Ayṯ-Galaṭya 3:27 - Ṯarifiṯ 2020

²⁷ Liʼanna kenniw ig itwaṭehharen s waman bac aḏ tiȓim ḏi Lmasiḥ, aqa ṯmunem kenniw ḏ ijjen akiḏes.

Ayṯ-Galaṭya 3:27 ပူးပေါင်းရင်းမြစ်များ

Luqa 15:22

Inna-asen babas i ixeddamen nnes: Ruḥem ḏeɣya awim-d čammir ḏ aṣebḥan arḍem-as-ṯ. Ggem-as ṯxaḏent ḏeg ufus nnes, ggem-as ṯisiȓa ḏeg iḍaren nnes.

Ȓexḏayem 16:15

Wami ṯetwaṭehhar s waman nettaṯ ḏ ȓeḥbab nnes, ṯettar zzayneɣ ṯenna-aneɣ: "Araḥem-d ɣar ṯeddarṯ inu qqimem akiḏi iƹni meȓa ṯteyyqem belli nec umneɣ zi Siḏi Arebbi." Ṯḥeccem-aneɣ nettaṯ aȓ wami neqbeȓ.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 8:16

Ƹaḏ war d ihwi Arruḥ uȓa x yijjen zzaysen minzi tuɣa twaṭehharen s waman ƹlaḥsab isem n Siḏiṯneɣ Ƹisa u ṣafi.

Ȓexḏayem 9:18

Ȓexddenni ṯewḍa-yas-d ijjen n ȓḥajeṯ zi ṯiṭṭawin nnes am ṯeqcurṯ, iḏweȓ itwaȓa. Ikkar itwaṭehhar s waman.

Ayṯ-Ruma 13:14

Walakin, ggeṯ ȓeḥwayej n Siḏiṯneɣ Ƹisa Lmasiḥ. War rehham ca ak ṭṭabiƹa ṯaƹeffant nwem, war tseƹƹafeṯ ca ccehawaṯ nnes.

Ayṯ-Ruma 3:22

Iƹni, Arebbi isemṣȓaḥ akiḏes marra wenni itamnen zi Ƹisa Lmasiḥ, war itferraq jar yiwḏan. Aqa marra ƹṣan Arebbi, twaḥarramen zi lƹaḍama nnes.

1 Ayṯ-Kurinṯ 10:2

Marra niṯni twaṭehharen s waman ƹlaḥsab Musa wami ƹḏun ḏeg useynu nni ḏ ȓebḥar nni.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

Ayṯ-Ufasus 4:24

aḏ teggem ijjen n ṭṭabiƹa ṯenneɣni iƹni ḏ jḏiḏ, ijjen n ṭṭabiƹa iy d ɣa itwaxeȓqen amecnaw wenni n Arebbi ḏayes ȓḥaqq ḏayes min iṣfan.

Ayṯ-Kulus 3:10

Ȓexxu kenniw ṯeggim ijjen n ṭṭabiƹa nneɣni ḏ jḏiḏ ƹaḏ tḏewwaȓ-d ḏ jḏiḏ, ȓmaƹrifa nnes am ṣṣifeṯ n Lxaliq nnes.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.