Ayṯ-Galaṭya 2:4 - Ṯarifiṯ 2020

⁴ Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.

Ayṯ-Galaṭya 2:4 ပူးပေါင်းရင်းမြစ်များ

Luqa 5:38

Walakin aman n uḍiȓ ḏ jḏiḏ xeǧqen ḏeg yiȓemawen ḏ jḏiḏ.

Ȓexḏayem 15:1

Usin-d ca n iryazen zi Yahuḏiya seȓmaḏen ayṯmaṯneɣ ḏeg Wanṭakya nnan-asen: "War ṯzemmarem ca aḏ tnejmem illa meȓa ṯeggim ṭṭahareṯ ƹlaḥsab Ccariƹa n Musa."

Ȓexḏayem 15:24

Netsȓa belli can yiwḏan zzayneɣ usin-d ɣarwem bȓa lʼiḏen nneɣ, seddƹen-kenniw siḏfen ḏaywem ccekk s wawaȓ nsen.

Ȓexḏayem 20:30

Ƹaweḏ zzaywem aḏ d meḍharen can iṯarrasen aḏ sƹewwjen lḥaqiqa ḥima aḏ jarren ɣarsen imeḥḍaren.

Ayṯ-Ruma 8:15

Liʼanna Arruḥ iy ḏawem d immucen war kenniw itarri ca ḏ isemɣan ḥima aḏ tƹicem ƹaweḏ ḏi ṯiggwḏi; Lla, immuc-awem-d Arruḥ iqeddsen ḥima aḏ tiȓim ḏ ṯarwa n Arebbi. S Arruḥ nni iy ɣa nȓaɣa: Abba, iƹni, a Baba inu.

2 Ayṯ-Kurinṯ 11:13

Cuf, iryazen am yina tarran ixef nsen ḏ arrusul xeddmen ḏ iɣeddaren, sneƹmiȓen ḏ arrusul n Lmasiḥ.

2 Ayṯ-Kurinṯ 11:17

Manaya iy zi teftaxareɣ qqareɣ-ṯ nec am yijjen n ṯubbuhȓiya, war ṯ iqqar ca Siḏiṯneɣ.

2 Ayṯ-Kurinṯ 11:20

Aqa ṯṣebbarem uȓa ḏ yinni iy kenniw itarran ḏ isemɣan, ḏ yinni iy kenniw itetten, ḏ yinni iy xawem itbuṣaren, ḏ yinni iy ḏi iǧa ttakebbur, ḏ yinni iy kenniw iccaṯen s iseqqiȓen.

2 Ayṯ-Kurinṯ 11:26

Nec mecḥaȓ n ṯwaȓaṯin tiȓiɣ tsafareɣ ḏi lxaṭar n iɣezran, ḏ lxaṭar n iceffaren, ḏ lxaṭar n ȓqum inu, ḏ lxaṭar n iyunaniyen, ḏ lxaṭar ḏi ṯendint, ḏ lxaṭar ḏi ȓexȓa, ḏ lxaṭar ḏi ȓebḥar, ḏ lxaṭar n yinni itarran ixef nsen ḏ ayṯma.

2 Ayṯ-Kurinṯ 3:17

Cuf, Siḏiṯneɣ netta ḏ Arruḥ, mani ma iǧa Arruḥ n Siḏiṯneɣ ḏinni lḥurriya ruḥiya.

Ayṯ-Galaṭya 1:7

Walakin war ḏinni bu can n Lʼinjil nneɣni. Ɣir ḏinni can yiwḏan iy kenniw isxerwaḍen rezzun aḏ sƹewwjen Lʼinjil n Lmasiḥ.

Ayṯ-Galaṭya 4:25

Iwa Hajar nettaṯ amecnaw Aḏrar n Sina iy d itasen ḏi ṯmurṯ n waƹraben. Nettaṯ ṯetwaḥsab ḏ ṯandint n Lquds ḏi ȓweqṯ-a liʼanna nettaṯ ḏ ṯarwa nnes ig iǧan ḏ isemɣan.

Ayṯ-Galaṭya 4:3

Ammu uȓa ḏ neccin. Wami neǧa ƹaḏ ḏ imezyanen, am isemɣan ḥekkmen xaneɣ lqawanin iqḏimen n ddunect-a.

Ayṯ-Galaṭya 5:1

Ɣar lḥurriya iḍȓeq-aneɣ-d Lmasiḥ bac a niȓi ḥurr ḏ ṣṣaḥ. Beddeṯ nican baƹda, war tejjaṯ ca axawem ibesseȓ ƹaweḏ ijjen n dqeȓ n ṯzayȓut n isemɣan.

Ayṯ-Galaṭya 5:10

Nec ɣari ttiqeṯ ḏi Arebbi war ṯqebbȓem bu can n array nneɣni. Walakin wenni iy kenniw isxerwaḍen, min ma iƹna netta aṯ iḥaseb s lƹiqab nnes.

2 Timutawus 3:6

Iryazen-a ḏ yina iy d isnuquben ṯuḏrin am ibbuƹen taḏfen bac aḏ sayṭaren x ṯemɣarin iy ḏi ṯeǧa niyyeṯ tƹemmarent s ȓmuƹṣiyaṯ twacemmaṯent s waṭṭas n lʼanwaƹ n ccahawaṯ.

Yaƹqub 1:25

Walakin wenni ixezzaren ḏi ccariƹa ikemȓen ṯenni iy ḏi ṯeǧa lḥurriya, iteṭṭef ḏayes war itettu ca min itsȓa ixeddem zzayes, ataf azzayes yawi lbaraka ḏi min itegg.

1 Buṭrus 2:16

Ƹiceṯ am yiwḏan iy ɣar ṯeǧa lḥurriya walakin war steƹmaleṯ ca lḥurriya-ya nwem bac aḏ tesnuffarem ccarr nwem; Lla, itxeṣṣa aḏ tƹicem am ixeddamen n Arebbi.

2 Buṭrus 2:19

Ḍemmnen-asen iṯarrasen-a lḥurriya i yiwḏan walakin yina bab nsen netta ḏ ȓefna. Ȓaḥeqqac min iteḥkamen x bnaḏem netta ḏ bab nnes.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.