Ayṯ-Galaṭya 4:4 - Ṯarifiṯ 2020

⁴ Walakin wami d ṯuweḍ ȓweqṯ ig izemmem Arebbi, ikkar netta issekk-d Mmis itwaxȓeq-d zeg yijjen n ṯemɣarṯ, itwaxȓeq-d ṯḥekkem xas Ccariƹa n Musa.

Ayṯ-Galaṭya 4:4 ပူးပေါင်းရင်းမြစ်များ

Matta 1:23

(Ȓmaƹna nnes: Arebbi aqaṯ akiḏneɣ.)

Matta 3:15

Indeq-d Ƹisa inna-as: "Ɣir qbeȓ ȓexxu, ḏ manaya ig iǧan nican ḥima aḏ ikemmeȓ marra min ixes Siḏi Arebbi." Uca iqbeȓ Yaḥya.

Matta 5:17

War tfekkareṯ ca belli usiɣ-d bac aḏ qḍiɣ x Ccariƹa n Musa niɣ x min nnan lʼanbiya; Lla, war d usiɣ ca axasen qḍiɣ, usiɣ-d bac aḏ kemmȓeɣ x wawaȓ nsen.

Marqus 1:15

Iqqar-asen: Aqa ȓweqṯ ṯuweḍ-d, ȓmulk n Arebbi yuḏes-d. Tubeṯ, amneṯ s Lʼinjil.

Luqa 1:31

Aḏ teysiḏ aƹeddis, aḏ d tejjeḏ ijjen n uḥenjir aṯ tsemmiḏ Ƹisa.

Luqa 1:35

Indeq-d lmalak nni inna-as: "Axam d ihwa Arruḥ iqeddsen ḏ jjheḏ n Wenni Yuƹȓan axam yarr ṯiȓi. S manayenni aḥenjir iqeddsen iy ɣa d ṯejjeḏ ataf tȓaɣan-as a Mmis n Arebbi.

Luqa 2:7

Ṯurew mmis amenzu ṯseḥnunneḍ-iṯ ṯeggi-ṯ ḏi ȓmeḏweḏ minzi war ufin bu umcan ḏi ṯeddarṯ n imsafaren.

Luqa 20:44

Mammec ɣa yiȓi Lmasiḥ ḏ mmis n Dawed? Netta Dawed iqqar-as i Lmasiḥ A Siḏi."

Yuḥanna 1:14

Awaȓ-a iḏweȓ ḏ bnaḏem, izḏeɣ jaraneɣ. Neccin neẓra lƹaḍama ɣares iǧan, lƹaḍama-ya ṯeǧa ɣar Mmis waḥḏes n Babas. Netta iccur s arḍa ḏ lḥaqiqa.

Yuḥanna 10:36

Ma ṯeqqarem i wenni ixḍar Baba issekk-iṯ-iḏ ɣar ddunect cek ṯenniḏ lbuhtan x Arebbi minzi nniɣ nec ḏ Mmis n Arebbi?

Yuḥanna 3:16

Wami iḥibb Arebbi ddunect-a, ihḏa-yas Mmis aweḥḏani ḥima wenni zzayes ɣa yamnen war ifenni ca aɣares ṯiȓi ṯuḏarṯ n ȓebda.

Yuḥanna 6:38

Minzi nec hwiɣ-d zeg ujenna, war iǧi ca aḏ ggeɣ min xseɣ; Lla, hwiɣ-d aḏ ggeɣ min ixes wenni iy ḏayi d issekken.

Yuḥanna 8:42

Inna-asen Ƹisa: "Lla, maƹlik Babaṯwem ḏ Arebbi, ataf tḥibbim-ayi minzi nec ffɣeɣ-d zi Arebbi usiɣ-d. War d usiɣ ca zeg yixef inu; Lla, ḏ Baba iy ḏayi d issekken.

Ȓexḏayem 1:7

Inna-asen Ƹisa: "War ḏawem itwasmeḥ ca aḏ tessnem lʼawqat niɣ ḏ ttawarix tuɣa igga Baba s ssulṭa nnes.

Ayṯ-Ruma 1:3

U manaya x Mmis Siḏiṯneɣ Ƹisa Lmasiḥ. Ƹlaḥsab ddat nnes ḏ bnaḏem netta zi ddurriṯ n Siḏna Dawed. Walakin ƹlaḥsab Arruḥ nnes iṣfan imeḍhar-d ḏ Mmis n Arebbi s yijjen n jjheḏ imɣar wami iy d ikkar zi ȓmewṯ.

