Ayṯ-Galaṭya 4:17 - Ṯarifiṯ 2020

¹⁷ Iwḏan-a iseƹƹwajen Lʼinjil, min rezzun? Teggen akiḏwem ȓxir aṭṭas zaƹma walakin ƹlaḥsab aƹeddis nsen imɣaren. Rezzun akenniw kesben bac akenniw sbeƹƹḏen xaneɣ, ṯumma kenniw iy ḏaysen ɣa iggen ȓxir aṭṭas.

Ayṯ-Galaṭya 4:17 ပူးပေါင်းရင်းမြစ်များ

Matta 23:15

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Tekkem marra ȓebḥar ḏ ȓbarr ḥima aḏ tjarrem can yijjen ɣar ddin nwem. U xmi iy kiwem ɣa yiȓi, tarrim-ṯ isḏaheǧ ṯimessi marrṯayen ktar zi min ṯesḏaheǧem kenniw.

Ayṯ-Ruma 10:2

Nec cehhḏeɣ xasen rezzun aḏ ggen lwajib ak Arebbi, walakin war ssinen ca aḏ ggen lwajib.

Ayṯ-Ruma 16:18

Liʼanna yina war xeddmen ca i Siḏiṯneɣ Ƹisa Lmasiḥ, xeddmen ɣir i uƹeddis nsen waha. S wawaȓ yiziḍen ḏ lmuhawaḍa izewwqen xeddƹen uȓawen n yinni iy ḏi ṯeǧa nniyyeṯ.

1 Ayṯ-Kurinṯ 11:2

Fa tcekkareɣ-kenniw wami teƹqaȓem xafi ḏi marra ṯimesȓayin, ṯḥeffḍem ttaƹlim nni mammec ḏawem ṯ seȓmaḏeɣ nec.

1 Ayṯ-Kurinṯ 4:18

Fa ȓebƹaḍ zzaywem ḏaysen ttakebbur, tɣir-asen nec war ɣarwem d tiseɣ ca.

1 Ayṯ-Kurinṯ 4:8

Kenniw, ma ṣaaaafi ɣarwem marra min teḥḏajim? Ma ṣaaaafi kenniw ṯḏewȓem ḏ twajar? Kenniw, ma ḏ ṣṣaḥ ṯḏewȓem ḏ izeǧiḏen bȓa neccin?! Iwa mecḥaȓ xseɣ bac aḏ yiȓi ḏ ṣṣaḥ kenniw teḥkamem ḥima aḏ tcarcem akiḏneɣ ȓeḥkam nni nwem.

2 Ayṯ-Kurinṯ 11:3

Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

Ayṯ-Galaṭya 4:16

Ma ȓexxu nec ḏ ȓƹaḏu nwem wami ḏawem nniɣ lḥaqiqa nican?

Ayṯ-Galaṭya 4:18

Iwa ȓebda ḏ lemliḥ meȓa can yijjen irezzu aḏawem igg ȓxir. Maci ɣir nec iy ɣa iggen manaya waha, walakin labud ssabab n ȓxir-a aḏ yiȓi ḏ aṣebḥan.

Ayṯ-Filippas 2:21

Marra rezzun min ḏasen ithiman i yixef nsen waha, maci min ithiman i Ƹisa Lmasiḥ.

2 Buṭrus 2:18

Semɣaren ixef nsen s wawaȓen ixwan. S ȓeqbaḥeṯ nni n ccehweṯ n bnaḏem tḥeǧaqen-d yinni yallah ƹaḏ yarewwȓen zeg yiwḏan iy tƹicen ḏi lɣalaṭ.

2 Buṭrus 2:3

Ƹlaḥsab aƹeddis nsen aḏawem ccen ȓmux s wawaȓen iy tsayasen waha. Mecḥaȓ zeg wami lƹiqab nsen ƹaḏ itrajan-ṯen war iteṭṭeṣ ca.