Ayṯ-Galaṭya 6:1 - Ṯarifiṯ 2020

¹ Ay ayṯma, meȓa ṯufim can yijjen zzaywem ṯseḥṣer-iṯ ȓmuƹṣiyeṯ, labud meȓa ṯjehḏem kenniw s Arruḥ iqeddsen aṯiḏ tarrem ɣar ubriḏ s yijjen n wuȓ iṣebbaren. U ḥḍa ixef nnec uȓa ḏ cek bac war ṯetwaɣarriḏ ca.

Ayṯ-Galaṭya 6:1 ပူးပေါင်းရင်းမြစ်များ

Matta 11:29

Arbuṯ xawem ṯzayȓut inu, ȓemḏeṯ zzayi ȓaḥeqqac nec ḏ aṣebbar, war ḏayi bu ttakebbur. Ȓexddenni aḏ tafem arraḥeṯ i yixef nwem.

Matta 26:69

Buṭrus iqqim ɣar barra ḏi ȓemraḥ. Ṯqarreb ɣares ijjen n ṯxeddant ṯenna-as: "Uȓa ḏ cek ṯeǧiḏ ak Ƹisa zi Ljalil."

Matta 26:75

Ḏinni ifekkar-d Buṭrus awaȓ nni n Ƹisa wami ḏas inna: Qbeȓ ma aḏ idden uyaziḍ ataf aḏayi ṯenkareḏ ṯȓaṯa n ṯwaȓaṯin." Iffeɣ ɣar barra iru imeṭṭawen ḏ imeǧaḥen aṭṭas.

Matta 9:13

Ruḥem rzum x ȓmaƹna n lʼaya iy iqqaren: Xseɣ aḏ treḥmem iwḏan, war xseɣ bu aḏ tɣarṣem i ȓebhayem." Inna-asen: "War d usiɣ ca aḏ ȓaɣiɣ i yinni iǧan nican, usiɣ-d aḏ ȓaɣiɣ i yinni iƹeṣṣan!"

Ayṯ-Ruma 14:1

Fa wenni umi iḍƹef lʼiman nnes qebȓem-ṯ jarawem bȓa ma akiḏes ṯmenɣem x lʼafkar nnes.

Ayṯ-Ruma 15:1

Fa neccin ig ijehḏen itxeṣṣa-yaneɣ a narbu ḍḍuƹef n yinni war ijhiḏen ca, maci a negg min ḏaneɣ iteƹjiben i yixef nneɣ u ṣafi.

Ayṯ-Ruma 8:6

Aqa yinni ixeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen ataf aḏ mmṯen. Walakin yinni ixeddmen s ȓxaḍar nsen ḏi ṯmesȓayin n Arruḥ ataf aḏ ddaren aɣarsen yiȓi ȓehna.

1 Ayṯ-Kurinṯ 10:12

S manaya wenni umi itɣiȓ-as qa ibedd war iweṭṭi ca, itxeṣṣa-yas aḏ d yarr ȓbaȓ nnes.

1 Ayṯ-Kurinṯ 14:37

Meȓa ijjen iḥesseb ixef nnes nican ḏ nnabi niɣ ḏ ijjen n bnaḏem ruḥiya ataf u labud aḏ iqbeȓ min ḏawem d tariɣ ḏi ṯebrat-a nettaṯ ḏ ȓuṣiyeṯ n Siḏiṯneɣ.

1 Ayṯ-Kurinṯ 2:15

Amma bnaḏem wenni ɣar iǧa Arruḥ n Arebbi. Itmeyyaz marra ṯimesȓayin, netta war ḏayes itmeyyiz ḥadd.

1 Ayṯ-Kurinṯ 3:1

Ay ayṯma, nec tuɣa war zemmareɣ ca akiḏwem ssiwȓeɣ am yiwḏan iteggen array i Arruḥ n Arebbi. Lla, ssiwȓeɣ akiḏwem am yiwḏan ig iteggen array i nnefs nsen, am iseyman waha iy d ixeȓqen ḏi Lmasiḥ.

1 Ayṯ-Kurinṯ 4:21

Mamc ṯrezzum aḏ d aseɣ? Ma s uƹmuḏ ma s ȓemḥibbeṯ ak yijjen n wuȓ iṣebbaren?

1 Ayṯ-Kurinṯ 7:5

Itxeṣṣa war ṯqeṭṭƹem ca x wayawya illa meȓa ṯtafqem ak wayawya ijjen n lmudda waha ḥima aḏ tucem ȓweqṯ nni i ṯẓaǧiṯ nwem. Menbaƹd aḏ tmunem ḥima war kenniw itɣarri ca Cciṭan ȓaḥeqqac ataf war ṯzemmarem ca aḏ tḥekmem mliḥ x ccehweṯ nwem.

