Ayṯ-Galaṭya 2:18 - Ṯarifiṯ 2020

¹⁸ Lƹaks, nec aḏ iȓiɣ ḏ lƹaṣi meȓa bniɣ ƹaweḏ nniḍam nni aqḏim n ccariƹa iy heḏmeɣ.

Ayṯ-Galaṭya 2:18 ပူးပေါင်းရင်းမြစ်များ

Ayṯ-Ruma 14:15

Liʼanna meȓa itxeyyaq wumac s macca nni iy tetteḏ, ataf cek war ṯuggureḏ ca nican s ȓemḥibbeṯ. War tegg ca macca nnec ḏ ssabab iy zi ɣa inehḏem wumac wenni mix immuṯ Lmasiḥ.

Ayṯ-Ruma 2:25

Cek meȓa ṯxeddmeḏ s min ḏayes ḏi ccariƹa, ataf ṭṭahareṯ nnec aḏ tiȓi ɣares arbeḥ. Walakin meȓa ṯƹeṣṣiḏ ccariƹa, ataf aḏ tiȓiḏ axmi war ṯeggiḏ ca ṭṭahareṯ.

Ayṯ-Ruma 3:5

Fa meȓa ȓbaṭeȓ nneɣ iy ntegg ismeḍhar-d ȓḥaqq n Arebbi, min ɣa nini? (Nec ssawaȓeɣ ƹlaḥsab lfikra n bnaḏem.) Arebbi, ma iḍeǧem-aneɣ xmi ḏaneɣ itƹaqab?

Ayṯ-Galaṭya 2:21

Nec ugiɣ aḏ sbeṭṭȓeɣ arḍa n Arebbi. Cuf, maƹlik bnaḏem imeṣȓaḥ ak Arebbi s Ccariƹa n Musa, ataf immuṯ Lmasiḥ x ȓbaṭeȓ waha.

Ayṯ-Galaṭya 5:11

Ay ayṯma, nec maƹlik ƹaḏ seȓmaḏeɣ ṭṭahareṯ n Musa zaƹma, iwa mayemmi ƹaḏ ḏayi tƹeddaben niṯni? Maƹlik labud ṭṭahareṯ-a, ataf ṣafi war itiȓi bu uḥeggar n ṣṣalib.