Ayṯ-Kulus 1:28 - Ṯarifiṯ 2020

²⁸ Lmasiḥ-a netbeccar zzayes i yiwḏan, nnehha-ṯen marra iḏsen, nseȓmaḏ-iṯen s marra ȓefhameṯ bac a nqeddem iwḏan marra ḏi Lmasiḥ bȓa ca n ȓƹib i Arebbi.

Ayṯ-Kulus 1:28 ပူးပေါင်းရင်းမြစ်များ

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Matta 3:7

Walakin wami iẓra Yaḥya belli aṭṭas n ȓfuqaha ḏ ifarrisiyen ḏ iṣadduqiyen tasen-d ɣares ḥima aṯen iṭehhar s waman inna-asen: "Ya ṯarwa n ifiɣeran, wi ḏawem iƹeȓmen aḏ tarewȓem zi lɣaḍab n Siḏi Arebbi iy d ɣa yasen?

Matta 5:48

Iȓiṯ nican qaƹ, amecnaw mamc iǧa Babaṯwem ḏeg ujenna.

Marqus 6:34

Wami d iḍra Ƹisa zi ṯɣarrabut yufa ḏinni ȓɣaci nni, qqsen-as minzi ggin amecnaw iḥuȓiyen war ɣarsen ca uw ṯen ɣa yarewsen. Ibḏa iseȓmaḏ-asen aṭṭas n ṯmesȓayin.

Luqa 21:15

Lla, aḏawem uceɣ awaȓen ḏ ȓefhameṯ ḥima marra yinni kiḏwem itmenɣan war zemmaren ca axawem d arren.

Ȓexḏayem 10:36

Ṯessnem Arebbi issekk-d awaȓ nnes ɣar Ayṯ-Israʼil itbeccar-iṯen s Lʼinjil n ȓehna s Ƹisa Lmasiḥ, netta ḏ Siḏiṯneɣ n marra iwḏan.

Ȓexḏayem 11:20

Walakin ȓebƹaḍ n iryazen zi Qubruṣ ḏ Lqurina usin-d ɣar Wanṭakya bḏan ssawaȓen ak iyunaniyen tbeccaren-ṯen s Siḏiṯneɣ Ƹisa.

Ȓexḏayem 13:38

Iḏen ay ayṯma, rezzuɣ aḏ tessnem s wawaȓ-a belli s Ƹisa-ya iy zi ɣa twaɣfarent ȓmuƹṣiyaṯ. Marra wenni zzayes ɣa yamnen as twaɣfarent marra ȓmuƹṣiyaṯ nnes; Lɣufran-a wanita war izemmar ca aḏ yiȓi s Ccariƹa n Musa.

Ȓexḏayem 17:18

Can n lfalasifa umi qqaren ibikuriyen ḏ can lfalasifa nneɣni umi qqaren iriwaqiyen bḏan temnaqacen ak Bulus nnan ȓebƹaḍ zzaysen, min ixes aḏ yini wanita itpeȓpiȓen waha? Nnan yiwḏan nneɣni imken itbeccar s arebbiṯen n dduwal. Nnan manaya minzi Bulus itbeccar s Ƹisa ḏ lqiyama.

Ȓexḏayem 17:3

Isefham-iṯen isbeyyan-asen ddalil x mammec u labud Lmasiḥ aḏ itwaƹeddeb aḏ d ikkar zi ȓmewṯ. Inna-asen qa Ƹisa-ya iy zi kenniw tbeccareɣ netta s yixef nnes ḏ Lmasiḥ.

Ȓexḏayem 20:31

Iwa iȓiṯ ƹlabal! War tettum ca nec ṯeȓt-snin iy kiḏwem kkiɣ, qqimeɣ tweṣṣiɣ mkuȓ ijjen zzaywem ǧiȓeṯ ḏ wass s imeṭṭawen inu.

Ȓexḏayem 5:42

Qqimen mkuȓ nhar traḥen ɣar ṯemziḏa ṯameqqrant, traḥen zi ṯeddarṯ aȓ ṯeddarṯ seȓmaḏen tbeccaren s Ƹisa belli netta ḏ Lmasiḥ.

Ȓexḏayem 8:35

Itcarraḥ-as Filippas ibḏa-yas zi lʼayaṯ-a ḏi Lkitab itbeccar-iṯ s Ƹisa.

Ȓexḏayem 8:5

Filippas iruḥ ɣar ṯendint n Samarya, itḥeddaṯ i imezḏaɣ nnes s Lmasiḥ.

Ȓexḏayem 9:20

Ȓexddenni ibḏa itḥeddaṯ ḏi ṯemziḏawin n Ayṯ-Israʼil iqqar-asen qa Ƹisa ḏ Mmis n Arebbi.

Ayṯ-Ruma 16:25

Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

1 Ayṯ-Kurinṯ 1:23

walakin neccin netbeccar s Lmasiḥ itwaṣellben. Israʼiliyen tneqȓaḍen ḏi manaya, ḏ yinni war iǧin ca zi Ayṯ-Israʼil qqaren qa manaya ḏ ṯubbuhȓiya waha.

