Ayṯ-Galaṭya 1:23 - Ṯarifiṯ 2020

²³ Niṯni ɣir tesȓan xafi qa Bulus nni iy tuɣa ḏaneɣ itƹeddaben zi qbeȓ ȓexxu netta itbeccar s Lʼinjil nni iy xef irezzu aḏ iqḍa.

Ayṯ-Galaṭya 1:23 ပူးပေါင်းရင်းမြစ်များ

Ȓexḏayem 19:13

Ḏinni can israʼiliyen niṯni ḏ iseḥḥaren traḥen zeg umcan ɣar umcan. Tjarraben aḏ sxeḏmen isem n Siḏiṯneɣ Ƹisa bac aḏ sufɣen jnun iƹeffanen zeg yiwḏan. Nnan-asen qa tʼamareɣ-kenniw ƹlaḥsab isem n Ƹisa iy zi itḥeddaṯ Bulus, ffɣeṯ!

Ȓexḏayem 6:7

Intacar wawaȓ n Arebbi, marnin-d aṭṭas n imeḥḍaren ḏi Lquds, umnen aṭṭas n ȓfuqaha n Ayṯ-Israʼil zi Lʼinjil.

Ȓexḏayem 9:13

Yarra xas Anas inna-as: "A Siḏi, nec xebbaren-ayi aṭṭas n yiwḏan x bnaḏem-a Cawul, mecḥaȓ iƹeddeb netta ȓmuminin nnec ṣṣaliḥin ḏi Lquds.

Ȓexḏayem 9:20

Ȓexddenni ibḏa itḥeddaṯ ḏi ṯemziḏawin n Ayṯ-Israʼil iqqar-asen qa Ƹisa ḏ Mmis n Arebbi.

Ȓexḏayem 9:21

Tƹejjben marra yinni itesȓan qqaren: Ma war iǧi ḏ wanita irzun aḏ iqḍa x yinni itȓaɣan x yisem-a n Ƹisa ḏi Lquds? Ma war iǧi ɣarsen iy d yusa ḏanita bac aṯen iṭṭef aṯen yawi ɣar arruyas n ȓfuqaha?

Ȓexḏayem 9:26

Wami d yuweḍ Cawul ɣar Lquds irezzu aḏ imun ak imeḥḍaren, walakin ggwḏen zzayes marra war ḏayes ttiqen ca netta ḏ ameḥḍar n ṣṣaḥ.

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.