Ayṯ-Kulus 1:4 - Ṯarifiṯ 2020

⁴ Liʼanna netsȓa xawem x lʼiman nwem iy ḏaywem x Ƹisa Lmasiḥ ḏ ȓemḥibbeṯ nwem iy teggem i ṣṣaliḥin marra.

Ayṯ-Kulus 1:4 ပူးပေါင်းရင်းမြစ်များ

2 Ayṯ-Kurinṯ 7:7

U maci ɣir wami d yusa Titus, iƹawen-aneɣ Arebbi ƹaweḏ wami tuɣa ḏayes thillam. Ixbar-aneɣ Titus qa ṯweḥḥcem-ayi, qa ṯnedmem ṯrezzum xafi aṭṭas. Amenni ȓefraḥeṯ inu ṯarni ktar.

Ayṯ-Galaṭya 3:26

Ḏi Ƹisa Lmasiḥ aqa kenniw marra iḏwem ḏ ṯarwa n Arebbi s lʼiman.

Ayṯ-Galaṭya 3:28

War ḏinni lla aʼisraʼili niɣ ḏ ayunani. War ḏinni lla ismeɣ niɣ ḏ wenni iǧan ḥurr. War ḏinni lla aryaz lla ṯamɣarṯ. Aqa kenniw marra iḏwem ṯmunem ḏ ijjen ḏi Ƹisa Lmasiḥ.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Ufasus 1:15

X manaya, nec zeg wami tuɣa tesȓiɣ x lʼiman nwem zi Siḏiṯneɣ Ƹisa ḏ ȓemḥibbeṯ nwem i marra ṣṣaliḥin

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Ayṯ-Kulus 1:9

X manaya zi nhar nni wami tuɣa nesȓa neccin xawem, netɣima ntettar-as i Arebbi xawem bac aḏ tƹemmarem s ṯusna x ȓxaḍar n Arebbi s marra ȓƹaqeȓ ḏ ȓefhameṯ ig iticcen Arruḥ iqeddsen.

1 Ayṯ-Salunik 1:3

Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.

1 Ayṯ-Salunik 3:6

Ȓexxu iḏweȓ-d ɣarneɣ zzaywem Timutawus, yuwi-yaneɣ-d ijjen n ȓexbar ḏ aṣebḥan x lʼiman nwem ḏ ȓemḥibbeṯ nwem. Inna-aneɣ aqa txemmamem ḏayneɣ mliḥ, ḏaywem ƹaweḏ mezȓi aḏaneɣ ṯeẓrem uȓa ḏ neccin ḏayneɣ mezȓi akenniw nẓer.

2 Ayṯ-Salunik 1:3

Ay ayṯma, itxeṣṣa u labud a ncekkar Arebbi xawem ȓebda. Qa manaya nican minzi lʼiman nwem itemɣur s waṭṭas, minzi ƹaweḏ ȓemḥibbeṯ nwem ṯarenni ak wayawya.

Filimun 1:5

Qa nec tesȓiɣ x lʼiman nnec iy ḏayec zi Siḏiṯneɣ Ƹisa ḏ ȓemḥibbeṯ nnec ɣar marra ṣṣaliḥin.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

1 Yuḥanna 3:14

Neccin nessen belli neẓwa zi ȓmewṯ ɣar ṯuḏarṯ ȓaḥeqqac ntexs ayṯmaṯneɣ. Wenni war itexsen ca ƹaḏ aqaṯ itƹic ḏi ȓmewṯ.

1 Yuḥanna 3:23

Aqa ṯanita ḏ ȓuṣiyeṯ nnes a namen zeg yisem n Mmis Ƹisa Lmasiḥ, a ntexs ayawya am mammec iy ḏaneɣ d iweṣṣa netta.

1 Yuḥanna 4:16

Ammu iy d nuweḍ a nessen ȓemḥibbeṯ n Arebbi a namen zi ṯenni iy ḏaneɣ d yuca i neccin. Arebbi ḏ ȓemḥibbeṯ ig iǧa. Wenni iqqimen ḏi ȓemḥibbeṯ netta iqqim ḏi Arebbi, Arebbi iqqim ḏayes.