Ayṯ-Galaṭya 2:21 - Ṯarifiṯ 2020

²¹ Nec ugiɣ aḏ sbeṭṭȓeɣ arḍa n Arebbi. Cuf, maƹlik bnaḏem imeṣȓaḥ ak Arebbi s Ccariƹa n Musa, ataf immuṯ Lmasiḥ x ȓbaṭeȓ waha.

Ayṯ-Galaṭya 2:21 ပူးပေါင်းရင်းမြစ်များ

Marqus 7:9

Inna-asen ƹaweḏ: "Iwa! Tbeṭṭaȓem ȓuṣiyeṯ n Arebbi ḥima aḏ qqiment lƹadaṯ nwem!

Ayṯ-Ruma 10:3

Wami war ssinen ca mammec igga Arebbi isemṣȓaḥ akiḏes bnaḏem, kkaren niṯni ḏfaren abriḏ nsen nniṯ war qbiȓen ca abriḏ n Arebbi.

Ayṯ-Ruma 11:6

Meȓa ixḍar-iṯen s arḍa nnes, ataf ȓexxu war iǧi ca s lḥasanaṯ nsen. Meȓa maci amenni, ataf arḍa war itiȓi bu ḏ arḍa.

Ayṯ-Ruma 4:25

Itwasellem ḥima aḏ immeṯ x ȓmuƹṣiyaṯ nneɣ, itwasekkar-d ḥima aḏaneɣ isemṣȓaḥ Arebbi akiḏes.

Ayṯ-Ruma 8:31

Iwa, min ɣa nini menbaƹd i marra manaya? Meȓa Arebbi aqaṯ akiḏneɣ, uw izemmaren aḏ yiȓi ḍed nneɣ?

1 Ayṯ-Kurinṯ 15:14

Maƹlik war d itwasekkar ca Lmasiḥ, iȓi ttebcir nneɣ ḏ ȓbaṭeȓ waha, iȓi kenniw lʼiman nwem uȓa ḏ netta ḏ ȓbaṭeȓ.

1 Ayṯ-Kurinṯ 15:17

Maƹlik war d itwasekkar ca Lmasiḥ, iȓi kenniw zaƹma lʼiman nwem ḏ ȓbaṭeȓ waha, iȓi ƹaḏ aqa kenniw ḏi ȓmuƹṣiyaṯ nwem.

1 Ayṯ-Kurinṯ 15:2

Aqa ṯnejjmem zzayes wami ḏayes teṭṭfem mliḥ ḏeg wawaȓ n ttebcir nni wenni iy zi kenniw beccareɣ. Meȓa lla, zaƹma lʼiman nwem ṯesbeṭṭȓem-ṯ.

Ayṯ-Galaṭya 2:16

Innama, nessen belli bnaḏem war itwasemṣȓaḥ ca ak Arebbi iƹni meȓa iṭaƹ i Ccariƹa n Musa; Lla, manaya illa s lʼiman zi Ƹisa Lmasiḥ. X manaya uȓa ḏ neccin numen zi Ƹisa Lmasiḥ bac a nemṣȓaḥ ak Arebbi s lʼiman nni iy zi numen, maci s ṭṭaƹa n Ccariƹa n Musa. Liʼanna uȓa ḏ ijjen n bnaḏem war itwamsemṣȓaḥ ca ak Arebbi s ṭṭaƹa n ccariƹa nni.

Ayṯ-Galaṭya 2:18

Lƹaks, nec aḏ iȓiɣ ḏ lƹaṣi meȓa bniɣ ƹaweḏ nniḍam nni aqḏim n ccariƹa iy heḏmeɣ.

Ayṯ-Galaṭya 3:21

Iḏen Ccariƹa n Musa, ma tƹarraḍ lwuƹud n Arebbi? Lla walu! Cuf, maƹlik ṯemmuc can ccariƹa iticcen ṯuḏarṯ i bnaḏem, ataf aḏaneɣ ṯarr nican ak Arebbi ccariƹa nni.

Iƹibraniyen 7:11

Iḏen, maƹlik ccɣeȓ nni iy xeddmen ȓfuqaha n Ayṯ-Lawi war ḏas inqis walu, mayemmi ƹaḏ tuɣa ɣa neḥḏaj aḏ d yas ijjen n ȓefqi nneɣni amecnaw lfirqa n Malikiṣadiq, maci zi lfirqa nni ƹadi n Harun n Ayṯ-Lawi?