Ayṯ-Galaṭya 2:15 - Ṯarifiṯ 2020

¹⁵ Neccin ḏ israʼiliyen zeg wami d nexȓeq, neccin war neǧi ca zi ȓegnus iƹeṣṣan zaƹma.

Ayṯ-Galaṭya 2:15 ပူးပေါင်းရင်းမြစ်များ

Matta 9:11

Wami ẓrin ȓḥizeb n ifarrisiyen manayenni kkaren nnan-asen i imeḥḍaren nnes: "Mayemmi itett lmuƹallim nwem ak iƹeccaren ḏ yinni iƹeṣṣan?"

Luqa 24:7

Inna-awem qa itxeṣṣa Mmis n bnaḏem aḏ itwasellem i yinni iƹeṣṣan, niṯni aṯ ṣellben netta aḏ d itwasekkar ḏi nhar n wis ṯeȓtiyyam."

Ȓexḏayem 22:21

Inna-ayi Siḏi: Ruḥ, cek ac ssekkeɣ ɣar imucan ggwjen aṭṭas, ɣar yinni war iǧin ca zi Ayṯ-Israʼil."

Ayṯ-Ruma 3:9

Iwa neccin Ayṯ-Israʼil, ma lḥala nneɣ ḥsen zeg yiwḏan nneɣni? Lla, ƹemmarṣ! Nenna qbeȓ qa Ayṯ-Israʼil ḏ yinni war iǧin ca zi Ayṯ-Israʼil marra negga ȓmuƹṣiyeṯ.

Ayṯ-Ruma 4:16

S manayenni ȓƹaheḏ-a ibna x lʼiman waḥḏes: Ḥima ȓƹaheḏ-a aḏ d yas zi arḍa nnes, ḥima aṯ iḍmen Arebbi i marra ddurriṯ n Brahim. U maci ɣir wenni iḏeffaren ccariƹa n Musa; Lla, uȓa ḏ wenni icarrcen ḏi lʼiman n Brahim. Netta ḏ jeddiṯneɣ marra.

Ayṯ-Galaṭya 2:17

Fa neccin nrezzu a nemṣȓaḥ ak Arebbi s lʼiman zi Lmasiḥ. Meȓa s manaya menbaƹd nufa ixef nneɣ am ȓegnus iƹeṣṣan zaƹma, ma ataf Lmasiḥ itcejjaƹ-aneɣ ɣar ȓmuƹṣiyeṯ? Lla, ƹemmarṣ!

Ayṯ-Ufasus 2:3

Neccin marra tuɣa netƹic am niṯni ḏeg yijjen n ȓweqṯ wami tuɣa netseƹƹaf ccehawaṯ n array aƹeffan n nnefs nneɣ nḏeffar min irezzu ḏ min itfekkar. Tuɣaneɣ am marra iwḏan iƹni neccin zeg yinni iy ɣa iƹaqeb Siḏi Arebbi.

Ayṯ-Filippas 3:4

Iwa uȓa ḏ nec ɣari ssabab aḏ rajiɣ aȓ lḥasanat inu zaƹma. Meȓa ḏinni can yijjen ɣares ssabab aḏ iraja aȓ lḥasanat nnes, ataf nec ɣari ktar zzayes.

Titus 3:3

Cuf, neccin ƹaweḏ tuɣa ḏayneɣ ijjen n ȓeqfaȓeṯ, war netṭiƹi ca, netwacemmeṯ, ḥekkment xaneɣ aṭṭas n lʼanwaƹ n ccehawaṯ ḏ zzhu. Tuɣa netƹic ḏeg yijjen n ȓeqbaḥeṯ ḏ ȓeḥseḏ, ƹiffen-aneɣ yiwḏan, netƹiffa ayawya.