Ayṯ-Kulus 1:11 - Ṯarifiṯ 2020

¹¹ Ntettar i Arebbi aḏ tjehḏem ḏi marra ṯizemmar nwem ƹlaḥsab lquwwa nnes iǧan ƹaḍima bac aḏ tbeddem aḏ teṣbarem mliḥ s ȓefraḥeṯ,

Ayṯ-Kulus 1:11 ပူးပေါင်းရင်းမြစ်များ

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Ȓexḏayem 5:41

Farḥen arrusul wami ffɣen zi Jmaƹeṯ nni n lḥukkam n Ayṯ-Israʼil, ḥessben belli ɣarsen lhimma x lʼihana nni iy ḏasen iweqƹen x yisem n Ƹisa.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

1 Ayṯ-Kurinṯ 16:13

Iȓiṯ ƹlalbal, beddeṯ nican ḏi lʼiman, iȓiṯ ḏ iryazen, iȓiṯ ṯjehḏem.

2 Ayṯ-Kurinṯ 4:7

Fa ȓkenz-a wanita aqaṯ ɣarneɣ ḏeg iɣerrafen n ucaȓ iƹni ḏi ddat nneɣ, bac aḏ d imeḍhar belli jjheḏ-a ameqqran aṭṭas itas-d zi Arebbi maci zzayneɣ.

Ayṯ-Ufasus 3:16

Tettareɣ i Arebbi zeg wagȓa nnes aƹḍim akenniw isejheḏ ḏi nnefs nwem s ufus n Arruḥ nnes

Ayṯ-Ufasus 4:2

Iȓim bȓa ttakebbur qaƹ. Iȓim s yijjen n ttawaḍuƹ. Ṣbarem ak wayawya s ttasiƹ n ȓxaḍar ḏ ȓemḥibbeṯ.

Ayṯ-Ufasus 6:10

Aqa awaȓ inu aneggaru: Jehḏeṯ s Siḏi Arebbi u s lquwwa nnes ṯameqqrant.

Ayṯ-Filippas 4:13

Qaƹ ṯimesȓayin zemmareɣ-asent s wenni iy ḏayi iticcen jjheḏ.

2 Buṭrus 1:6

u ƹaweḏ arnim ȓeḥkam x yixef nwem ak ṯusna-ya nwem; u ƹaweḏ arnim ṭṭaƹa i Arebbi ak ȓeḥkam-a x yixef nwem;

Yahuḏa 1:25

iƹni Arebbi wenni iǧan waḥḏes isenjam-aneɣ. Aɣares ṯiȓi lƹaḍama ḏ ṯuƹȓat ḏ lquwwa ḏ ssulṭa s Ƹisa Lmasiḥ Siḏiṯneɣ iƹni qbeȓ i marra zmanaṯ iy iƹḏun u ḏ ȓexxu u ḏ ȓebda n ȓebdaṯ. Amin.

Lwaḥi 14:12

Ḏi lḥala nni itxeṣṣa-yasen i ȓmuminin ṣṣaliḥin aḏ ṣbaren aḏ ggen array s ȓuṣiyaṯ n Arebbi aḏ amnen zi Ƹisa.