Ayṯ-Galaṭya 1:13 - Ṯarifiṯ 2020

¹³ Aqa ṯesȓim xafi mammec tuɣa tƹiceɣ zi qbeȓ wami tuɣa tbaƹeɣ ddin n Ayṯ-Israʼil, iƹni mammec tuɣa tƹeddabeɣ jmaƹeṯ n ȓmuminin n Arebbi s umenɣi, rezzuɣ axasen qḍiɣ.

Ayṯ-Galaṭya 1:13 ပူးပေါင်းရင်းမြစ်များ

Ȓexḏayem 8:1

Wami nɣin Stifan, ijjen qqaren-as Cawul aqaṯ ḏinni iḥḍar itafeq akiḏsen. Nhar nni bḏan tƹeddaben jmaƹeṯ n ȓmuminin ḏi ṯendint n Lquds. Mesfraqen marra ȓmuminin ruḥen ɣar jwayeh n Yahuḏiya ḏ Samarya kuȓ ijjen mani iruḥ, war iqqim ḥadd ḏi Lquds illa arrusul.

Ȓexḏayem 8:3

Cawul netta irezzu aḏ iqḍa x jmaƹeṯ n ȓmuminin, itaḏef zi ṯeddarṯ ɣar ṯeddarṯ isufuɣ-d iryazen ḏ ṯemɣarin itegg-iṯen ḏi ȓeḥbes.

Ȓexḏayem 9:21

Tƹejjben marra yinni itesȓan qqaren: Ma war iǧi ḏ wanita irzun aḏ iqḍa x yinni itȓaɣan x yisem-a n Ƹisa ḏi Lquds? Ma war iǧi ɣarsen iy d yusa ḏanita bac aṯen iṭṭef aṯen yawi ɣar arruyas n ȓfuqaha?

Ȓexḏayem 9:26

Wami d yuweḍ Cawul ɣar Lquds irezzu aḏ imun ak imeḥḍaren, walakin ggwḏen zzayes marra war ḏayes ttiqen ca netta ḏ ameḥḍar n ṣṣaḥ.

1 Ayṯ-Kurinṯ 10:32

War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi.

1 Ayṯ-Kurinṯ 15:9

Aqa nec ḏ amezyan qaƹ ḏi arrusul. War sḏihiǧeɣ ca aḏayi ȓaɣan arrasul ȓaḥeqqac tuɣa nec tƹeddabeɣ jmaƹeṯ n ȓmuminin.

Ayṯ-Filippas 3:6

Ƹlaḥsab zƹameṯ inu nec tuɣa tƹeddabeɣ jmaƹeṯ n ȓmuminin n Lmasiḥ. Ƹlaḥsab lqawanin iy iǧan ḏi ccariƹa tuɣayi s bȓa ȓƹib.

1 Timutawus 1:13

Nec qbeȓ tuɣa qqareɣ awaȓen war iḥȓin x Arebbi tƹeddabeɣ ȓmuminin, nec ḏ ijjen bnaḏem iḍeǧmen. Waxxa tuɣa xeḏmeɣ manayenni iseḍhar-ayi-d Arebbi arraḥmeṯ nnes liʼanna xeḏmeɣ manayenni s ȓeqfaȓeṯ inu bȓa ma aḏ ssneɣ min iǧan nican, uȓ inu war ḏayes bu lʼiman.

1 Timutawus 1:14

Arḍa n Siḏiṯneɣ infeyyeḍ-d xafi s waṭṭas ḏ waṭṭas, akiḏes ijjen n lʼiman ḏ ijjen n ȓemḥibbeṯ ig iǧan ḏi Ƹisa Lmasiḥ.