Ayṯ-Galaṭya 5:11 - Ṯarifiṯ 2020

¹¹ Ay ayṯma, nec maƹlik ƹaḏ seȓmaḏeɣ ṭṭahareṯ n Musa zaƹma, iwa mayemmi ƹaḏ ḏayi tƹeddaben niṯni? Maƹlik labud ṭṭahareṯ-a, ataf ṣafi war itiȓi bu uḥeggar n ṣṣalib.

Ayṯ-Galaṭya 5:11 ပူးပေါင်းရင်းမြစ်များ

Ȓexḏayem 16:3

Igga-as ṭṭahareṯ Bulus wami ixes aṯ yawi akiḏes. Igga-as amenni ƹlaḥsab israʼiliyen iǧan ḏeg imucan nni niṯni marra ssnen belli babas ḏ ayunani.

Ȓexḏayem 21:21

Itwanna-yasen zaƹma cek ṯseȓmaḏeḏ marra israʼiliyen iy zeddɣen ḏi lxarij aḏ semḥen ḏi Musa, ṯeqqareḏ-asen war ṭehhareṯ ca i ṯarwa nwem, war ḏeffareṯ ca lƹadaṯ nneɣ.

Ȓexḏayem 21:28

Snekkaren ṯɣuyyeṯ qqaren: "Ay iryazen n Ayṯ-Israʼil! Qa aryaz-a wenni iseȓmaḏen iwḏan marra ḏi mkuȓ amcan irezzu aḏ ƹarrḍen ccaƹb nneɣ ḏ ccariƹa nneɣ ḏ umcan-a nneɣ! Ƹaweḏ isiḏef-d iyunaniyen ɣar ṯemziḏa ṯameqqrant, isexnaz amcan-a muqeddes."

1 Ayṯ-Kurinṯ 1:18

Cuf, awaȓ n ṣṣalib netta ḏ ṯubbuhȓiya waha ɣar yinni war inejjmen ca, walakin ɣar neccin inejjmen awaȓ-a netta ḏ jjheḏ n Arebbi.

1 Ayṯ-Kurinṯ 1:23

walakin neccin netbeccar s Lmasiḥ itwaṣellben. Israʼiliyen tneqȓaḍen ḏi manaya, ḏ yinni war iǧin ca zi Ayṯ-Israʼil qqaren qa manaya ḏ ṯubbuhȓiya waha.

1 Ayṯ-Kurinṯ 15:30

Y nec, mayemmi ǧiɣ ḏi lxaṭar kuȓ ṯsaƹƹat?

Ayṯ-Galaṭya 2:3

Titus iǧan ḏ amƹacar inu, waxxa netta ḏ ayunani war xas zeyyaren ca ḥima aḏ igg ṭṭahareṯ.

Ayṯ-Galaṭya 3:1

A Ayṯ-Galaṭya, ma ṯbuhȓiyem niɣ? Wi ḏawem iggin ssḥur? Ncerreḥ-awem mliḥ zzaṯ i ṯittawin nwem mammec immuṯ Lmasiḥ x ṣṣalib.

Ayṯ-Galaṭya 4:29

Ḏi ȓweqṯ nni, wenni iy d ixeȓqen ƹlaḥsab ȓxaḍar waha n bnaḏem itƹeddab Isḥaq iƹni wenni iy d ixeȓqen s jjheḏ n Arruḥ iqeddsen. U manaya kif-kif ḏi ȓweqṯ-a.

Ayṯ-Galaṭya 6:12

Yinni irezzun aḏ ftaxaren zi ddat, iƹni min war iǧin ca zi Arruḥ iqeddsen, niṯni tbessaȓen xawem bac aḏ teggem ṭṭahareṯ n Musa. Mayemmi? Ɣir rezzun niṯni war tƹeddiben ca x ssabab n ṣṣalib n Lmasiḥ.

Ayṯ-Galaṭya 6:17

Ssa aȓ ṯsawent itxeṣṣa war ḏayi itegg ḥadd tamara ȓaḥeqqac ddat inu ḏayes lʼaṯar n Ƹisa.