Ayṯ-Kulus 1:12 - Ṯarifiṯ 2020

¹² bac aḏ tcekkarem Babaṯneɣ wenni iy ḏawem yucin ȓḥaqq aḏ tcarcem ḏi lwareṯ n ṣṣaliḥin ḏi nnur.

Ayṯ-Kulus 1:12 ပူးပေါင်းရင်းမြစ်များ

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Yuḥanna 4:23

Walakin aḏ d tas ȓweqṯ aqa ȓexxu ṯusa-d, maƹlik yinni iƹebbḏen nican ataf aḏ ƹebbḏen Baba s lḥaqiqa ḏ arruḥ. Ḏ yina iy xef irezzu Baba.

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Ayṯ-Ruma 11:17

Cuf, ȓebƹaḍ n ȓefruƹ iƹni ṯiseḍwin twaqessent zi ṯzitunt, ssenni cek ṯetwaȓeqqmeḏ ḏeg umcan nsent jar ṯinni iqqimen waxxa cek ḏ azemmur, ṯcarrceḏ ḏeg iẓewran n ṯzitunt ṯeddareḏ zzaysen.

Ayṯ-Ruma 15:27

Aqa niṯni texsen ad ggen manaya, manaya ḏ ṣṣaḥ ḏ ijjen n lwajib aqaṯ xasen. Mayemmi? Liʼanna yinni war iǧin ca zi Ayṯ-Israʼil meȓa ysin zi lbaraka ruḥiya n israʼiliyen, itxeṣṣa-yasen labud yinni war iǧin ca zi Ayṯ-Israʼil aḏ ƹawnen israʼiliyen s wagȓa nsen.

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

Ayṯ-Ruma 9:23

Igga amenni liʼanna ixes aḏ ismeḍhar lƹaḍama nnes imɣaren x yina ig irḥem iƹni iɣerrafen-a ig isewjeḏ zi qbeȓ i lƹaḍama, iƹni ḏ neccin. Iȓaɣa-yaneɣ-d i neccin iy d yusin zi Ayṯ-Israʼil uȓa ḏ yinni war iǧin ca zi Ayṯ-Israʼil.

1 Ayṯ-Kurinṯ 8:6

Walakin neccin ɣarneɣ ijjen n Arebbi waḥḏes, netta ḏ Babaṯneɣ. Zzayes netta ǧant marra ṯimesȓayin, neccin neǧa i netta. Ƹaweḏ ɣarneɣ ijjen n Siḏiṯneɣ, iƹni Ƹisa Lmasiḥ. Zi netta mizi xeȓqent marra ṯimesȓayin, zzayes mizi nexȓeq neccin.

1 Ayṯ-Kurinṯ 9:23

Nec teggeɣ marra manaya ƹlaḥsab Lʼinjil ḥima aḏ carceɣ ḏi lbarakaṯ nnes.

2 Ayṯ-Kurinṯ 11:14

Iwa war nesteɣȓib ca liʼanna Cciṭan netta s yixef nnes isneƹmiȓ ḏ ijjen n lmalaʼika n nnur.

2 Ayṯ-Kurinṯ 5:5

Wi ḏaneɣ iswejḏen i manayenni? Netta ḏ Arebbi, yuca-aneɣ-d Arruḥ nnes ḏ ijjen n ttesbiq.

Ayṯ-Ufasus 1:11

Marra ṯimesȓayin itegg-iṯent Arebbi ƹlaḥsab min ixeṭṭeṭ ḏ min ixḍar netta. Neccin ḏi Ƹisa yarra-aneɣ Arebbi a nwareṯ ƹlaḥsab min izemmem netta s lɣaraḍ nnes.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

Ayṯ-Ufasus 2:18

Liʼanna s Lmasiḥ am neccin am kenniw nzemmar a nqarreb ɣar Arebbi Babaṯneɣ s yijjen n Arruḥ iqeddsen.

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Ufasus 4:6

Arebbi Babaṯneɣ n marra ḏ ijjen. Aqaṯ x marra, iƹeddu-d x marra, aqaṯ ḏi marra.

