Ayṯ-Galaṭya 5:18 - Ṯarifiṯ 2020

¹⁸ U meȓa ȓxaḍar n Arruḥ iqeddsen indeh-ikenniw, ataf war xawem ṯḥekkim ca ccariƹa.

Ayṯ-Galaṭya 5:18 ပူးပေါင်းရင်းမြစ်များ

Yuḥanna 16:13

Xmi d ɣa yas Arruḥ n lḥaqiqa, ataf aḏawem d isbeyyen lḥaqiqa ṯekmaȓ. Aqa netta war issiwiȓ ca zeg yixef nnes, issawaȓ illa zi min ḏas ɣa yini Arebbi. Aḏawem ixebbar ḏi ṯmesȓayin iy d ɣa yasen.

Ayṯ-Ruma 7:4

Ay ayṯma, amenni iy ṯeǧam uȓa ḏ kenniw. Iƹni twafekkem zi ccariƹa n Musa wami ṯemmuṯ ddat n Lmasiḥ, aqawem x yiri n yijjen nneɣni netta ḏ yiri n Lmasiḥ iy d ikkaren zi ȓmewṯ, ḥima a narew ȓexḏayem ḏ ṯiṣebḥanin i Arebbi.

Ayṯ-Ruma 8:12

X manayenni ay ayṯma, itxeṣṣa-yaneɣ a negg lwajib, walakin maci ḥima a negg array i ṭṭabiƹa ṯaƹeffant nneɣ.

Ayṯ-Ruma 8:14

U yinni iḏeffaren Arruḥ n Arebbi, ḏ yinni iy iǧan ḏ ṯarwa n Arebbi.

Ayṯ-Galaṭya 5:16

Fa nniɣ-awem, tƹiceṯ ƹlaḥsab ȓxaḍar n Arruḥ iqeddsen ṯumma war tseƹƹifem ca ccehawaṯ n ṭṭabiƹa ṯaƹeffant nwem.

Ayṯ-Galaṭya 5:23

ḏ ttawaḍuƹ ḏ bnaḏem iḥekkmen x ccehweṯ nnes. War ṯeǧi bu can n ccariƹa ig isbeddan ṯimesȓayin-a.

Ayṯ-Galaṭya 5:25

Meȓa netƹic s Arruḥ iqeddsen, ataf labud a nuyur s ȓxaḍar nnes.

1 Timutawus 1:9

Nessen Ccariƹa-ya ƹaweḏ war d ṯexȓiq ca i yinni isemṣȓaḥen ak Arebbi. Lla, ṯexȓeq-d i yinni iǧan ḏ iƹeffanen ḏ yinni iy ḏi ṯeǧa ṯɣennant ḏ yinni war iḏeffiren ca Arebbi ḏ yinni iƹeṣṣan ḏ yinni war iṣfin ca ḏ yinni war ɣar iǧi bu ddin ḏ yinni ineqqen babaṯsen ḏ yemmaṯsen ḏ yinni ineqqen iwḏan

2 Timutawus 1:7

Aqa Arebbi war ḏaneɣ yuci ca ijjen n arruḥ n ṯiggwḏi; Lla, qa yuca-aneɣ-d ijjen arruḥ n jjheḏ ḏ ȓemḥibbeṯ ḏ ȓeḥkam x yixef nneɣ s ȓaƹqeȓ.