Ayṯ-Galaṭya 2:11 - Ṯarifiṯ 2020

¹¹ Fa wami d yusa Buṭrus ɣar ṯendint n Wanṭakya wajheɣ-ṯ aɣembub ḏeg uɣembub liʼanna igga ijjen n lɣaleṭ.

Ayṯ-Galaṭya 2:11 ပူးပေါင်းရင်းမြစ်များ

Matta 16:23

Walakin Ƹisa ineqȓeb-d ɣar Buṭrus inna-as: "Aggwej xafi ɣar ḏeffar a Cciṭan! Cek am yijjen n uzru ḏeg ubriḏ inu tneqȓaḏeɣ ḏayes. Cek war tfekkareḏ ca amecnaw Arebbi; Lla, cek tfekkareḏ amecnaw bnaḏem."

Yuḥanna 1:42

Issiweḍ-iṯ-iḏ ɣar Ƹisa. Wami ṯ iẓra Ƹisa inna-as: "Cek ḏ Simƹan mmis n Yuḥanna, zi ssa aȓ ṯsawent aḏac tȓaɣan Ṣifas." (Awaȓ-a Ṣifas ixes aḏ yini Buṭrus.)

Ȓexḏayem 11:19

Ƹlaḥsab aƹeddeb nni iy iweqƹen wami itwaneɣ Stifan, ȓmuminin kuȓ ijjen mani iruḥ: ijjen iruḥ aȓ Finiqya, ijjen iruḥ aȓ Qubruṣ, ijjen iruḥ aȓ Wanṭakya. War tbecciren ḏinni ḥadd s wawaȓ n Arebbi illa israʼiliyen.

Ȓexḏayem 11:20

Walakin ȓebƹaḍ n iryazen zi Qubruṣ ḏ Lqurina usin-d ɣar Wanṭakya bḏan ssawaȓen ak iyunaniyen tbeccaren-ṯen s Siḏiṯneɣ Ƹisa.

Ȓexḏayem 11:22

Yuweḍ ȓexbar-a ɣar jmaƹeṯ n ȓmuminin ḏi Lquds, kkaren ssekken Barnaba ɣar Wanṭakya.

Ȓexḏayem 11:27

Ḏi ȓiyyam nni hwan-d can n lʼanbiya zi Lquds ɣar Wanṭakya.

Ȓexḏayem 15:1

Usin-d ca n iryazen zi Yahuḏiya seȓmaḏen ayṯmaṯneɣ ḏeg Wanṭakya nnan-asen: "War ṯzemmarem ca aḏ tnejmem illa meȓa ṯeggim ṭṭahareṯ ƹlaḥsab Ccariƹa n Musa."

Ȓexḏayem 15:5

Walakin kkaren can n ȓmuminin ȓḥizeb nsen zeg ifarrisiyen nnan: Itxeṣṣa wa labud aḏ ṭehharen yinni war iǧin ca zi Ayṯ-Israʼil, aṯen ṯweṣṣam aḏ ṭaƹen i Ccariƹa n Musa.

2 Ayṯ-Kurinṯ 11:5

Cuf, war ḥessbeɣ ca ixef inu ḏ aneqṣi zi arrusul imezwura. Lla walu.

2 Ayṯ-Kurinṯ 12:11

Ƹaḏ ssawaȓeɣ s ṯubbuhȓiya-ya zaƹma, ḏ kenniw iy xafi ibezzen ammu. Cuf, tuɣa itxeṣṣa-kenniw aḏayi ṯcekarem, mayemmi? Liʼanna nec waxxa ḏ walu iy ǧiɣ, war ǧiɣ bu ḏ aneqṣi zi arrusul nni imezwura.

2 Ayṯ-Kurinṯ 5:16

X manayenni, zi ssa aȓ ṯsawent neccin war nxezzar ca ḏi ḥadd ƹlaḥsab ȓaƹqeȓ n ddunect-a. Waxxa nxezzar qbeȓ ḏi Lmasiḥ ƹlaḥsab ȓaƹqeȓ n ddunect-a, ȓexxu war ṯ netwiȓi ca amenni.

Ayṯ-Galaṭya 1:18

Ṯeƹḏu ijjen ṯeȓt snin gaƹƹḏeɣ ɣar ṯendint n Lquds ḥima aḏ ẓreɣ arrasul Buṭrus, qqimeɣ akiḏes ijjen xemmesṭacar yum.

Ayṯ-Galaṭya 2:14

Wami ṯen ẓriɣ war gguren ca nican ƹlaḥsab lḥaqiqa iy iǧan ḏi Lʼinjil, nniɣ-as i Buṭrus zzaṯsen marra: Cek ḏ aʼisraʼili walakin tƹiceḏ amecnaw iyunaniyen, iƹni maci amecnaw aʼisraʼili. Mammec ɣa ṯeggeḏ aḏ tzeyyareḏ x iyunaniyen bac aḏ ƹicen amecnaw israʼiliyen?

Ayṯ-Galaṭya 2:5

Walakin neccin nugi aḏasen negg array uȓa ḏ ijjen n dqiqeṯ ḥima aḏ teqqim akiḏwem lḥaqiqa n Lʼinjil.

Ayṯ-Galaṭya 2:7

Walakin min ufin? Ufin ikellef-ayi Arebbi bac aḏ beccareɣ i iyunaniyen mammec ikellef Buṭrus bac aḏ ibeccar i Ayṯ-Israʼil.

Ayṯ-Galaṭya 2:9

Yaƹqub ḏ Buṭrus ḏ Yuḥanna itwaḥsabben ḏ imeqqranen ḏi jmaƹeṯ nni, fehmen arḍa iy ḏayi yuca Arebbi seǧmen xaneɣ nec ḏ Barnaba s ufus afusi nsen amƹacar. Qebȓen-aneɣ neccin a nraḥ a nbeccar i yinni iǧan ḏ iyunaniyen, niṯni aḏ beccaren i yinni iǧan zi Ayṯ-Israʼil.

1 Timutawus 5:20

Imeqqranen ig iƹeṣṣan nha-ṯen cek zzaṯ i marra iwḏan bac yinni inneɣni aḏ ggwḏen baƹda.

Yaƹqub 3:2

Marra iḏneɣ ntegg aṭṭas n lɣalaṭ. Meȓa can yijjen war ixeṭṭi ca ḏeg wawaȓ nnes qaƹ, ataf wanita ḏ ijjen n bnaḏem nican ikmaȓ. Izemmar aḏ iḥkem x ddat nnes marra.

Yahuḏa 1:3

Ay imƹizzen inu, tuɣa rzuɣ aḏawem ariɣ x ubriḏ nni iy zi nnejjem neccin iy ḏi ncarrec marra, walakin ufiɣ u labud aḏawem ariɣ ṭṭalab-a ḥima aḏ tmenɣem x lʼiman-a iy zi twakellfen ṣṣaliḥin ḏeg yijjen n ṯwaȓa i ȓebda.