Ayṯ-Ruma 15:8

Cuf, nec qqareɣ-awem Lmasiḥ yusa-d ḥima aḏ yiȓi ḏ axeddam n Ayṯ-Israʼil bac aḏ d ismeḍhar lḥaqiqa n Arebbi aḏ igg min iwƹeḏ ssalaf ṣṣaliḥin.

Ayṯ-Ruma 5:6

Fa ḏi ȓweqṯ nni nican ṯenni tuɣa ixḍar Arebbi neccin war ɣarneɣ bu jjheḏ, immuṯ Lmasiḥ xaneɣ wami neƹṣa.

Ayṯ-Ruma 8:3

Cuf, Arebbi igga min war ṯzemmar aḏ tegg ccariƹa n Musa, mayemmi? Ƹlaḥsab ḍḍuƹef n ddat nneɣ iy ḏas ikksen jjheḏ i ccariƹa. Arebbi, wami iy d issekk Mmis imeṯṯel-iṯ-iḏ am ddat n bnaḏem iƹṣan, issekk-iṯ-id ḏ lfidya x ȓmuƹṣiyeṯ nneɣ. Ammu iḥaseb iƹaqeb ȓmuƹṣiyeṯ ig iǧan ḏi ddat n bnaḏem

Ayṯ-Ruma 9:5

Usin-d zi ssalaf ṣṣaliḥin, u zeg uẓwer nsen iy d yusa Lmasiḥ ḏ ddat ḏ bnaḏem. Arebbi itwaḥmeḏ i ȓebda, wenni iḥekkmen x marra. Amin.

Ayṯ-Ufasus 1:10

Ȓmaƹna-ya inuffaren ixeṭṭeṭ-it-id bac aḏ tebḏa ṯṣeǧaḥ ḏi ȓweqṯ nnes nican bac aḏ ismun Arebbi marra ṯimesȓayin ḏi Lmasiḥ, iƹni ṯimesȓayin ḏeg ujenna ḏ ṯmurṯ.

Ayṯ-Kulus 2:14

Imḥa amarwas nni ig izemmmen xaneɣ aqaṯ ḍed nneɣ s Lqanun. Manayenni iysi-ṯ iṣemmar-iṯ x ṣṣalib.

1 Timutawus 2:6

Netta iṣeddeq ṯuḏarṯ nnes ḏ ijjen n lfidya bac azzayes isenjem marra iwḏan, manaya aḏ itwacheḏ ḏi ȓweqṯ nnes.

1 Timutawus 3:16

U bȓa ccekk mecḥaȓ ṯeǧa ḏ ṯameqqrant ȓmaƹna inuffaren n lʼiman: Netta, ḏ bnaḏem iy d imeḍharen, ḏ Arruḥ iy xas icehḏen. Netta, ḏ lmalaʼikaṯ iy ḏayes ixzaren, ḏ ȓegnus iy zzayes itwabeccaren. Netta, ḏi ddunect-a yinni iy zzayes yumnen, ḏ lƹaḍama n ujenna iy ṯ iqebȓen.

Iƹibraniyen 2:14

Iḏen ṯarwa-ya niṯni ḏ iwḏan ḏaysen marra aysum ḏ iḏammen. X manaya Ƹisa uȓa ḏ netta ḏayes ṯimesȓayin-a. Ammu s ȓmewṯ nnes isbeṭṭeȓ zzaƹim n ȓmewṯ iƹni ḏ Ibȓis.

Iƹibraniyen 9:10

Manaya ɣir ḏayes can n lqawanin n ccariƹa x lmakla ḏ ṯsessi ḏ ȓuḍu. Lqawanin-a war ǧin ca x wuȓawen n bnaḏem, xeddmen ḥetta ȓweqṯ n ȓƹaheḏ ḏ jḏiḏ u ṣafi.

1 Yuḥanna 4:14

Iwa neccin neẓra ncehheḏ belli Babaṯneɣ issekk-d Mmis ḥima aḏ isenjem ddunect-a.

1 Yuḥanna 4:2

Mammec ɣa negg a nessen arruḥ nni iy d itasen zi Arebbi? Kuȓ arruḥ iy d itasen zzayes u labud aḏ icheḏ belli Ƹisa Lmasiḥ netta yusa-d s ddat n bnaḏem.