ, aqa neccin marra ncehheḏ x manaya.

Ayṯ-Ruma 4:24

Lla, yura ƹaweḏ ƹlaḥsab neccin umi ḏaneɣ isemṣȓaḥ akiḏes wami zzayes numen zi Arebbi wenni iy d isekkaren Siḏiṯneɣ Ƹisa zi ȓmewṯ.

Ayṯ-Ruma 7:4

Ay ayṯma, amenni iy ṯeǧam uȓa ḏ kenniw. Iƹni twafekkem zi ccariƹa n Musa wami ṯemmuṯ ddat n Lmasiḥ, aqawem x yiri n yijjen nneɣni netta ḏ yiri n Lmasiḥ iy d ikkaren zi ȓmewṯ, ḥima a narew ȓexḏayem ḏ ṯiṣebḥanin i Arebbi.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

1 Ayṯ-Kurinṯ 15:20

Fa aqa ȓexxu Lmasiḥ itwasekkar-d zi ȓmewṯ, iƹni netta ḏ ṯafeǧaḥṯ ṯamezwarut iy d ikkaren zeg yinni immuṯen.

Ayṯ-Galaṭya 3:27

Liʼanna kenniw ig itwaṭehharen s waman bac aḏ tiȓim ḏi Lmasiḥ, aqa ṯmunem kenniw ḏ ijjen akiḏes.

Ayṯ-Ufasus 2:8

Aqa s arḍa n Siḏi Arebbi iy zi ṯnejmem wami ṯumnem. Manaya war zzaywem d itekk ca zi kenniw; Lla, manaya itekk-d zi lhadiya n Arebbi.

Ayṯ-Ufasus 3:17

ḥima Lmasiḥ aḏ izḏeɣ ḏeg wuȓawen nwem s lʼiman. Tettareɣ i Arebbi ƹaweḏ aḏ twaẓẓum aḏ tuwṯem mliḥ iẓewran ḏeg ucaȓ n ȓemḥibbeṯ

Ayṯ-Ufasus 3:7

Ḏewȓeɣ ḏ axeddam n Lʼinjil-a ƹlaḥsab lbaraka n Arebbi wami ḏayi t ihḏa isexḏem-it s jjheḏ nnes.

Ayṯ-Ufasus 4:5

Siḏiṯneɣ ḏ ijjen, lʼiman ḏ ijjen, ṭṭahareṯ s waman ḏ icten.

Ayṯ-Ufasus 5:14

minzi ḏ nnur iy d ismeḍharen marra. X manaya iqqar Lkitab:

Ayṯ-Filippas 1:29

Maci ƹlaḥsab Lmasiḥ azzayes ṯamnem waha; Lla, labud ƹaweḏ aḏ twaƹeddbem ƹlaḥsab ssabab nnes.

Ayṯ-Kulus 1:29

X manaya nec xeddmeɣ, taḥȓeɣ ḏi ȓxeḏmeṯ-a s marra jjheḏ nni n Lmasiḥ netta isxeddam-ayi s ṯzemmar nnes.

Ayṯ-Kulus 2:13

Fa kenniw tuɣa ṯemmuṯem s wuȓawen nwem ƹlaḥsab ȓmuƹṣiyaṯ ḏ ṭṭabiƹa nwem war iṭehharen ca, walakin Arebbi iseddar-d kenniw ak Lmasiḥ wami ḏaneɣ iɣfar qaƹ ȓmuƹṣiyaṯ nneɣ.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 6:2

niɣ x ibriḏen bac aḏ twaṭehharen yiwḏan s waman, niɣ x mammec ɣa negg a nsers ifassen nneɣ x yiwḏan, niɣ x lqiyama n imettinen, niɣ x Lḥisab nni war ifennin ca.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.