Ayṯ-Ufasus 5:11

War carrcem ca ḏi ȓexḏayem n ṯaǧest war tarwent ca, feḍḥem-ṯent.

Ayṯ-Ufasus 5:20

Cekkarem ȓebda Arebbi Babaṯneɣ x marra ṯimesȓayin ḏeg yisem n Siḏiṯneɣ Ƹisa Lmasiḥ.

Ayṯ-Ufasus 5:4

U labud ƹaweḏ war itiȓi ca jarawem awaȓ aƹeffan niɣ ḏ wawaȓ ixwan niɣ ḏ nnukta ḏ ṯaƹeffant; Lla, itxeṣṣa aḏ yiȓi ccuker i Arebbi.

Ayṯ-Ufasus 5:8

Cuf, ḏeg yijjen n ȓweqṯ kenniw tuɣa ḏ ṯaǧest, ȓexxu kenniw ṯḏewȓem ḏ ijjen n nnur ḏi Siḏi Arebbi. Iwa ƹiceṯ am ṯarwa n nnur.

Ayṯ-Kulus 2:2

Rezzuɣ uȓawen nwem aḏ twacejjƹen xmi ɣa munen ak wayawya s ȓemḥibbeṯ bac aḏ tawḍem ɣar marra ȓxir nni ig iǧan ḏeg yijjen n ȓefhameṯ ṯekmaȓ ḏ yijjen n ṯusna x ȓmaƹna inuffaren n Arebbi iǧan ḏi Lmasiḥ.

Ayṯ-Kulus 3:15

Jjem ȓehna n Lmasiḥ aḏ iḥkem ḏeg wuȓawen nwem minzi kenniw ḏ ijjen n jmaƹeṯ iȓaɣa-yawem-d aȓ ȓehna-ya. Kenniw ƹaweḏ cekkarem Arebbi.

Ayṯ-Kulus 3:17

Marra min teggem s wawaȓen niɣ s lḥasanaṯ, itxeṣṣa aḏ teggem manaya marra ƹlaḥsab isem n Siḏiṯneɣ Ƹisa azzayes tcekkarem Arebbi Babaṯneɣ.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Iƹibraniyen 12:23

Ṯqarrbem-d ɣar yinni itmunen ḏi ȓefraḥeṯ iƹni ɣar jmaƹeṯ n yinni ixḍar Arebbi iy d ixeȓqen ḏ imezwura isemawen nsen twazemmen ḏeg ujenna. Ṯqarrbem-d ɣar Arebbi wenni iǧan ḏ ȓqaḍi x marra iwḏan. Ṯqarrbem-d ɣar arruḥaṯ n ṣṣaliḥin yarri-ṯen Arebbi bȓa ȓƹib.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.

Iƹibraniyen 3:14

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.

Yaƹqub 3:9

Zzayes iy nḥemmeḏ Siḏi Arebbi Babaṯneɣ. Ma zzayes ƹaweḏ iy zi ɣa nenƹeȓ iryazen iy d ixȓeq Arebbi x ṣṣifeṯ nnes?

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

Lwaḥi 21:23

Ṯandint-a war teḥḏiji ca ṯfawṯ n ṯfucṯ niɣ n ṯziri ȓaḥeqqac lƹaḍama n Arebbi nettaṯ iy iteggen ḏinni ṯfawṯ, Izmar ḏ netta ḏ ȓefnar nnes.

Lwaḥi 22:14

Ssaƹḏ n yinni itṣebbanen ičammiren nsen, ḥima aɣarsen yiȓi ȓḥaqq ḏi ṯcejjarṯ n ṯuḏarṯ aḏ aḏfen ṯandint zi ṯewwura nnes.

Lwaḥi 22:5

Zi ssenni aȓ ṯsawent war ḏinni tiȓi bu ǧiȓeṯ, war teḥḏijin ca ṯfawṯ n ȓefnar niɣ ḏ ṯfawṯ n ṯfuct ȓaḥeqqac Siḏi Arebbi netta axasen igg ṯfawṯ nnes. Aḏ ḥekmen i ȓebda n ȓebdaṯ.