Ayṯ-Kulus 1:26 - Ṯarifiṯ 2020

²⁶ Awaȓ-a netta ḏ ȓmaƹna nni iy tuɣa inuffaren ḏi zmanaṯ ḏ ljilaṯ iƹḏun, ȓexxu arrin-d xas ȓexbar ṣṣaliḥin.

Ayṯ-Kulus 1:26 ပူးပေါင်းရင်းမြစ်များ

Matta 13:11

Indeq-d Ƹisa inna-asen: "Itwasmeḥ i kenniw aḏ tessnem min inuffaren ḏi ȓmulk ujenna. Walakin niṯni lla, war ḏasen itwasmiḥ ca.

Matta 20:7

Nnan-as: Walu, war ḏaneɣ isexḏem ḥadd. Inna-asen: Ruḥem uȓa ḏ kenniw ɣar umarjeƹ inu.

Marqus 4:11

Inna-asen: "Itwasmeḥ i kenniw aḏ tessnem min inuffaren ḏi ȓmulk n Arebbi. Yinni zi barra marra tas-asen-d s ȓemƹani waha:

Luqa 8:10

Inna-asen: "Itwasmeḥ i kenniw aḏ tessnem min inuffaren ḏi ȓmulk n Arebbi, walakin i yiwḏan nneɣni lla. Ssawaȓeɣ akiḏsen s ȓemƹani ḥima aḏ xzaren walakin war twiȓin ca, ḥima aḏ sȓen walakin war fehhmen i ca.

1 Ayṯ-Kurinṯ 2:7

Lla, neccin nessawaḍ ijjen n ȓefhameṯ ḏayes ȓmaƹna inuffaren n Arebbi ḏ min itwasnuffaren. Izemmem-it Arebbi qbeȓ ma aḏ d ṯexȓeq ȓweqṯ qaƹ ḥima neccin a netwasemɣar.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

Ayṯ-Kulus 4:3

Ḏi nnefs n ȓweqṯ ttarem-as i Arebbi xaneɣ bac aḏ irzem ṯawwarṯ i wawaȓ nneɣ a nbeccar s ȓmaƹna inuffaren n Lmasiḥ iy xef iy ǧiɣ nec ḏi ȓeḥbes.

2 Timutawus 1:10

Arḍa-ya qa imeḍhar-d ȓexxu wami d imeḍhar Ƹisa Lmasiḥ wenni iy ḏaneɣ isenjamen wenni isbeṭṭȓen ȓmewṯ. Ȓexxu s ufus n Lʼinjil yuwi-d ṯuḏarṯ ɣar nnur ḏ ṯenni war ifennin ca.