2 Ayṯ-Kurinṯ 10:1

Fa nec ḏ Bulus, s yixef inu tṭalabeɣ-kenniw s ttawaḍuƹ ḏ lḥanana n Lmasiḥ. Wah, ṯeqqarem nec zaƹma terjijiɣ xmi tiȓiɣ akiḏwem, xmi tɣabeɣ xawem tqesiḥeɣ.

2 Ayṯ-Kurinṯ 2:7

Ȓexxu aḏas ṯsemḥem ƹawnem-ṯ bac war iɣerreq ca s uxeyyeq aṭṭas.

2 Ayṯ-Kurinṯ 2:8

S manaya tettareɣ zzaywem aḏas ṯesbeyynem ƹaweḏ ȓemḥibbeṯ nwem.

Ayṯ-Galaṭya 5:23

ḏ ttawaḍuƹ ḏ bnaḏem iḥekkmen x ccehweṯ nnes. War ṯeǧi bu can n ccariƹa ig isbeddan ṯimesȓayin-a.

Ayṯ-Galaṭya 6:18

Ay ayṯma, aḏ yiȓi ak arruḥ nwem arḍa n Siḏiṯneɣ Ƹisa Lmasiḥ. Amin.

1 Ayṯ-Salunik 4:1

Fa ay ayṯma ƹlaḥsab ṯimesȓayin nneɣni, kenniw qa ṯqebȓem zzayneɣ mamc iy ɣa ṯƹicem bac axawem yarḍa Arebbi; amenni ƹaweḏ iy tƹicem. Ȓexxu ḏi Ƹisa Lmasiḥ netḥeccam-ikenniw netweṣṣa-kenniw bac aḏ teggem ƹaḏ ktar.

2 Ayṯ-Salunik 3:15

Walakin war ṯ twaȓam ca am ȓaƹḏu nwem; Lla, nham-ṯ am yijjen zeg wuwmaṯwem.

2 Timutawus 2:25

Aḏ iṣeḥḥaḥ s yijjen n wuȓ iṣebbaren i yinni iy ḏas itƹarraḍen; ḥima meȓa ixes Arebbi aṯen ijj aḏ tuben aḏ ssnen lḥaqiqa.

Iƹibraniyen 12:13

Seggḏeṯ ibriḏen nwem nican bac iḍaren nwem izeḥḥafen war tɣimin ca ḏ ineƹḏam aḏ genfan.

Iƹibraniyen 13:3

Xemmmeṯ ḏeg imeḥbas amecnaw kenniw iy kiḏsen ṯetwaḥebbsem ḏ yinni iy xef tbuṣaren amecnaw kenniw ṯetwaƹeddabem.

Yaƹqub 3:13

Ma akiḏwem wenni iy ḏi ṯeǧa ȓefhameṯ ḏ ṯusna? Itxeṣṣa-yas aḏ d ismeḍhar manaya s mammec itƹic s lmaƹqul ḏ lḥasanaṯ nnes ig itegg ak yijjen n ttawaḍuƹ iy d itasen s ȓefhameṯ.

Yaƹqub 3:2

Marra iḏneɣ ntegg aṭṭas n lɣalaṭ. Meȓa can yijjen war ixeṭṭi ca ḏeg wawaȓ nnes qaƹ, ataf wanita ḏ ijjen n bnaḏem nican ikmaȓ. Izemmar aḏ iḥkem x ddat nnes marra.

1 Buṭrus 3:15

Lla, semɣareṯ Lmasiḥ ḏeg wuȓawen nwem arrem-ṯ ḏ Siḏiṯwem. Iȓiṯ ȓebda ṯwejḏem bac aḏ tdafƹem x yixef nwem aḏ tjawbem wenni irezzun x ssabab n lʼamal iy ḏaywem. Walakin jawbem-ṯ s yijjen n ttawaḍuƹ ḏ lʼiḥtiram

1 Yuḥanna 5:16

Wenni ɣa itwaȓan ijjen n wumas iƹṣa ijjen ȓmuƹṣiyeṯ iy war itiwin ca ɣar ȓmewṯ, netta itxeṣṣa-yas axas iẓẓaǧ ɣar Arebbi ataf aḏas yuc ṯuḏarṯ i wumas nni. Nniɣ-awem-d manaya ƹlaḥsab yinni ȓmuƹṣiyeṯ nsen war ṯen tiwi ca ɣar ȓmewṯ. Ḏinni ijjen n ȓmuƹṣiyeṯ ig itawin ɣar ȓmewṯ, ṯenni war ḏawem t qqareɣ ca axas ṯeẓẓaǧem.