Ayṯ-Galaṭya 5:2 - Ṯarifiṯ 2020

² Ṣennṭeṯ! Nec ḏ Bulus qqareɣ-awem meȓa ṯeggim ṭṭahareṯ n Musa, ataf Lmasiḥ war kenniw ineffeƹ s walu.

Ayṯ-Galaṭya 5:2 ပူးပေါင်းရင်းမြစ်များ

Ȓexḏayem 15:1

Usin-d ca n iryazen zi Yahuḏiya seȓmaḏen ayṯmaṯneɣ ḏeg Wanṭakya nnan-asen: "War ṯzemmarem ca aḏ tnejmem illa meȓa ṯeggim ṭṭahareṯ ƹlaḥsab Ccariƹa n Musa."

Ȓexḏayem 15:24

Netsȓa belli can yiwḏan zzayneɣ usin-d ɣarwem bȓa lʼiḏen nneɣ, seddƹen-kenniw siḏfen ḏaywem ccekk s wawaȓ nsen.

Ȓexḏayem 15:5

Walakin kkaren can n ȓmuminin ȓḥizeb nsen zeg ifarrisiyen nnan: Itxeṣṣa wa labud aḏ ṭehharen yinni war iǧin ca zi Ayṯ-Israʼil, aṯen ṯweṣṣam aḏ ṭaƹen i Ccariƹa n Musa.

1 Ayṯ-Kurinṯ 16:21

Sȓam-a uriɣ-ṯ nec Bulus s ufus inu.

2 Ayṯ-Kurinṯ 10:1

Fa nec ḏ Bulus, s yixef inu tṭalabeɣ-kenniw s ttawaḍuƹ ḏ lḥanana n Lmasiḥ. Wah, ṯeqqarem nec zaƹma terjijiɣ xmi tiȓiɣ akiḏwem, xmi tɣabeɣ xawem tqesiḥeɣ.

Ayṯ-Galaṭya 5:11

Ay ayṯma, nec maƹlik ƹaḏ seȓmaḏeɣ ṭṭahareṯ n Musa zaƹma, iwa mayemmi ƹaḏ ḏayi tƹeddaben niṯni? Maƹlik labud ṭṭahareṯ-a, ataf ṣafi war itiȓi bu uḥeggar n ṣṣalib.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

1 Ayṯ-Salunik 2:18

Mecḥaȓ n ṯwaȓaṯin nexs aɣarwem d nas, nec s yixef inu ƹaweḏ, walakin itqaṭeƹ-aneɣ-d Cciṭan ḏeg ubriḏ.

Filimun 1:19

Qa nec ḏ Bulus tariɣ manaya s ufus inu: Aḏac ṯ xeǧseɣ nec. Bȓa ma aḏac iniɣ qa ttarseɣ-ac uȓa ḏ ṯuḏarṯ nnec.

Filimun 1:9

walakin ḥsen ac ttareɣ manaya s ȓemḥibbeṯ. Iwa nec ḏ Bulus aqayi numɣareɣ, ȓexxu aqayi ƹaweḏ ḏi ȓeḥbes ƹlaḥsab Siḏiṯneɣ Ƹisa.

Iƹibraniyen 4:2

Liʼanna ȓexbar-a n ȓxir iy ḏaneɣ d itwabeccaren i neccin, uȓa ḏ ȓejḏuḏ nneɣ twabeccaren zzayes. Walakin war stenfiƹen ca zzayes wami ugin azzayes amnen.