Ayṯ-Kulus 1:10 - Ṯarifiṯ 2020

¹⁰ Ḥima aḏ tuyurem x yijjen n ubriḏ iy ḏas iticcen i Siḏiṯneɣ lqima iy ḏas iteƹjiben marra. X ubriḏ-a aḏ tarwem marra ȓexḏayem ṯiṣebḥanin aḏ tmarnim ḏi ṯusna nwem x Arebbi.

Ayṯ-Kulus 1:10 ပူးပေါင်းရင်းမြစ်များ

Yuḥanna 15:16

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

Yuḥanna 15:8

Aḏ tarwem izekkunen aṭṭas, aḏ tiȓim ḏ imeḥḍaren inu. S manaya itwasemɣar Baba.

Yuḥanna 17:3

Ṯuḏarṯ n ȓebda ḏ ṯa iƹni ac ssnen belli cek ḏ Arebbi nican waḥḏec, aḏ ssnen ƹaweḏ Ƹisa Lmasiḥ iƹni wenni iy ṯessekkeḏ.

Ayṯ-Ruma 1:13

Ay ayṯma, xseɣ aḏ tessnem belli aṭṭas n ṯwaȓaṯin teggeɣ aɣarwem d aseɣ, walakin ȓexxu ƹaḏ war ɣarwem d uwiḍeɣ. Nec xseɣ ȓxeḏmeṯ inu aḏ tenjeḥ ḏaywem mammec ṯenjeḥ jar ȓegnus nneɣni.

Ayṯ-Ruma 4:12

U netta ḏ jeddiṯsen ƹaweḏ uȓa n yinni iggin ṭṭahareṯ, walakin maci ggin ṭṭahareṯ u ṣafi. Lla, itxeṣṣa-yasen aḏ ḏeffaren ȓaṯar n lʼiman mamc tuɣa iǧa ɣar jeddiṯneɣ Brahim wami tuɣa ƹaḏ war iggi bu ṭṭahareṯ.

Ayṯ-Ruma 6:4

Falihaḏa wami netwaṭehhar akiḏes s waman, iƹni netwanḍeȓ akiḏes ḏi ȓmewṯ. Mayemmi? Ḥima mammec d ikkar Lmasiḥ zi ȓmewṯ s lƹaḍama n Arebbi Babaṯneɣ, amenni uȓa ḏ neccin aqa a nƹic ḏeg yijjen n ṯuḏarṯ ḏ jḏiḏ.

2 Ayṯ-Kurinṯ 2:14

Walakin a neḥmeḏ Arebbi. Netta ȓebda isuggur-aneɣ ḏeg ubriḏ n arbaḥ s Lmasiḥ u zzayneɣ neccin itentacar ȓefwaḥ n ṯusna x Lmasiḥ.

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

2 Ayṯ-Kurinṯ 5:9

X manayenni mixef nrezzu? Nrezzu axas narḍa waxxa nzeddeɣ ḏi ddat-a n ddunect-a niɣ ntaggwaj zzayes.

2 Ayṯ-Kurinṯ 9:8

Arebbi netta izemmar akenniw isfeyyeḍ s lbaraka bac ataf ȓebda aɣarwem yiȓi min teḥḏajam marra ṯumma aḏ tarnim aṭṭas ḏi marra ȓxeḏmeṯ ṯaṣebḥant.

Ayṯ-Ufasus 1:17

Ḥima Arebbi Babaṯneɣ ƹaḍim n Siḏiṯneɣ Ƹisa Lmasiḥ aḏawem d yuc ijjen n arruḥ n ȓefhameṯ, kenniw aḏ tƹeȓmem x min inuffaren bac aḏ tessnem Siḏi Arebbi mliḥ.

Ayṯ-Ufasus 2:10

Liʼanna neccin ḏ ȓxeḏmeṯ n Siḏi Arebbi, ixȓeq-aneɣ-d ḏi Ƹisa Lmasiḥ bac a negg ȓexḏayem ṯiṣebḥanin. Niṯenti isewjeḏ-aneɣ-ṯent-id Arebbi zi qbeȓ bac aṯent nexḏem.

Ayṯ-Ufasus 4:1

Iḏen fa nec ig iǧan ḏ ameḥbus x ssabab n Siḏiṯneɣ akenniw nhiɣ bac aḏ tuyurem nican ƹlaḥsab awaȓ nni iy ḏawem d iȓaɣan zeg ujenna.

Ayṯ-Ufasus 4:13

Aȓ ɣa niȓi marra ḏ ijjen ḏi lʼiman u ḏi ṯusna x Mmis n Arebbi. Aȓ ɣa niȓi marra ƹaweḏ nemɣar iƹni ḏ iryazen am ȓaƹbar nni ikmaȓ n ȓqedd n Lmasiḥ.

Ayṯ-Ufasus 5:10

Meyyzeṯ ƹaweḏ min ḏas iteƹjiben i Siḏi Arebbi.

Ayṯ-Ufasus 5:15

Iḏen fa, rajƹaṯ ixef nwem xzareṯ mammec iy ɣa ṯƹicem. Maci aḏ tƹicem am yinni iy ḏi ṯeǧa ȓeqfaȓeṯ; Lla, ƹicem am yinni iy ḏi ṯeǧa ȓefhameṯ.

