Ayṯ-Galaṭya 4:3 - Ṯarifiṯ 2020

³ Ammu uȓa ḏ neccin. Wami neǧa ƹaḏ ḏ imezyanen, am isemɣan ḥekkmen xaneɣ lqawanin iqḏimen n ddunect-a.

Ayṯ-Galaṭya 4:3 ပူးပေါင်းရင်းမြစ်များ

Matta 11:28

A yinni yuḥȓen s dqeȓ iy ṯarbum, araḥem-d ɣari marra kenniw nec akenniw sreyyḥeɣ.

Yuḥanna 8:31

Inna-asen Ƹisa i israʼiliyen yinni zzayes yumnen: "Meȓa ṯeqqimem ḏeg wawaȓ inu, aḏ tiȓim ḏ ṣṣaḥ ḏ imeḥḍaren inu.

Ȓexḏayem 15:10

Ȓexxu kenniw mayemmi ṯzaƹmem aḏ teẓrem Arebbi min ɣa igg, teggem dqeȓ n ṯzayȓut x yiri n imeḥḍaren? Dqeȓ nni tuɣa war nzemmar aṯ neysi lla neccin uȓa ḏ ȓejḏuḏ nneɣ.

Ayṯ-Ruma 7:14

Fa neccin nessen ccariƹa n Musa zi Arebbi, walakin nec ḏ bnaḏem twammenzeɣ i ȓmuƹṣiyeṯ.

Ayṯ-Ruma 8:15

Liʼanna Arruḥ iy ḏawem d immucen war kenniw itarri ca ḏ isemɣan ḥima aḏ tƹicem ƹaweḏ ḏi ṯiggwḏi; Lla, immuc-awem-d Arruḥ iqeddsen ḥima aḏ tiȓim ḏ ṯarwa n Arebbi. S Arruḥ nni iy ɣa nȓaɣa: Abba, iƹni, a Baba inu.

2 Ayṯ-Kurinṯ 11:20

Aqa ṯṣebbarem uȓa ḏ yinni iy kenniw itarran ḏ isemɣan, ḏ yinni iy kenniw itetten, ḏ yinni iy xawem itbuṣaren, ḏ yinni iy ḏi iǧa ttakebbur, ḏ yinni iy kenniw iccaṯen s iseqqiȓen.

Ayṯ-Galaṭya 2:4

Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.

Ayṯ-Galaṭya 3:19

Iwa, mayemmi teǧa Ccariƹa n Musa baƹḏa? Ccariƹa ṯemmuc nettaṯ bac aḏ issen bnaḏem ȓmuƹṣiyaṯ. Tuɣa ṯṣeǧaḥ qbeȓ ma aḏ d yas wayyaw n Brahim iy zi ṯ iwƹeḏ Arebbi. Ccariƹa nni uwint-it lmalaʼikaṯ, ṯumma ijjen n lwasiṭ iƹni Musa issiweḍ-it-id.

Ayṯ-Galaṭya 4:2

Iƹni itegg array i wenni iy ṯ itrebban u ḏ wenni iy zzayes itkellafen aȓ ɣa d ṯaweḍ ȓweqṯ nni iy ḏas iḥedd babas.

Ayṯ-Galaṭya 4:24

Iƹni manaya ḏayes ȓemƹani. Ṯimɣarin-a niṯenti s ṯnayen ḏaysent ṯnayen n ȓƹuhuḏ. Ijjen n ȓƹaheḏ netta zeg Uḏrar n Sina, itarew ṯarwa ḏ isemɣan. Nettaṯ ḏ Hajar.

Ayṯ-Galaṭya 4:25

Iwa Hajar nettaṯ amecnaw Aḏrar n Sina iy d itasen ḏi ṯmurṯ n waƹraben. Nettaṯ ṯetwaḥsab ḏ ṯandint n Lquds ḏi ȓweqṯ-a liʼanna nettaṯ ḏ ṯarwa nnes ig iǧan ḏ isemɣan.

Ayṯ-Galaṭya 4:31

Ay ayṯma, s manaya war neǧi ca ḏ ṯarwa n ṯismeɣṯ; Lla, neccin ḏ ṯarwa n ṯenni iǧan ḥurr.

Ayṯ-Galaṭya 4:8

Ḏi ȓweqṯ nni iƹḏun tuɣa war ṯessinem ca Arebbi, ḥekkmen xawem lʼaṣnam zaƹma, ḏi ṭṭabiƹa nsen niṯni maci ḏ arebbiṯen n ṣṣaḥ.

Ayṯ-Galaṭya 4:9

Walakin ȓexxu kenniw ṯessnem Arebbi, iƹni netta iy kenniw issnen. Mammec teggem ƹaweḏ ṯḏewwaȓem ɣar lqawanin iqḏimen nni iteḍƹifen war itejhiḏen ca? Ma ṯexsem aɣarsen ṯḏewȓem ḏ isemɣan ƹaweḏ niɣ?

Ayṯ-Kulus 2:20

Kenniw meȓa ṯemmuṯem ak Lmasiḥ i lqawanin nni iqḏimen n ddunect-a, mayemmi ḏas teggem array i lqanun nni axmi ƹaḏ tƹicem zzayes ḏi ddunect-a?

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

Iƹibraniyen 5:12

Cuf, wa labud kenniw ȓexxu aḏ tiȓim ḏ imseȓmaḏen walakin ƹaḏ itxeṣṣa-yawem ijjen akenniw isɣar s ṯɣuri nni ṯamezwarut zeg wawaȓ n Arebbi. Kenniw teḥḏajam aɣi waha, maci lmakla ḏ ṣṣaḥ.

Iƹibraniyen 7:16

Iƹni maci ƹlaḥsab ijjen n ȓuṣiyeṯ x ȓejḏuḏ nnes zi ccariƹa iy ṯ yarrin ḏ ȓefqi; Lla, netta ḏ ȓefqi ƹlaḥsab jjheḏ n ṯuḏarṯ nnes ƹemmarṣ aḏ tefna.