Ayṯ-Galaṭya 5:10 - Ṯarifiṯ 2020

¹⁰ Nec ɣari ttiqeṯ ḏi Arebbi war ṯqebbȓem bu can n array nneɣni. Walakin wenni iy kenniw isxerwaḍen, min ma iƹna netta aṯ iḥaseb s lƹiqab nnes.

Ayṯ-Galaṭya 5:10 ပူးပေါင်းရင်းမြစ်များ

Ȓexḏayem 15:24

Netsȓa belli can yiwḏan zzayneɣ usin-d ɣarwem bȓa lʼiḏen nneɣ, seddƹen-kenniw siḏfen ḏaywem ccekk s wawaȓ nsen.

1 Ayṯ-Kurinṯ 5:5

aḏ tsufɣem aryaz-a ɣar Cciṭan ḥima aḏ tefna ṭṭabiƹa ṯaƹeffant n nnefs nnes aḏ injem arruḥ nnes ḏi Yum n Siḏiṯneɣ.

2 Ayṯ-Kurinṯ 1:15

U s lʼiftixar-a tuɣa rezzuɣ ḏ amezwaru aɣarwem d ggeɣ ijjen n zziyara ḥima aḏawem dubliɣ lbaraka.

2 Ayṯ-Kurinṯ 10:2

Tettareɣ-kenniw bac war ḏayi tijjim ca aḏ iȓiɣ qesḥeɣ ak ȓebƹaḏ zzaywem am trajiɣ nec aḏ ggeɣ, ȓebƹaḍ-a tfekkaren qa netƹic s array n bnaḏem waha.

2 Ayṯ-Kurinṯ 10:6

Xmi ɣa ṯessiwḍem kenniw nican ṭṭaƹa nwem, ataf neccin a niȓi nsewjaḏ bac a nƹaqeb wenni war itṭiƹin ca.

2 Ayṯ-Kurinṯ 13:10

S manaya iy tariɣ nec ṯimesȓayin-a ḏi ṯebrat-a nec ɣabeɣ xawem. Ammu xmi iy d ɣa ƹeqbeɣ ɣarwem war xseɣ ca aḏ iȓiɣ qesḥeɣ akiḏwem ƹlaḥsab ssulṭa nni iy ḏayi yuca Siḏiṯneɣ. Yuca-ayi-t bac akenniw sjehḏeɣ maci akenniw rzeɣ.

2 Ayṯ-Kurinṯ 2:3

Tuɣa uriɣ ṯabrat nni bac war ḏayi tesxeyyaqem ca, rezzuɣ axmi d ɣa aseɣ ɣarwem u labud aḏayi tesfarḥem. Meȓa farḥeɣ aḏ iȓiɣ nec metʼakked aḏ tfarḥem uȓa ḏ kenniw.

2 Ayṯ-Kurinṯ 2:6

Bnaḏem-a, lƹiqab nni iy ḏas ṯeggim teqȓiban marra iḏwem, baraka xas.

2 Ayṯ-Kurinṯ 5:16

X manayenni, zi ssa aȓ ṯsawent neccin war nxezzar ca ḏi ḥadd ƹlaḥsab ȓaƹqeȓ n ddunect-a. Waxxa nxezzar qbeȓ ḏi Lmasiḥ ƹlaḥsab ȓaƹqeȓ n ddunect-a, ȓexxu war ṯ netwiȓi ca amenni.

2 Ayṯ-Kurinṯ 7:16

Farrḥeɣ wami zemmareɣ axawem tƹewwaȓeɣ ḏi min ḏi ma.

2 Ayṯ-Kurinṯ 8:22

Ƹaweḏ nessekk akiḏsen umaṯneɣ nneɣni aṭṭas n ṯwaȓaṯin njarreb-iṯ nufi-ṯ ixeddem mliḥ s wuȓ nnes. Ȓexxu ƹlaḥsab ttiqeṯ ṯameqqrant iy ɣares ḏaywem ixeddem s wuȓ nnes ƹaḏ ktar zi min tuɣa ixeddem qbeȓ.

Ayṯ-Galaṭya 1:7

Walakin war ḏinni bu can n Lʼinjil nneɣni. Ɣir ḏinni can yiwḏan iy kenniw isxerwaḍen rezzun aḏ sƹewwjen Lʼinjil n Lmasiḥ.

Ayṯ-Galaṭya 2:4

Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.

Ayṯ-Galaṭya 2:6

Amma yinni tɣir-awem ḏ imeqqranen xawem, niṯni war arnin uȓa ḏ ijjen n wawaȓ zi min beccareɣ nec. Qqareɣ manaya, min ma ƹnan yina ɣari kif-kif, iƹni Arebbi war itegg bu s wuḏemawen jaraneɣ.

Ayṯ-Galaṭya 3:1

A Ayṯ-Galaṭya, ma ṯbuhȓiyem niɣ? Wi ḏawem iggin ssḥur? Ncerreḥ-awem mliḥ zzaṯ i ṯittawin nwem mammec immuṯ Lmasiḥ x ṣṣalib.

Ayṯ-Galaṭya 4:11

Ggwḏeɣ, imken marra ȓxeḏmeṯ inu akiḏwem ṯiȓi ḏi ȓbaṭeȓ u ṣafi.

Ayṯ-Galaṭya 4:17

Iwḏan-a iseƹƹwajen Lʼinjil, min rezzun? Teggen akiḏwem ȓxir aṭṭas zaƹma walakin ƹlaḥsab aƹeddis nsen imɣaren. Rezzun akenniw kesben bac akenniw sbeƹƹḏen xaneɣ, ṯumma kenniw iy ḏaysen ɣa iggen ȓxir aṭṭas.

Ayṯ-Galaṭya 4:20

Mecḥaȓ tmenniɣ akiḏwem iȓiɣ ȓexxu bac ṣṣut inu war iteqsiḥ ca akiḏwem ammu liʼanna aqayi tƹeddabeɣ s umnus ƹlaḥsab kenniw.

Ayṯ-Galaṭya 5:12

U yinni iy kenniw iheǧcen x ṭṭahareṯ-a tmenniɣ aḏ raḥen niṯni aḏ qessen ixef nsen!

Ayṯ-Galaṭya 5:7

Tuɣa kenniw ṯeǧam ḏeg yijjen n ubriḏ ɣar zzaṯ mliḥ. Wi kenniw isbedden bac war teggem ca array i lḥaqiqa?

Ayṯ-Galaṭya 6:17

Ssa aȓ ṯsawent itxeṣṣa war ḏayi itegg ḥadd tamara ȓaḥeqqac ddat inu ḏayes lʼaṯar n Ƹisa.

Ayṯ-Filippas 3:15

Falihaḏa marra neccin ig itemɣuren ḏi lʼiman itxeṣṣa a nfekkar amenni. Meȓa kenniw war ṯfekkarem ca amenni ḏ Arebbi iy kenniw ɣa isfehmen.

2 Ayṯ-Salunik 3:4

Neccin qa metʼakkedin ḏi Siḏi Arebbi aqa minzi kenniw nweṣṣa qa teggem-ṯ, aṯ teggem ƹaḏ.

1 Timutawus 1:20

Zzaysen Ḥimmit ḏ Iskander, jjiɣ-ṯen nec i Cciṭan ḥima aḏ twarebban war qqaren ca awaȓen nni war iḥȓin x Arebbi.

Filimun 1:21

Nec tʼakkadeɣ s ṭṭaƹa nnec, s manaya tariɣ-ac-d ṯabrat-a ssneɣ cek aḏ teggeḏ ktar zi min ḏac tṭalabeɣ.