Ayṯ-Galaṭya 4:5 - Ṯarifiṯ 2020

⁵ Mayemmi? Ḥima aḏ iqeddem lfidya x yinni iy xef ṯḥekkem Ccariƹa n Musa bac aḏaneɣ itbenna Arebbi a niȓi ḏ ṯarwa nnes.

Ayṯ-Galaṭya 4:5 ပူးပေါင်းရင်းမြစ်များ

Matta 20:28

Mmis n bnaḏem uȓa ḏ netta war d yusi ca ḥima axas xeḏmen yiwḏan. Lla, netta yusa-d ḥima axasen ixḏem, axasen iṣeddeq ṯuḏarṯ nnes ḥima aḏ isenjem aṭṭas zzaysen."

Luqa 1:68

"Lḥamdu lillah i Siḏi Arebbi n Ayṯ-Israʼil, ȓaḥeqqac ifqeḏ ccaƹb nnes ifekk-iṯ.

Yuḥanna 1:12

Yinni iy ṯ iqebȓen umnen zzayes zeg yisem nnes, yuca-asen netta ṯizemmar ḥima aḏ ḏewȓen ḏ ṯarwa n Arebbi.

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

Ayṯ-Ruma 10:4

Li'anna Lmasiḥ ḏayes ḏi netta iy ṯkemmeȓ ccariƹa ḥima marra wi zzayes ɣa yamnen aḏ imeṣȓaḥ ak Arebbi.

Ayṯ-Ruma 8:14

U yinni iḏeffaren Arruḥ n Arebbi, ḏ yinni iy iǧan ḏ ṯarwa n Arebbi.

Ayṯ-Ruma 8:15

Liʼanna Arruḥ iy ḏawem d immucen war kenniw itarri ca ḏ isemɣan ḥima aḏ tƹicem ƹaweḏ ḏi ṯiggwḏi; Lla, immuc-awem-d Arruḥ iqeddsen ḥima aḏ tiȓim ḏ ṯarwa n Arebbi. S Arruḥ nni iy ɣa nȓaɣa: Abba, iƹni, a Baba inu.

Ayṯ-Ruma 8:19

Aqa marra min d itwaxeȓqen ḏaysen mezȓi ḏ ameqqran trajan aḏ ẓren ṯsaƹƹat nni iy ḏi d ɣa banen ṯarwa n Arebbi.

Ayṯ-Ruma 8:23

U maci niṯni waha, uȓa ḏ neccin umi immuc Arruḥ iqeddsen ḏ amezwaru nnehhek ḏeg yixef nneɣ. Ḏayneɣ mezȓi, neccin netraja zi Arebbi aḏ d isbeyyen belli neccin ḏ ṯarwa nnes, iƹni aḏ ifekk ddat nneɣ.

Ayṯ-Ruma 9:4

Niṯni ḏ Ayṯ-Israʼil, itbenna-ṯen Siḏi Arebbi. Ismeḍhar-asen-d lƹaḍama nnes, iƹaheḏ-iṯen, yuca-asen ccariƹa n Musa ḏ lƹibada, iwƹeḏ-iṯen.

Ayṯ-Galaṭya 3:13

Lmasiḥ ifekk-aneɣ zi nnaƹȓeṯ nni iǧan ḏi ccariƹa wami yarra ixef nnes ḏ ijjen n nnaƹȓeṯ ƹlaḥsab neccin. Ȓaḥeqqac Lkitab iqqar:

Ayṯ-Galaṭya 3:26

Ḏi Ƹisa Lmasiḥ aqa kenniw marra iḏwem ḏ ṯarwa n Arebbi s lʼiman.

Ayṯ-Galaṭya 4:21

Inim-ayi kenniw itexsen axawem ṯḥekkem Ccariƹa n Musa. Ma war ṯessinem min ḏayes ḏi ccariƹa nni niɣ?

Ayṯ-Galaṭya 4:7

X manaya ȓexxu cek maci ḏ ismeɣ, cek ḏ mmis. Wami cek ḏ mmis, azzayes ṯwarṯeḏ zi Arebbi.

Ayṯ-Ufasus 1:5

S ȓemḥibbeṯ nnes izemmem-aneɣ bac aḏaneɣ itbenna am ṯarwa nnes s Ƹisa Lmasiḥ ƹlaḥsab lɣaraḍ n ȓxaḍar nnes.

Ayṯ-Ufasus 1:7

Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.

Ayṯ-Ufasus 5:2

Ƹicem ḏi ȓemḥibbeṯ mamc igga Lmasiḥ wami ḏaneɣ iḥibb iṣeddeq xaneɣ ixef nnes am yijjen n ṣṣeḏqeṯ ṯufuḥ ḏ ijjen n dbiḥeṯ i Arebbi.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Iƹibraniyen 9:12

Yuḏef ijjen n ṯwaȓa u ṣafi ɣar Uxxam Amqeddes Aṭṭas. Netta war yuḏif ca s iḏammen n iɣayḏen niɣ ḏ iyenduzen; Lla, yuḏef s iḏammen nnes nniṯ ixeǧes xaneɣ lfidya bac a nenjem i ȓebda.

Iƹibraniyen 9:15

Falihaḏa netta Lmasiḥ itcafaƹ jaraneɣ ḏ Arebbi s yijjen n ȓƹaheḏ ḏ jḏiḏ bac yinni umi d iȓaɣa Arebbi ataf aḏ awin lwareṯ iy zi ṯen iwƹeḏ itduman i ȓebda. Liʼanna Lmasiḥ immuṯ ḏ lfidya ḥima aḏasen iḍȓeq aḏ iȓin ḥurr zi ȓmuƹṣiyaṯ iy ggin swadday i ȓƹaheḏ nni amezwaru.

1 Buṭrus 3:18

Amenni ig igga Lmasiḥ wami itwaƹeddeb ijjen n ṯwaȓa i ȓebda ƹlaḥsab ȓmuƹṣiyaṯ. Iƹni wenni iǧan nican itwaƹeddeb ḏeg umcan n yinni iƹeṣṣan ḥima akenniw issiweḍ ɣar Arebbi. Ddat nnes nɣin-teṯ, iseddar-it-id Arruḥ iqeddsen.

Lwaḥi 14:3

Tɣennajen ijjen n yizȓi ḏ jḏiḏ zzaṯ i lƹarc ḏ arbeƹa nni n lmexluqaṯ ḏ imɣaren. War izemmar uȓa ḏ ijjen aḏ iȓmeḏ izȓi nni illa ḏ miyya u arbeƹa u arbeƹin aȓaf nni iy itwasnejmen zi ddunect-a.

Lwaḥi 5:9

Tɣennajen s yijjen n yizȓi ḏ jḏiḏ qqaren: "Ḏ cek iy isḏaheǧen aḏ teysiḏ Lkitab aḏ terzmeḏ icemmaƹen nnes, ȓaḥeqqac twaɣarṣeḏ, ṯesnejmeḏ iwḏan i Arebbi s iḏammen nnec zi mkuȓ ȓqum ḏ lluɣa ḏ ccaƹb ḏ ȓgens.