Ayṯ-Galaṭya 5:17 - Ṯarifiṯ 2020

¹⁷ Liʼanna min ṯrezzu ṭṭabiƹa ṯaƹeffant nneɣ netta ḍed n min irezzu Arruḥ iqeddsen. U amenni min irezzu Arruḥ iqeddsen netta ḍed n min ṯrezzu ṭṭabiƹa ṯaƹeffant nneɣ. Tƹarraḍen i wayawya ssenni war teggem ca ṯimesȓayin-a iy ṯexsem aḏ teggem.

Ayṯ-Galaṭya 5:17 ပူးပေါင်းရင်းမြစ်များ

Matta 12:30

Wenni war kiḏi iǧin ca, ataf aqaṯ ḍed inu. Wenni war kiḏi ismunen, ataf netta itzeǧaƹ.

Matta 16:17

Ȓexddenni inna-as Ƹisa: "Ssaƹḏ nnec a Simƹan a mmis n Yuna! War iǧi bu ḏ ca n bnaḏem iy ḏac d ismeḍharen manaya menɣir Baba iǧan ḏeg ujenna.

Matta 16:23

Walakin Ƹisa ineqȓeb-d ɣar Buṭrus inna-as: "Aggwej xafi ɣar ḏeffar a Cciṭan! Cek am yijjen n uzru ḏeg ubriḏ inu tneqȓaḏeɣ ḏayes. Cek war tfekkareḏ ca amecnaw Arebbi; Lla, cek tfekkareḏ amecnaw bnaḏem."

Matta 26:41

Iȓim ƹlabal ẓẓaǧem ḥima war tiḏfem ca ḏi ȓemḥayen. Uȓ n bnaḏem iwjeḏ walakin ddat nnes ṯeḍƹef."

Matta 5:6

Ssaƹḏ nsen i yinni iǧuzen iffuḏen ɣar min iǧan nican, ȓaḥeqqac niṯni aḏ jjawnen.

Luqa 22:33

Inna-as Buṭrus: "A Siḏi, aqayi akiḏec wejḏeɣ meȓa ṯuḏfeḏ ȓeḥbes akiḏec aḏfeɣ, meȓa ṯemmuṯeḏ akidec mmṯeɣ."

Luqa 22:46

Inna-asen: "Mayemmi teṭṭṣem? Kkarem, ẓẓaǧem ḥima war tiḏfem ca ḏi ȓemḥayen."

Yuḥanna 3:6

Min itwaxeȓqen zi ddat, nettaṯ ḏ ddat. Min itwaxeȓqen zi Arruḥ n Arebbi, netta ḏ arruḥ.

Ayṯ-Ruma 8:13

Liʼanna kenniw meȓa teggem array i ṭṭabiƹa ṯaƹeffant nwem, aḏ temmṯem. Meȓa ṯneqqem ȓefƹayer n ddat nwem s Arruḥ n Arebbi, aḏ teddarem.

Ayṯ-Galaṭya 3:21

Iḏen Ccariƹa n Musa, ma tƹarraḍ lwuƹud n Arebbi? Lla walu! Cuf, maƹlik ṯemmuc can ccariƹa iticcen ṯuḏarṯ i bnaḏem, ataf aḏaneɣ ṯarr nican ak Arebbi ccariƹa nni.

Yaƹqub 3:2

Marra iḏneɣ ntegg aṭṭas n lɣalaṭ. Meȓa can yijjen war ixeṭṭi ca ḏeg wawaȓ nnes qaƹ, ataf wanita ḏ ijjen n bnaḏem nican ikmaȓ. Izemmar aḏ iḥkem x ddat nnes marra.