Ayṯ-Galaṭya 3:17 - Ṯarifiṯ 2020

¹⁷ Fa nec, min rezzuɣ aḏ iniɣ? Iƹni Ccariƹa n Musa ṯusa-d arbeƹmiyya u ṯȓaṯin sna menbaƹd i ȓƹaheḏ-a ak Brahim. Ccariƹa nni war ṯzemmar ca aḏ tesbeṭṭeȓ ȓƹaheḏ-a ak Brahim ig igga Arebbi. Iƹni min iwƹeḏ Arebbi i Brahim war ṯ tarri ca ccariƹa nni ḏ ȓbaṭeȓ.

Ayṯ-Galaṭya 3:17 ပူးပေါင်းရင်းမြစ်များ

Yuḥanna 1:17

Ccariƹa n Ayṯ-Israʼil ṯemmuc x ufus n Musa. Arḍa ḏ lḥaqiqa niṯenti usint-id x ufus n Ƹisa Lmasiḥ.

Ȓexḏayem 7:6

Ammu iy ḏas inna Arebbi: Ddurriṯ nnec aḏ ƹicen ḏi ṯmurṯ n midden, aḏ iȓin ḏ isemɣan n ayṯbab n ṯmurṯ nni, axasen ssekken tamara arbeƹmiyya iseggwusa.

Ayṯ-Ruma 3:25

Arebbi iqeddem-iṯ ḏ lfidya ḥima aḏ twaɣfarent ȓmuƹṣiyaṯ s iḏammen nnes, iƹni i yinni iqebbȓen manayenni s lʼiman nsen. S manayenni ismeḍhar-d Arebbi ȓḥaqq nnes. Netta tuɣa iṣebbar, war t yuwi ca ḏi ȓmuƹṣiyaṯ nni iy iƹḏun,

Ayṯ-Ruma 3:3

Iwa meȓa ȓebƹaḍ zzaysen war uminen ca, ma s lkufer nsen iy zi ɣa isbeṭṭeȓ Arebbi ȓƹaheḏ nnes?

1 Ayṯ-Kurinṯ 1:12

Iƹni, ijjen iqqar nec ḏeffareɣ Bulus. Ijjen iqqar nec ḏeffareɣ Apullus. Ijjen iqqar nec ḏeffareɣ Buṭrus. Ijjen iqqar nec ḏeffareɣ Lmasiḥ.

1 Ayṯ-Kurinṯ 1:17

Liʼanna Lmasiḥ war ḏayi d issekk ca ḥima aḏ ṭehhareɣ i yiwḏan s waman; Lla, nec issekk-ayi-d aḏ beccareɣ s Lʼinjil walakin maci s ȓefhameṯ nni n wawaȓen izewwqen. Mayemmi? Bac jjheḏ iy iǧan ḏi ṣṣalib n Lmasiḥ war itbeṭṭiȓ ca.

1 Ayṯ-Kurinṯ 10:19

Min xseɣ nec aḏ iniɣ? Ma qqareɣ belli lmakla nni itqeddamen i lʼaṣnam nettaṯ ḏ ca n ȓḥajeṯ? Niɣ qqareɣ belli lʼaṣnam niṯni ḏ ca n ȓḥajeṯ?

1 Ayṯ-Kurinṯ 7:29

Fa ay ayṯma, min rezzuɣ aḏ iniɣ? Ȓweqṯ aqa ṯqarreb-d. Ssa aȓ ṯsawent yinni imeȓcen aḏ ƹicen axmi war mȓicen ca,

2 Ayṯ-Kurinṯ 1:20

Liʼanna netta ḏayes iy iqqar Arebbi i marra ṯimesȓayin iy iƹaheḏ Arebbi. S manaya zi Ƹisa neqqar i lƹaḍama n Arebbi.

2 Ayṯ-Kurinṯ 9:6

Fekkareṯ, wenni ɣa izerƹen ḏrus aḏ imjar ḏrus. Wenni ɣa izerƹen aṭṭas aḏ imjar aṭṭas.

Ayṯ-Galaṭya 3:15

Ay ayṯma, aḏawem uceɣ ijjen n lmiṯal zi lƹadaṯ nneɣ. Lwaṣiya, nettaṯ meȓa ṯura ṯeḍbeƹ, war izemmar ḥadd at isbeṭṭeȓ niɣ aḏayes yarni can n ȓḥajeṯ.

Ayṯ-Galaṭya 3:21

Iḏen Ccariƹa n Musa, ma tƹarraḍ lwuƹud n Arebbi? Lla walu! Cuf, maƹlik ṯemmuc can ccariƹa iticcen ṯuḏarṯ i bnaḏem, ataf aḏaneɣ ṯarr nican ak Arebbi ccariƹa nni.

Ayṯ-Galaṭya 5:16

Fa nniɣ-awem, tƹiceṯ ƹlaḥsab ȓxaḍar n Arruḥ iqeddsen ṯumma war tseƹƹifem ca ccehawaṯ n ṭṭabiƹa ṯaƹeffant nwem.

Ayṯ-Galaṭya 5:4

Kenniw iy irezzun ṣṣulḥ s ccariƹa nni ak Arebbi, aqa ṯetwaḥarrmem zi Lmasiḥ ṯbeƹƹḏem x arḍa nnes.

Ayṯ-Ufasus 2:12

Ƹeqȓeṯ belli ḏi ȓweqṯ nni tbeƹƹaḏem x Lmasiḥ tenƹezaȓem zi ljinsiya n ccaƹb n Arebbi. Aqa kenniw ḏ ibarraniyen ƹlaḥsab ṯimesȓayin nni iy zi d iwƹeḏ Arebbi ḏi ȓƹuhuḏ nnes. Kenniw tuɣa ṯeǧam bȓa lʼamal bȓa Arebbi ḏi ddunect-a.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

Ayṯ-Kulus 2:4

Qqareɣ-awem manaya bac war d itis ḥadd akenniw icmeṯ s wawaȓ nnes aḏawem isneƹmiȓ ḏ ṣṣaḥ.

Iƹibraniyen 11:13

Yina marra mmuṯen ḏi lʼiman nni nsen qbeȓ ma ḏasen d awḍent ṯmesȓayin nni iy zi ṯen iwƹeḏ. Walakin ẓrin-ṯent reḥḥben zzaysent zi ȓeggwaj, ƹtarfen belli niṯni ḏ ibarraniyen ḏ iƹezzaben ḏi ṯmurṯ-a.

Iƹibraniyen 7:18

Ȓuṣiyeṯ nni ḏ ṯaqḏint ṯetwabeddeȓ wami ṯetwaḥsab ṯeḍƹef bȓa nnfaƹ.

1 Buṭrus 1:20

U netta itwaxḍar qbeȓ ma d twaxȓeq ddunect-a, walakin ismeḍhar-iṯ-iḏ Arebbi ḏi zman-a aneggaru x ssabab nwem.