Ayṯ-Galaṭya 5:22 - Ṯarifiṯ 2020

²² Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Ayṯ-Galaṭya 5:22 ပူးပေါင်းရင်းမြစ်များ

Matta 12:33

Meȓa ṯacejjarṯ ḏ ṯaṣebḥant, ataf aḏ tarew min iǧan ḏ aṣebḥan. Meȓa ṯacejjarṯ ḏ ṯaƹeffant, ataf aḏ tarew min iǧan ḏ aƹeffan. Ṯacejjarṯ ṯḍehhar-d s min tarew.

Luqa 13:9

Meȓa ṯurew-d ṯazarṯ ḏeg useggwas-a iy d ɣa yasen, ataf mliḥ. Meȓa ƹaḏ walu, ataf ṣafi qess-it."

Yuḥanna 15:16

Maci ḏ kenniw iy ḏayi ixḍaren; Lla, ḏ nec iy kenniw ixḍaren. Kellfeɣ-kenniw ḥima aḏ traḥem aḏ tarwem izekkunen, ḥima izekkunen nwem aḏ qqimen i ȓebda. Ammu, aḏawem yuc Baba marra min ḏas ɣa ṯettarem ƹlaḥsab isem inu.

Yuḥanna 15:2

Kuȓ akeccuḍ iy d iffɣen zzayi war itirew ca izekkunen n uḍiȓ aṯ iqess Baba. U kuȓ akeccuḍ ig itarwen izekkunen n uḍiȓ aṯ izbar ḥima aḏ d yarni izekkunen nneɣni.

Yuḥanna 15:5

Nec ḏ ṯzayarṯ uḍiȓ, kenniw ḏ ikeccuḍen. Wenni itɣiman ḏayi u nec tɣimiɣ ḏayes, ataf netta aḏ yarew izekkunen n uḍiȓ aṭṭas ȓaḥeqqac kenniw bȓa zzayi war ṯzemmarem aḏ teggem walu.

Ayṯ-Ruma 14:17

Liʼanna ȓmulk n Arebbi netta war iǧi ca s macca niɣ ḏ ṯisessi; netta s umṣȓaḥ ak Arebbi ḏ ȓehna ḏ ȓefraḥeṯ s Arruḥ iqeddsen.

Ayṯ-Ruma 15:14

Ay ayṯma, nec mteyyqen belli kenniw ṯeccurem s ȓxir ḏ marra ṯusna, ṯzemmarem aḏ tesȓemḏem ayawya.

Ayṯ-Ruma 15:3

Liʼanna Lmasiḥ war iggi ca min ḏas iteƹjiben i yixef nnes, igga mammec iqqar Lkitab: <Ȓbaṭeȓ iy xac nnan ifḍeḥ-ayi.>

Ayṯ-Ruma 15:30

Fa tettareɣ zzaywem ay ayṯma, s Siḏiṯneɣ Ƹisa Lmasiḥ ḏ ȓemḥibbeṯ n Arruḥ n Arebbi aḏ tbeddem akiḏi s ṯẓaǧiṯ nwem ɣar Arebbi s ssabab inu.

Ayṯ-Ruma 6:22

Ȓexxu ṯehnam zi ȓmuƹṣiyeṯ, ṯṭaƹam i Arebbi. Man nnfaƹ iy zzayes ɣa ṯawim? Iƹni aḏ tiȓim ṯeṣfam u manayenni itawi ɣar tuḏarṯ n ȓebda.

Ayṯ-Ruma 7:4

Ay ayṯma, amenni iy ṯeǧam uȓa ḏ kenniw. Iƹni twafekkem zi ccariƹa n Musa wami ṯemmuṯ ddat n Lmasiḥ, aqawem x yiri n yijjen nneɣni netta ḏ yiri n Lmasiḥ iy d ikkaren zi ȓmewṯ, ḥima a narew ȓexḏayem ḏ ṯiṣebḥanin i Arebbi.

Ayṯ-Ruma 8:5

Cuf, yinni itƹicen ƹlaḥsab ṭṭabiƹa ṯaƹeffant nsen xeddmen s ȓxaḍar nsen ḏi ṯmesȓayin n ṭṭabiƹa ṯaƹeffant nsen. Walakin yinni itƹicen ƹlaḥsab abriḏ n Arruḥ xeddmen s ȓxaḍar nsen ḏi ṯmesȓayin n Arruḥ.

1 Ayṯ-Kurinṯ 13:13

Aqaṯen ȓexxu qqimen ṯȓaṯa-ya: lʼiman ḏ lʼamal ḏ ȓemḥibbeṯ yina. Maca zi yina ȓemḥibbeṯ ṯuƹȓa.

Ayṯ-Galaṭya 5:13

Cuf ay ayṯma, iȓaɣa-yawem-d Arebbi bac aḏ tiȓim ḥurr. Walakin war tejjaṯ ca lḥurriya-ya nwem aḏ tiȓi ḏ ijjen n ubriḏ iy zi ɣa ṯseƹƹifem ccehweṯ n ṭṭabiƹa ṯaƹeffant nwem; Lla, aḏ tsexxarem i wayawya s ȓemḥibbeṯ.

Ayṯ-Ufasus 4:23

Tuɣa ṯȓemḏem aḏ tiȓim ḏ jḏiḏ zi ȓefhameṯ n ȓaƹquȓaṯ nwem

Ayṯ-Ufasus 5:9

Aqa nnur itarew-d min iǧan ḏ aṣebḥan ḏ min iǧan nican ḏ min iǧan ḏ lḥaqiqa.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

Ayṯ-Kulus 1:10

Ḥima aḏ tuyurem x yijjen n ubriḏ iy ḏas iticcen i Siḏiṯneɣ lqima iy ḏas iteƹjiben marra. X ubriḏ-a aḏ tarwem marra ȓexḏayem ṯiṣebḥanin aḏ tmarnim ḏi ṯusna nwem x Arebbi.

2 Ayṯ-Salunik 3:2

Ttareṯ ƹaweḏ a nefȓeṯ zeg yiwḏan war iḥȓin ḏ iƹeffanen minzi lʼiman war iǧi ca ḏi marra iwḏan.

1 Timutawus 3:11

Amenni ƹaweḏ ṯimɣarin itxeṣṣa aḏ iȓint mweqqerint war ḏaysent tiȓi ca nnamima aḏ ḥekkment x yixef nsent aḏaysent ṯiȓi ttiqeṯ ḏi marra ṯimesȓayin.

1 Timutawus 4:12

War tejja ḥadd ac iseḥqar ƹlaḥsab ṯemẓi nnec. Lla, cek labud aḏasen tiȓiḏ i ȓmuminin ḏ lmiṯal ƹlaḥsab awaȓen nnec ḏ ṯicri nnec ḏ ȓemḥibbeṯ nnec ḏ lʼiman ḏ ȓeṣfiyeṯ.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.

1 Buṭrus 1:8

Ṯḥibbem-ṯ waxxa war ṯ ṯeẓrim ca. Aqa ṯumnem zzayes waxxa war ṯ twiȓim ca ȓexxu. Kenniw ṯƹemmarem s yijjen n ȓefraḥeṯ ḏ ṯameqqrant war ṯzemmarem ca at tcarrḥem.

1 Buṭrus 5:12

Uriɣ-awem-d ṯabrat-a ṯamezyant x ufus n Silwan ḥessbeɣ-ṯ nec am umaṯneɣ ḏayes ttiqeṯ. Tcejjaƹeɣ-kenniw, cehhḏeɣ min qqareɣ manaya ḏ arḍa n Arebbi ḏ ṣṣaḥ. Beddem ḏayes nican.