Ayṯ-Galaṭya 6:14 - Ṯarifiṯ 2020

¹⁴ Walakin nec ƹemmarṣ aḏ ftaxareɣ illa zi ṣṣalib n Siḏiṯneɣ Ƹisa Lmasiḥ. Zi ṣṣalib nnes iy zi ṯetwaṣelleb ddunect i nec, u zzayes ƹaweḏ nec iy zi twaṣellbeɣ i ddunect.

Ayṯ-Galaṭya 6:14 ပူးပေါင်းရင်းမြစ်များ

Luqa 20:16

Aḏ d yas netta s yixef nnes aḏ ineɣ ixemmasen nni marra, aḏ ijj amarjeƹ nni uḍiȓ i inneɣni." Wami sȓin i manaya nnan: "Arebbi istar!"

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Ayṯ-Ruma 6:2

Lla, ƹemmarṣ! Neccin nemmuṯ-as i ȓmuƹṣiyeṯ, ixeṣṣa-yaneɣ ȓexxu war netsiɣi ca a nƹic ḏayes.

Ayṯ-Ruma 6:6

Neccin nessen belli nnefs nneɣ tuɣa ṯeǧa qbeȓ, nettaṯ iƹni, twaṣelleb ak Lmasiḥ ḥima aḏ tbeṭṭeȓ nnefs nneɣ iccuren s ȓmuƹṣiyaṯ, bac war netɣimi ca ssa aȓ ṯsawent ƹaḏ ḏ isemɣan n ȓmuƹṣiyeṯ.

1 Ayṯ-Kurinṯ 1:23

walakin neccin netbeccar s Lmasiḥ itwaṣellben. Israʼiliyen tneqȓaḍen ḏi manaya, ḏ yinni war iǧin ca zi Ayṯ-Israʼil qqaren qa manaya ḏ ṯubbuhȓiya waha.

1 Ayṯ-Kurinṯ 15:58

S manaya ay ayṯma imƹizzen inu, beddeṯ nican maci akenniw senhezzen. Ggeṯ lmejhud nwem ȓebda ḏi ȓxeḏmeṯ n Siḏiṯneɣ, qa ṯessnem belli ȓxeḏmeṯ nwem ḏi Siḏiṯneɣ maci ḏ ȓbaṭeȓ.

1 Ayṯ-Kurinṯ 2:2

Wami tuɣa ǧiɣ akiḏwem, ggiɣ aḏ scenƹeɣ ɣir Ƹisa Lmasiḥ u ḏ netta itwaṣellben ḏi ṣṣalib.

1 Ayṯ-Kurinṯ 3:21

Iwa ṣafi, maci aḏ teftaxarem s iryazen. Cuf, kuȓci nwem: waxxa ḏ Bulus niɣ ḏ Apullus niɣ ḏ Buṭrus, niɣ ḏ ddunect-a niɣ ḏ ṯuḏarṯ niɣ ḏ ȓmewṯ, niɣ ḏ min iǧan ȓexxu niɣ ḏ min ɣa yiȓin menbaƹd, iƹni kuȓci nwem.

2 Ayṯ-Kurinṯ 11:12

Fa min teggeɣ aḏ qqimeɣ ammu teggeɣ-ṯ. Mayemmi? Xseɣ aḏ qesseɣ iḍaren i yinni irezzun lfurṣa aḏ iȓin mquddan akiḏneɣ ḏi ṯmesȓayin-a iy xef teftaxaren.

Ayṯ-Galaṭya 1:4

Lmasiḥ iṣeddeq ixef nnes x ȓmuƹṣiyeṯ nneɣ s ȓxaḍar n Arebbi Babaṯneɣ ḥima aḏaneɣ isenjem zi zman-a aƹeffan iy ḏi neǧa.

Ayṯ-Galaṭya 2:17

Fa neccin nrezzu a nemṣȓaḥ ak Arebbi s lʼiman zi Lmasiḥ. Meȓa s manaya menbaƹd nufa ixef nneɣ am ȓegnus iƹeṣṣan zaƹma, ma ataf Lmasiḥ itcejjaƹ-aneɣ ɣar ȓmuƹṣiyeṯ? Lla, ƹemmarṣ!

Ayṯ-Galaṭya 2:19

Ƹlaḥsab Ccariƹa n Musa nettaṯ s yixef nnes, nec mmuṯeɣ zaƹma i ȓeḥkam n Ccariƹa-ya xafi bac aḏ ddareɣ i Arebbi waha.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Galaṭya 3:21

Iḏen Ccariƹa n Musa, ma tƹarraḍ lwuƹud n Arebbi? Lla walu! Cuf, maƹlik ṯemmuc can ccariƹa iticcen ṯuḏarṯ i bnaḏem, ataf aḏaneɣ ṯarr nican ak Arebbi ccariƹa nni.

Ayṯ-Galaṭya 5:24

U yinni iǧan n Ƹisa Lmasiḥ ṣafi ṣellben ṭṭabiƹa nni ṯaƹeffant nsen ak ccehweṯ ḏ ȓxaḍar n ṭṭabiƹa-ya.

Ayṯ-Filippas 3:18

Liʼanna ḏinni aṭṭas n yinni igguren ḏ ȓƹaḏyan x ṣṣalib n Lmasiḥ. Awaȓ-a nniɣ-awem-ṯ zi qbeȓ, ȓexxu tƹawaḏeɣ-awem-ṯ s imeṭṭawen inu.

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

Ayṯ-Kulus 2:20

Kenniw meȓa ṯemmuṯem ak Lmasiḥ i lqawanin nni iqḏimen n ddunect-a, mayemmi ḏas teggem array i lqanun nni axmi ƹaḏ tƹicem zzayes ḏi ddunect-a?