Ayṯ-Kulus 1:16 - Ṯarifiṯ 2020

¹⁶ Zzayes netta iy zi d twaxeȓqent qaƹ ṯimesȓayin ig iǧan ḏeg ujenna niɣ ḏi ṯmurṯ. Waxxa tbanent-id niɣ war d tbinent ca. Niɣ ḏ lƹarcaṯ niɣ ḏ lmemlakaṯ niɣ ḏ yinni iḥekkmen niɣ ḏ yinni ijehḏen. Qaƹ ṯimesȓayin-a zzayes iy d twaxeȓqent, twaxeȓqent-as-d i netta.

Ayṯ-Kulus 1:16 ပူးပေါင်းရင်းမြစ်များ

Yuḥanna 1:10

Nnur nni tuɣa iǧa ḏi ddunect. Waxxa ḏ netta ig iggin ddunect, ayṯbab n ddunect war ṯ ssinen ca.

Yuḥanna 1:3

Zzayes iy d ixȓeq Arebbi marra, u bȓa awaȓ nni war tiȓi uȓa ḏ ijjen n ṯmesȓayṯ zi min d ixȓeq.

Ayṯ-Ruma 11:36

Aqa marra yusa-d ikka-d zzayes, kulci nnes. Aɣares ṯiȓi lƹaḍama i netta i ȓebda. Amin.

Ayṯ-Ruma 8:38

Aqa nec metʼakked belli uȓa ḏ ijjen n ṯmesȓayṯ zi min d itwaxeȓqen war ṯzemmar aḏaneɣ ṯeƹzeȓ zi ȓemḥibbeṯ n Arebbi iy d imeḍharen ḏi Siḏiṯneɣ Ƹisa Lmasiḥ: ȓa ḏ ȓmewṯ, ȓa ḏ ṯuḏarṯ, ȓa ḏ lmalaʼikaṯ, ȓa ḏ ccayaṭin, ȓa ḏ jnun, ȓa ḏ min iǧan ȓexxu, ȓa ḏ min d ɣa yasen, ȓa ḏ min yuƹȓan, ȓa ḏ min yuǧɣen, uȓa ḏ ca n ȓḥajeṯ nneɣni.

Ayṯ-Ruma 9:5

Usin-d zi ssalaf ṣṣaliḥin, u zeg uẓwer nsen iy d yusa Lmasiḥ ḏ ddat ḏ bnaḏem. Arebbi itwaḥmeḏ i ȓebda, wenni iḥekkmen x marra. Amin.

1 Ayṯ-Kurinṯ 8:6

Walakin neccin ɣarneɣ ijjen n Arebbi waḥḏes, netta ḏ Babaṯneɣ. Zzayes netta ǧant marra ṯimesȓayin, neccin neǧa i netta. Ƹaweḏ ɣarneɣ ijjen n Siḏiṯneɣ, iƹni Ƹisa Lmasiḥ. Zi netta mizi xeȓqent marra ṯimesȓayin, zzayes mizi nexȓeq neccin.

Ayṯ-Ufasus 1:10

Ȓmaƹna-ya inuffaren ixeṭṭeṭ-it-id bac aḏ tebḏa ṯṣeǧaḥ ḏi ȓweqṯ nnes nican bac aḏ ismun Arebbi marra ṯimesȓayin ḏi Lmasiḥ, iƹni ṯimesȓayin ḏeg ujenna ḏ ṯmurṯ.

Ayṯ-Ufasus 6:12

Liʼanna neccin war netmenɣi ca ḍed i yiwḏan n uysum ḏ iḏammen. Lla, netmenɣa ḍed n ṯzemmar n ṯaǧest-a ṯanita n zman-a ḏ yinni ig iḥekkmen ḏ yinni ig ijehḏen ḏi ṯaǧest-a. Neccin netmenɣa ḍed n ccayaṭin iƹeffanen ig iǧan ḏeg imucan n ijennaṯen.

Ayṯ-Filippas 2:10

Bac x yisem nni n Ƹisa aḏ rekƹen marra x ifadden nsen, yinni iǧan ḏeg ujenna ḏ yinni iǧan ḏi ṯmurṯ ḏ yinni iǧan swadday n ṯmurṯ.

Ayṯ-Kulus 1:15

Mmis netta ḏ ṣṣifeṯ n Arebbi wenni war nzemmar ca neccin aṯ nẓer. Netta ḏ amenzu iḥekkem x qaƹ min d itwaxeȓqen.

Ayṯ-Kulus 1:20

Ṯumma isemṣȓaḥ Arebbi qaƹ ṯimesȓayin i yixef nnes ig iǧan ḏi ṯmurṯ niɣ ḏeg ujenna iƹni igga ȓehna s iḏammen n Mmis iy yuzzȓen x ṣṣalib.

Ayṯ-Kulus 2:10

Kenniw ṯuḏarṯ nwem ṯekmaȓ ak Lmasiḥ iǧan netta ḏ azeǧif itrayyan x marra yinni iḥekkmen ḏ yinni ijehḏen.

Ayṯ-Kulus 2:15

Arebbi ikkes ṯizemmar nni n yinni iḥekkmen ḏ yinni ijehḏen yarri-ṯen axasen furrjen iwḏan ifḍeḥ-iṯen irbeḥ-iṯen x ṣṣalib.

Iƹibraniyen 1:2

Walakin ḏi lʼayyam-a ineggura issawaȓ akiḏneɣ s uqemmum n Mmis iƹni wenni iy ixḍar aḏ iwareṯ marra ṯimesȓayin, zzayes iy d ixȓeq Arebbi ddunect.

Iƹibraniyen 2:10

Zi Arebbi iy tiȓint marra ṯimesȓayin-a u netta umi tiȓint. Ḏ Arebbi netta iy yarrin Ƹisa war ḏayes bu ȓƹib s ȓaƹḏab nni nnes ig xas iƹḏun ḥima Arebbi aḏ d yawi aṭṭas n ṯarwa ɣar lƹaḍama nnes. Ɣares ȓmaƹna manaya ȓaḥeqqac Ƹisa netta ḏ zzaƹim n usenjem n ṯarwa-ya.

1 Buṭrus 3:22

Ḏ netta igaƹƹḏen ɣar ujenna aqaṯ x ufusi n Arebbi, yarra lmalaʼikaṯ swadday n lḥukem nnes ḏ yinni iḥekkmen ḏ yinni ijehḏen.