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

1 Ayṯ-Kurinṯ 12:8

Ijjen immuc-as s ufus n Arruḥ iqeddsen bac aḏ issiweȓ s lḥikma. Ijjen immuc-as awaȓ n ṯusna s ufus n Arruḥ-a wanita.

1 Ayṯ-Kurinṯ 15:12

Fa Lmasiḥ netbeccar xas itwasekkar-d zi ȓmewṯ. Mammec qqaren ȓebƹaḍ zzaywem war ṯeǧi bu lqiyama n imettinen?

1 Ayṯ-Kurinṯ 2:15

Amma bnaḏem wenni ɣar iǧa Arruḥ n Arebbi. Itmeyyaz marra ṯimesȓayin, netta war ḏayes itmeyyiz ḥadd.

1 Ayṯ-Kurinṯ 2:6

Innama, neccin nessawaḍ ijjen n wawaȓ n ȓefhameṯ ɣar yinni war iqqimen ca ḏ imezyanen ḏi lʼiman nsen. Walakin ȓefhameṯ-a war d tis ca zi ȓweqṯ-a niɣ zi lḥukkam n ȓweqṯ-a ig igguren aḏ fnan.

1 Ayṯ-Kurinṯ 4:14

Maci uriɣ ṯimesȓayin-a bac akenniw feḍḥeɣ; Lla, uriɣ-ṯent bac akenniw nhiɣ am ca n ṯarwa inu iƹizzen.

2 Ayṯ-Kurinṯ 10:14

Iwa kenniw, ma ikellef-aneɣ Arebbi xawem niɣ lla? Wah, neccin nuweḍ-d ɣarwem, nusa-d ɣarwem ḏ imezwura s Lʼinjil n Lmasiḥ.

2 Ayṯ-Kurinṯ 4:5

War netbeccir ca s yixef nneɣ, netbeccar s Ƹisa Lmasiḥ iƹni netta ḏ Siḏiṯneɣ. U neccin ḏ ixeddamen nwem ƹlaḥsab Ƹisa.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Ufasus 5:27

Ḥima Lmasiḥ aḏ iqeddem jmaƹeṯ n ȓmuminin i yixef nnes tceƹciƹ ḏ ṯamqeddest war twessix war tecniq war ḏayes itiȓi bu ca n ȓƹib nneɣni.

Ayṯ-Kulus 1:22

Walakin ȓexxu lla, Arebbi isemṣȓaḥ-ikenniw akiḏes s ddat n Lmasiḥ iƹni s ȓmewṯ nnes bac akenniw iqeddem zzaṯes ṯeṣfam bȓa ȓƹib war ḏinni bu wi kenniw iy ɣa itahamen.

Ayṯ-Kulus 2:10

Kenniw ṯuḏarṯ nwem ṯekmaȓ ak Lmasiḥ iǧan netta ḏ azeǧif itrayyan x marra yinni iḥekkmen ḏ yinni ijehḏen.

Ayṯ-Kulus 2:3

Ḏayes ḏi netta iy twasnuffaren marra ȓkunuz n ȓefhameṯ ḏ marra ȓkunuz n ṯusna.

Ayṯ-Kulus 3:16

Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

Ayṯ-Kulus 4:12

Isawwaḍ-awem-d sȓam Pafras netta ig iǧan zi ṯmurṯ nwem, netta ḏ ijjen n uxeddam n Ƹisa Lmasiḥ. Ȓebda itaḥeȓ ḏi ṯẓaǧiṯ ƹlaḥsab kenniw bac aḏ tbeddem x dsas aḏ tiȓim ṯemɣarem ḏi lʼiman nwem war ɣarwem itȓi bu ccekk ḏi marra min ixes Arebbi.

1 Ayṯ-Salunik 4:6

Ƹlaḥsab manaya itxeṣṣa labud uȓa ḏ ijjen war iḍeǧem umas war ṯ itɣecci ca liʼanna ḏ Siḏiṯneɣ ig itxeǧasen x marra ṯimesȓayin-a mammec ḏawem ṯ nenna qbeȓ neƹȓem-awem xas.

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

1 Timutawus 3:2

Fa arrayes n jmaƹeṯ maci am yijjen n bnaḏem iy tƹeyyaben yiwḏan. U labud aɣares ṯiȓi ijjen n ṯemɣarṯ waha. U labud aḏ iḥkem x yixef nnes aḏayes yiȓi lmaƹqul ḏ lʼiḥtiram aḏ itreḥḥab zeg inewjiwen aɣares ṯiȓi ṯzemmar aḏ iseȓmeḏ iwḏan.

Iƹibraniyen 10:14

Liʼanna yinni itḏewwaȓen ḏ ṣṣaliḥin issiṣfa-ṯen ḏeg yijjen n ṯwaȓa i ȓebda s yijjen n dbiḥeṯ u ṣafi bac aḏ iȓin bȓa ȓƹib.

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.

2 Buṭrus 3:15

Ḥesbem ṣṣbar n Siḏiṯneɣ netta am yijjen n ȓḥajeṯ iy kenniw isenjamen. Ḏ manaya iy ḏawem d yura umaṯneɣ iƹizzen Bulus s ȓefhameṯ iy ḏas d immucen.