Ayṯ-Galaṭya 6:4 - Ṯarifiṯ 2020

⁴ Lla, labud mkuȓ ijjen aḏ irajeƹ nniṯ ȓexḏayem nnes, ṯumma ataf aḏ iftaxar nican u bȓa ma aḏ icabbeh ixef nnes ḏeg umƹacar nnes.

Ayṯ-Galaṭya 6:4 ပူးပေါင်းရင်းမြစ်များ

Luqa 18:11

Ibedd ufarrisi nni itẓaǧa ḏi nnefs nnes inna: Ya Arebbi tcekkareɣ-cek, minzi war ǧiɣ ca am yiwḏan nneɣni iǧan ḏ ixewwanen niɣ ḏ yinni war iǧin ca nican niɣ ḏ yinni izennan niɣ am wanita ig ijemmƹen ḍḍariba!

1 Ayṯ-Kurinṯ 11:28

Iwa itxeṣṣa-yas i bnaḏem aḏ irajeƹ ixef nnes qbeȓ ma aḏ icc zeg uɣrum-a, qbeȓ ma aḏ isew zi ȓkas-a.

1 Ayṯ-Kurinṯ 3:14

Wenni ibnan x dsas-a ȓxeḏmeṯ nnes nican war t tett ca ṯmessi, ataf aṯ ijaza.

1 Ayṯ-Kurinṯ 3:8

Fa wenni iteẓẓun ḏ wenni isessawen ȓxeḏmeṯ nsen ḏ ijjen, kuȓ ijjen aṯ ijaza ƹlaḥsab ȓxeḏmeṯ nnes.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 13:5

Jarrbeṯ ixef nwem ma aqa kenniw ḏi lʼiman. Rajƹeṯ ixef nwem. Yac ṯessnem qa Ƹisa Lmasiḥ aqaṯ ḏaywem? Iƹni meȓa war ṯesqiṭem ca.

Ayṯ-Galaṭya 6:13

Cuf, yinni iteggen ṭṭahareṯ niṯni s yixef nsen war tṭiƹin ca i ccariƹa nsen. Rezzun kenniw aḏ teggem ṭṭahareṯ bac aḏ ftaxaren belli ṯeggim lƹada nsen ḏi ddat nwem.

Ayṯ-Filippas 1:26

Aɣarwem d ƹeqbeɣ ƹaweḏ. X ssabab-a ataf ȓefraḥeṯ nwem ḏi Ƹisa Lmasiḥ aḏ d tenfeyyeḍ ƹlaḥsab nec.