Ayṯ-Kulus 1:18 - Ṯarifiṯ 2020

¹⁸ Ḏ netta iy iǧan ḏ azeǧif n ddat iƹni n jmaƹeṯ n ȓmuminin. Ḏ netta ig iǧan ḏ amezwaru, ḏ netta ig iǧan ḏ amenzu zeg imettinen bac ḏ netta iy ɣa yiȓin ḏ amezwaru ḏi ṯmesȓayin qaƹ.

Ayṯ-Kulus 1:18 ပူးပေါင်းရင်းမြစ်များ

Matta 23:8

Walakin kenniw, war tejjam ḥadd aḏawem iȓaɣa: A siḏiṯneɣ. Ȓaḥeqqac kenniw marra ḏ awmaṯen ɣarwem ijjen n Siḏiṯwem.

Matta 28:18

Iqarreb-d ɣarsen Ƹisa, issiweȓ akiḏsen inna-asen: "Ṯemmuc-ayi marra ssulṭa ḏeg ujenna ḏ ṯmurṯ.

Yuḥanna 1:1

Ḏeg umezwaru iǧa wawaȓ. Awaȓ nni iǧa ak Arebbi. Awaȓ nni ḏ netta ig iǧan ḏ Arebbi.

Yuḥanna 1:16

S lbaraka nnes ṯameqqrant ibarek-aneɣ marra s arḍa x arḍa.

Yuḥanna 1:27

Ḏ netta iy d ɣa yasen menbaƹd i nec, war sḏihiǧeɣ aḏas fesyeɣ uȓa ḏ ifiȓan n ṯsiȓa nnes."

Ȓexḏayem 26:23

Iƹni, Lmasiḥ wa labud aḏ itwaƹeddeb aḏ ibeccar lʼumma nneɣ s nnur ḏ marra yinni war iǧin ca zi Ayṯ-Israʼil liʼanna ḏ netta iy d ɣa ikkaren ḏ amezwaru zi ȓmewṯ."

Ayṯ-Ruma 8:29

Liʼanna yinni iy tuɣa issen-iṯen zi qbeȓ, izemmem-iṯen zi qbeȓ ḥima aḏ iȓin x ṣṣifeṯ n Mmis aḏ iȓin am netta. Ammu aḏ yiȓi netta ḏ Mmis amenzu n waṭṭas n ayṯmas.

1 Ayṯ-Kurinṯ 11:3

Walakin xseɣ akenniw sfehmeɣ mliḥ qa azeǧif n mkuȓ aryaz netta ḏ Lmasiḥ u ḏ netta ig itrayan. Azeǧif n mkuȓ ṯamɣarṯ netta ḏ aryaz u ḏ netta ig itrayan. Azeǧif n Lmasiḥ netta ḏ Arebbi u ḏ netta ig itrayan.

1 Ayṯ-Kurinṯ 12:27

Fa kenniw ḏ ddat-a iƹni ḏ jmaƹeṯ n Lmasiḥ, kuȓ ijjen zzaywem ḏ ijjen ṭṭarf zzayes.

1 Ayṯ-Kurinṯ 15:25

Aqa itxeṣṣa aḏ iḥkem Lmasiḥ aȓ ɣa igg Arebbi marra ȓƹaḏyan nnes swadday n ssulṭa n iḍaren nnes.

Ayṯ-Ufasus 1:10

Ȓmaƹna-ya inuffaren ixeṭṭeṭ-it-id bac aḏ tebḏa ṯṣeǧaḥ ḏi ȓweqṯ nnes nican bac aḏ ismun Arebbi marra ṯimesȓayin ḏi Lmasiḥ, iƹni ṯimesȓayin ḏeg ujenna ḏ ṯmurṯ.

Ayṯ-Ufasus 5:23

Ȓaḥeqqac aryaz itrayya x ṯemɣarṯ nnes mamc ƹaweḏ itrayya Lmasiḥ x jmaƹeṯ n ȓmuminin. Jmaƹeṯ-a isenjem-it Lmasiḥ u ḏ nettaṯ ig iǧan ḏ ddat nnes.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

Ayṯ-Kulus 2:19

Bnaḏem nni isexṣar lƹalaqa ak wenni itrayyan ḏ azeǧif. Azeǧif nni netta itḏebbar i ddat nnes amen-ṯekmaȓ wami nettaṯ ṯmun s ipurṣuṯen ḏ ȓemfaseȓ nnes bac ddat aḏ temɣar ƹlaḥsab min ixes Arebbi aḏ temɣar.

1 Yuḥanna 1:1

Min tuɣa ḏinni zeg umezwaru, netsȓa-yas neẓẓer-iṯ s ṯiṭṭawin nneɣ, nxezzar ḏayes netḥaḏa-ṯ s ifassen nneɣ iƹni ḏ Awaȓ n ṯuḏarṯ.

Lwaḥi 1:18

Nec ḏ wenni iddaren. Tuɣa mmuṯeɣ, ȓexxu nec ddareɣ i ȓebda n ȓebdaṯ. Ɣari ȓemfataḥ n ȓmewṯ ḏ Lʼaxira.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.

Lwaḥi 1:8

Iqqar Siḏi Arebbi: "Nec ḏ lʼalif nec ḏ lyaʼ. Nec ḏ wenni ig iǧan, tuɣa ǧiɣ, ƹaḏ aḏ d aseɣ, zemmareɣ i kuȓci."

Lwaḥi 11:15

Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Lwaḥi 21:6

Inna-ayi: "Ṣafi, itwakemmeȓ. Nec ḏ lʼalif nec ḏ lyaʼ. Nec kuȓci zzayi ig ibḏa, nec kuȓci zzayi iy ɣa ikemmeȓ. Aḏ uceɣ i wenni iffuḏen zi ȓƹunṣar n waman n ṯuḏarṯ baṭeȓ.

Lwaḥi 22:13

Nec ḏ lʼalif nec ḏ lyaʼ, nec ḏ amezwaru ḏ aneggaru. Nec kuȓci zzayi ig ibḏa, kuȓci zzayi iy ɣa ikemmeȓ.

Lwaḥi 3:14

Ari-yas i lmalaʼika n jmaƹṯ n ȓmuminin iy iǧan ḏi ṯendint n Lawdukya, ini-yas qa wenni umi qqaren Amin, netta ḏ ccaheḏ ḏayes ȓaman ḏayes ȓḥaqq, zzayes iy d ixȓeq Arebbi marra, iqqar-ac: