Ayṯ-Galaṭya 2:13 - Ṯarifiṯ 2020

¹³ Ȓexddenni ḏfaren-ṯ ḏi nnifaq nnes israʼiliyen nneɣni iy yumnen. Uȓa ḏ Barnaba s yixef nnes sbeƹƹḏen-ṯ zeg ubriḏ nican ḏi nnifaq-a nsen.

Ayṯ-Galaṭya 2:13 ပူးပေါင်းရင်းမြစ်များ

Matta 23:28

Amenni kenniw iy tmeḍharem i yiwḏan nican iy ṯeǧam ɣar barra, walakin ɣar ḏaxeȓ ṯeccurem s nnifaq ḏ ȓmuƹṣiyaṯ.

Ȓexḏayem 4:36

Ḏinni ijjen qqaren-as Yusef, ƹaweḏ semman-ṯ arrusul s Barnaba iƹni Netta zi ccurfa n Ayṯ-Lawi ḏ mmis n ṯendint n Qubruṣ.

1 Ayṯ-Kurinṯ 12:2

Qa ṯessnem belli wami tuɣa kenniw ḏ lkuffar twasufɣem zeg ubriḏ ɣar lʼaṣnam izeynunen.

1 Ayṯ-Kurinṯ 15:33

War xeddƹeṯ ca ixef nwem: "Ṯamƹacareṯ ṯaƹeffant, tḍeyyaƹ ttarbiya ṯaṣebḥant."

1 Ayṯ-Kurinṯ 5:6

Maci mliḥ wami teftaxarem. War ṯessinem ca illa ɣir ḏrus n untun iy d isgaƹƹaḏen marra ȓƹajneṯ n urecṯi?

1 Ayṯ-Kurinṯ 8:9

Walakin ḥḍam ixef nwem ḏi lḥurriya-ya nwem ṯanita bac war ṯɣeṭṭȓem ca yinni iḍeƹfen ḏi lʼiman nsen aḏ wḍan.

Ayṯ-Galaṭya 2:1

Wami ṯeƹḏu ijjen arbeƹṭacar sna, gaƹƹḏeɣ ƹaweḏ ɣar ṯendint n Lquds ak Barnaba, uwiɣ akiḏi uȓa ḏ umaṯneɣ Titus.

Ayṯ-Galaṭya 2:9

Yaƹqub ḏ Buṭrus ḏ Yuḥanna itwaḥsabben ḏ imeqqranen ḏi jmaƹeṯ nni, fehmen arḍa iy ḏayi yuca Arebbi seǧmen xaneɣ nec ḏ Barnaba s ufus afusi nsen amƹacar. Qebȓen-aneɣ neccin a nraḥ a nbeccar i yinni iǧan ḏ iyunaniyen, niṯni aḏ beccaren i yinni iǧan zi Ayṯ-Israʼil.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.