Ayṯ-Galaṭya 5:20 - Ṯarifiṯ 2020

²⁰ ḏ lƹibada n lʼaṣnam ḏ ssḥur ḏ lƹadawa ḏ umenɣi ḏ lɣira ḏ uɣḍab ḏ lʼananiya ḏ lxilafaṯ ḏ lʼaḥzab,

Ayṯ-Galaṭya 5:20 ပူးပေါင်းရင်းမြစ်များ

Ayṯ-Ruma 2:8

Walakin aɣarsen yiȓi lḥisab ḏ lƹiqab ɣar yinni iy irezzun i yixef nsen waha ḏ yinni war itṭiƹin ca i lḥaqiqa ḏeffaren min war iǧin ca nican.

1 Ayṯ-Kurinṯ 11:19

Ȓaḥeqqac wa labud aḏ iȓin lxilafaṯ jarawem bac aḏ d banen yinni iǧan nican jarawem.

2 Ayṯ-Kurinṯ 11:19

Ma kenniw zaƹma ṯfehmem mliḥ? Iwa, mayemmi s ȓefraḥeṯ ṯṣebbarem ibuhaȓiyen?

2 Ayṯ-Kurinṯ 12:20

Cuf, ggwḏeɣ xmi d ɣa awḍeɣ war kenniw tifeɣ ca mammec tmenniɣ akenniw afeɣ. U ƹaweḏ war ḏayi tifem ca mammec tmennim aḏayi ṯafem. Ggwḏeɣ aḏ afeɣ jarawem amenɣi ḏ ȓeḥseḏ ḏ uƹaṣṣeb, kuȓ ijjen irezzu i yixef nnes waha, ḏ ȓbaṭeȓ ḏ nnamima, ḏaywem ttakebbur ḏ ȓfawḍa.

Ayṯ-Galaṭya 5:15

Walakin meȓa tmermacem ayawya am ȓuḥuc wa itett wa, ḥḍam ixef nwem aḏ tseɣȓim ayawya.

Titus 3:10

Wenni ismenɣan iwḏan ag wayawya cek ƹȓem-as ṯwaȓa ṯamezwarut ḏ wis ṯnayen ȓexddenni awggwej zzayes qaƹ.

Yaƹqub 3:14

Walakin meȓa ḏaywem ȓeḥseḏ ḏ aƹeffan ḏ lʼananiya, war teftaxareṯ ca s yixef nwem. Iƹni itxeṣṣa-yawem kenniw war ṯesxarriqem ca x lḥaqiqa.

2 Buṭrus 2:1

Iwa zi zic kkaren ca n lʼanbiya jar ccaƹb sneƹmiȓen waha. Amenni ƹaweḏ iy d ɣa kkaren can imseȓmaḏen jarawem zaƹma. S ṯnufra iṯarrasen-a aḏ siḏfen ttaƹlim n lbidaƹ jarawem ig isfennan waha. Aḏ nkaren waxxa ḏ Siḏiṯsen iy xasen ixeǧsen lfidya. Yina ḏeɣya tawin-d ȓefna x yixef nsen.

1 Yuḥanna 3:15

Marra wenni ig itƹiffan umas am wenni ig ineqqen bnaḏem. Aqa kenniw ṯessnem wenni ig ineqqen bnaḏem war ḏayes tiȓi ca ṯuḏarṯ n ȓebda.

Lwaḥi 21:8

Walakin ccmayeṯ ḏ yinni war yuminen ca ḏ yinni iǧan ḏ iƹeffanen ḏ yinni ineqqen iwḏan ḏ yinni ifessḏen ḏ iseḥḥaren ḏ yinni iƹebbḏen lʼaṣnam ḏ marra yinni isxerriqen aqa amcan nsen aḏ yiȓi ḏi ȓebḥar ireqqen s ṯmessi ḏ ȓekbriyeṯ. Qa ṯenni ḏ ȓmewṯ wis ṯnayen."