Ayṯ-Galaṭya 2:9 - Ṯarifiṯ 2020

⁹ Yaƹqub ḏ Buṭrus ḏ Yuḥanna itwaḥsabben ḏ imeqqranen ḏi jmaƹeṯ nni, fehmen arḍa iy ḏayi yuca Arebbi seǧmen xaneɣ nec ḏ Barnaba s ufus afusi nsen amƹacar. Qebȓen-aneɣ neccin a nraḥ a nbeccar i yinni iǧan ḏ iyunaniyen, niṯni aḏ beccaren i yinni iǧan zi Ayṯ-Israʼil.

Ayṯ-Galaṭya 2:9 ပူးပေါင်းရင်းမြစ်များ

Matta 16:18

Nec ƹaweḏ aqa qqareɣ-ac: Cek ḏ Buṭrus, iƹni ḏ 'Azru.' X uzru-ya aḏ bniɣ nec jmaƹṯ n ȓmuminin inu, ṯiwwura n Ljaḥim war zzayes tiwint walu!

Luqa 22:8

Iruḥ Ƹisa issekk Buṭrus ḏ Yuḥanna inna-asen: "Ruḥem swejḏem-aneɣ amensi n Ȓƹiḏ Ameqqran ḥima aṯ necc."

Yuḥanna 1:42

Issiweḍ-iṯ-iḏ ɣar Ƹisa. Wami ṯ iẓra Ƹisa inna-as: "Cek ḏ Simƹan mmis n Yuḥanna, zi ssa aȓ ṯsawent aḏac tȓaɣan Ṣifas." (Awaȓ-a Ṣifas ixes aḏ yini Buṭrus.)

Ȓexḏayem 12:17

Iqqar-asen s ufus stukaṯ, ssenni iƹaweḏ-asen mammec iy ṯ isufeɣ Siḏi Arebbi zi ȓeḥbes. Inna-asen: "Xebbarem Yaƹqub ḏ ayṯmaṯneɣ s min iweqƹen." Iffeɣ iruḥ ɣar yijjen n umcan nneɣni.

Ȓexḏayem 15:13

Wami kemmȓen awaȓ nsen, indeq-d Yaƹqub inna-asen: "Ay ayṯma, ṣennṭem ɣari mliḥ!

Ȓexḏayem 15:7

Wami mnaqacen aṭṭas, ikkar Buṭrus ibedd inna-asen: "Ay ayṯma, aqa kenniw ṯessnem mecḥaȓ zeg wami iy ḏayi ixḍar Arebbi zzaywem bac yinni war iǧin ca zi Ayṯ-Israʼil aḏ sȓen zeg uqemmum inu awaȓ n Lʼinjil aḏ amnen.

Ȓexḏayem 4:36

Ḏinni ijjen qqaren-as Yusef, ƹaweḏ semman-ṯ arrusul s Barnaba iƹni Netta zi ccurfa n Ayṯ-Lawi ḏ mmis n ṯendint n Qubruṣ.

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

Ayṯ-Ruma 15:15

Walakin zeƹmeɣ uriɣ ṯabrat-a ɣarwem x ȓebƹaḍ n ṯmesȓayin ḥima war ṯent tettum ca. Liʼanna nec teggeɣ ȓxeḏmeṯ n ȓefqi tbeccareɣ s wawaȓ n Arebbi s lbaraka nni iy ḏayi yuca bac aḏ iȓiɣ ḏ axeddam n Ƹisa Lmasiḥ i kenniw war iǧin ca zi Ayṯ-Israʼil. Ḥima akenniw qeddmeɣ am yijjen n ṣṣeḏqeṯ ṯeṣfa s Arruḥ iqeddsen ḥima at iqbeȓ Arebbi.

1 Ayṯ-Kurinṯ 15:10

Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

2 Ayṯ-Kurinṯ 11:5

Cuf, war ḥessbeɣ ca ixef inu ḏ aneqṣi zi arrusul imezwura. Lla walu.

2 Ayṯ-Kurinṯ 12:11

Ƹaḏ ssawaȓeɣ s ṯubbuhȓiya-ya zaƹma, ḏ kenniw iy xafi ibezzen ammu. Cuf, tuɣa itxeṣṣa-kenniw aḏayi ṯcekarem, mayemmi? Liʼanna nec waxxa ḏ walu iy ǧiɣ, war ǧiɣ bu ḏ aneqṣi zi arrusul nni imezwura.

2 Ayṯ-Kurinṯ 8:4

ttaren zzayneɣ s wuȓ nsen aḏ ƹawnen s ȓxir-a ȓmuminin ṣṣaliḥin iy iǧan ḏi ṯendint n Lquds.

Ayṯ-Galaṭya 1:18

Ṯeƹḏu ijjen ṯeȓt snin gaƹƹḏeɣ ɣar ṯendint n Lquds ḥima aḏ ẓreɣ arrasul Buṭrus, qqimeɣ akiḏes ijjen xemmesṭacar yum.

Ayṯ-Galaṭya 2:1

Wami ṯeƹḏu ijjen arbeƹṭacar sna, gaƹƹḏeɣ ƹaweḏ ɣar ṯendint n Lquds ak Barnaba, uwiɣ akiḏi uȓa ḏ umaṯneɣ Titus.

Ayṯ-Galaṭya 2:2

Ƹlaḥsab min zi ḏayi iweṣṣa Arebbi ḏeg yijjen n lwaḥi iy gaƹƹḏeɣ ḏinni sexbareɣ-ṯen x Lʼinjil iy zi tbeccareɣ jar ȓegnus. Walakin ggiɣ manayenni ɣir i yinni iǧan ḏ imeqqranen n jmaƹeṯ ḥima aḏ ssneɣ min xeḏmeɣ ḏ min tuɣa xeddmeɣ war iǧi ca ḏ ȓbaṭeȓ.

Ayṯ-Galaṭya 6:3

Cuf, meȓa can n bnaḏem itfekkar aḏ iftaxar s yixef nnes walakin netta war ḏayes walu, ataf ixeddeƹ ixef nnes.

Ayṯ-Ufasus 2:20

Ṯaddarṯ-a nettaṯ ṯebna x dsas n yizra iy iǧan ḏ arrusul ḏ lʼanbiya. U Lmasiḥ s yixef nnes aqaṯ ḏ azru nni iy iǧan ḏeg umcan aṣebḥan ḏi ṯɣemmarṯ n dsas nnes.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Kulus 1:29

X manaya nec xeddmeɣ, taḥȓeɣ ḏi ȓxeḏmeṯ-a s marra jjheḏ nni n Lmasiḥ netta isxeddam-ayi s ṯzemmar nnes.

1 Timutawus 3:15

Meȓa ṭewwleɣ aṭṭas war ḏinni d usiɣ ca, ataf aḏ tessneḏ cek mamc iy ɣa suguren yiwḏan ixef nsen ḏi ṯeddarṯ n Arebbi iƹni jmaƹeṯ n ȓmuminin n Arebbi iddaren ḏ nettaṯ iy iǧan ḏ apilar ḏ dsas n lḥaqiqa.

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

Lwaḥi 3:12

Qa wenni ɣa irebḥen aṯ sbeddeɣ am yijjen n upilar ḏi ṯemziḏa ṯameqqrant n Arebbi inu aḏ iqqim ḏinni i ȓebda. Axas ariɣ isem n Arebbi inu ḏ yisem n ṯendint n Arebbi inu, iƹni Lquds n jḏiḏ iy d ɣa ihwan zeg ujenna zi Arebbi inu. Axas ariɣ isem inu ḏ jḏiḏ.