Ayṯ-Ufasus 5:2

Ƹicem ḏi ȓemḥibbeṯ mamc igga Lmasiḥ wami ḏaneɣ iḥibb iṣeddeq xaneɣ ixef nnes am yijjen n ṣṣeḏqeṯ ṯufuḥ ḏ ijjen n dbiḥeṯ i Arebbi.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

Ayṯ-Filippas 1:27

Lmuhim, suyureṯ ixef nwem ḏeg yijjen n ubriḏ iticcen lqima i Lʼinjil n Lmasiḥ. Ṯumma waxxa nec usiɣ-d akenniw ẓreɣ niɣ ɣabeɣ xawem ataf axawem sȓeɣ ȓexbar belli ṯuggurem nican x yijjen n array, ṯxeddmem fus ḏeg ufus x ssabab n lʼiman iy iǧan ḏi Lʼinjil,

Ayṯ-Filippas 4:18

Ṭṭfeɣ ȓmuneṯ ṯekmaȓ zzaywem u ktar ƹaḏ. Ṯḏebbarem-ayi-d mliḥ wami qebȓeɣ zeg wumaṯneɣ Parfulitus lhadiyaṯ nni iy ḏayi d ṯessekkem. Niṯenti am yijjen ṣṣeḏqeṯ ṯetfuḥ ḏ yijjen n dbiḥeṯ iy ɣa iqbeȓ Arebbi iy ḏas ɣa iƹejben.

Ayṯ-Kulus 2:19

Bnaḏem nni isexṣar lƹalaqa ak wenni itrayyan ḏ azeǧif. Azeǧif nni netta itḏebbar i ddat nnes amen-ṯekmaȓ wami nettaṯ ṯmun s ipurṣuṯen ḏ ȓemfaseȓ nnes bac ddat aḏ temɣar ƹlaḥsab min ixes Arebbi aḏ temɣar.

Ayṯ-Kulus 2:6

Iḏen, mammec ṯqebȓem Ƹisa Lmasiḥ amenni iy ɣa ṯƹicem.

Ayṯ-Kulus 3:20

Ay iḥenjiren, ṭaƹem i lwalidin nwem ḏi marra ṯimesȓayin minzi manaya itƹejib-as i Siḏi Arebbi.

Ayṯ-Kulus 4:5

Ƹiceṯ s ȓefhameṯ ak yinni iǧan ɣar barra nwem war yuminen ca, staɣellam ȓweqṯ nwem mliḥ.

1 Ayṯ-Salunik 2:12

bac aḏ tuyurem s yijjen n ṯicri iy ḏas iticcen lqima i Arebbi ig isḏaheǧ netta iƹni wenni iy ḏawem d itȓaɣan ɣar ȓmulk nnes ḏ lƹaḍama nnes.

1 Ayṯ-Salunik 4:1

Fa ay ayṯma ƹlaḥsab ṯimesȓayin nneɣni, kenniw qa ṯqebȓem zzayneɣ mamc iy ɣa ṯƹicem bac axawem yarḍa Arebbi; amenni ƹaweḏ iy tƹicem. Ȓexxu ḏi Ƹisa Lmasiḥ netḥeccam-ikenniw netweṣṣa-kenniw bac aḏ teggem ƹaḏ ktar.

2 Timutawus 2:4

War ḏinni bu can uƹeskari ig itemxumburen ḏi ddur nnes ḏi ṯmesȓayin n ddunect-a ȓaḥeqqac irezzu aḏ yarḍa x wenni iy ṯ yarrin ḏ aƹeskari.

Titus 3:1

Sfekkar i ȓmuminin aḏ ggen array i ȓḥukkam ḏ ȓmexzen, aḏasen ṭaƹen aḏ iȓin wejḏen i kuȓ ȓxeḏmeṯ ḏ ṯaṣebḥant.

Titus 3:14

Iwḏan nneɣ itxeṣṣa war tƹicen ca bȓa nnfaƹ, itxeṣṣa aḏ ṭewwƹen ixef nsen s lḥasanaṯ ḥima aḏ debbaren i yina iteḥḏajan.

Iƹibraniyen 11:5

S lʼiman ikkar nnabi Axnux itwaxḍef ɣar ujenna ḥima war itwiȓi ca ȓmewṯ. War ṯ ufin ca, iysi-ṯ Arebbi ɣares. U qbeȓ ma aḏ itwaxḍef itwacekkar am yijjen yarḍa xas Arebbi.

Iƹibraniyen 13:16

U war tettuṯ ca aḏ teggem ȓxir aḏ tcarcem ak inneɣni minzi s dbiḥaṯ-a am ṯina iy ḏas iteƹjiben i Arebbi.

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.

2 Buṭrus 1:8

Cuf, kenniw meȓa ḏaywem ṯimesȓayin-a aḏaysent ṯarennim, ataf aḏaywem yiȓi nnfaƹ aḏ tarwem ƹaweḏ ḏi ṯusna n Siḏiṯneɣ Ƹisa Lmasiḥ.

2 Buṭrus 3:18

Lla, aḏ tmarnim ḏi arḍa ḏ ȓefhameṯ n Siḏiṯneɣ Ƹisa Lmasiḥ iy ḏaneɣ isenjamen. Aɣares ṯiȓi lƹaḍama zi ȓexxu ḥetta aȓ Nhar nni war ifennin ca ƹemmarṣ. Amin.

1 Yuḥanna 3:22

ataf azzayes neqbeȓ marra min ḏas ɣa nettar neccin ȓaḥeqqac netṭaƹa ȓuṣiyaṯ nnes ntegg minxef ireṭṭa netta.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

3 Yuḥanna 1:6

Cehḏen xak ḏanita zzaṯ i jmaƹeṯ x ȓemḥibbeṯ nnec. Aḏ teggeḏ mliḥ ƹaweḏ meȓa ṯdebbareḏ xasen x ubriḏ nsen ƹlaḥsab min iteḥḏaja Arebbi.