Ayṯ-Filippas 4:6 - Ṯarifiṯ 2020

⁶ War kessim bu umnus x walu. S ṯẓaǧiṯ nwem ḏ dduƹaʼ nwem akiḏsen ccuker nwem aḏ tqeddmem marra ṯimesȓayin s ṭṭalabaṯ nwem i Arebbi.

Ayṯ-Filippas 4:6 ပူးပေါင်းရင်းမြစ်များ

Matta 10:19

Xmi kenniw ɣa sellmen, bȓa ma aḏ teysim amnus ḏi ȓaƹquȓaṯ nwem min ɣa ṯinim niɣ ḏ mammec iy ɣa ṯessiwȓem; Lla, awaȓen nni iy ɣa ṯinim ḏ Arebbi iy ḏawem ṯen ɣa yucen ḏi ṯsaƹƹat nni.

Matta 13:22

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

Matta 6:34

War kessiṯ bu s umnus i min ɣa iweqƹen ṯiwecca, aqa ṯiwecca aḏ iysi nniṯ s umnus i yixef nnes. Ȓhemm iy d imeḍehharen nhar nni aḏ ikfa nhar nni.

Matta 6:8

Lla, war teggem ca am niṯni ȓaḥeqqac Arebbi issen min ṯeḥḏajem qbeȓ ma ḏas t ṯettarem.

Luqa 10:41

Inna-as Siḏiṯneɣ: "A Marṯa a Marṯa, bnaḏem iteḥḏaja ɣir ijjen n ȓḥajeṯ. Cem ḏayem amnus txeyyaqeḏ x waṭṭas n ṯmesȓayin, Maryam ṯixḍar min iṣebḥan war ḏas itwakkes ca."

Luqa 12:22

Inna-asen Ƹisa i imeḥḍaren nnes: "X manaya aḏawem iniɣ: War kessim ca s umnus i ṯuḏarṯ nwem ƹlaḥsab min ɣa ṯeccem niɣ ḏ arruḍ iy ɣa ṯeḥḏajem i ddat nwem.

Luqa 12:29

War rezzuṯ ca min ɣa ṯeccem niɣ ḏ min ɣa ṯeswem, war kessiṯ bu s umnus.

Luqa 18:1

Issiweȓ akiḏsen Ƹisa s yijjen n ȓmaƹna bac aḏ ssnen belli itxeṣṣa-yasen aḏ tẓaǧen ȓebda war tiḥȓen ca.

Luqa 18:7

Arebbi, ma war ḏasen iticc ȓḥaqq i yiwḏan nnes iy ṯ itettaren ǧiȓeṯ ḏ nhar? Ma axasen iƹeṭṭaȓ war ḏasen istijib ca?

1 Ayṯ-Kurinṯ 7:21

Cek ma ḏ ismeɣ wami ḏac d iȓaɣa? Iwa bȓa ma ac icqa manaya. Walakin meȓa ɣarek lfurṣa aḏ trebḥeḏ lḥurriya nnec, egg-it.

1 Ayṯ-Kurinṯ 7:32

Fa rezzuɣ aḏ tiȓim bȓa amnus. Wenni war imȓicen ca ɣares ijjen n lmuhima i ccɣeȓ n Siḏiṯneɣ, mammec ɣa igg axas yarḍa Siḏiṯneɣ.

Ayṯ-Ufasus 5:20

Cekkarem ȓebda Arebbi Babaṯneɣ x marra ṯimesȓayin ḏeg yisem n Siḏiṯneɣ Ƹisa Lmasiḥ.

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Ayṯ-Kulus 3:15

Jjem ȓehna n Lmasiḥ aḏ iḥkem ḏeg wuȓawen nwem minzi kenniw ḏ ijjen n jmaƹeṯ iȓaɣa-yawem-d aȓ ȓehna-ya. Kenniw ƹaweḏ cekkarem Arebbi.

Ayṯ-Kulus 3:17

Marra min teggem s wawaȓen niɣ s lḥasanaṯ, itxeṣṣa aḏ teggem manaya marra ƹlaḥsab isem n Siḏiṯneɣ Ƹisa azzayes tcekkarem Arebbi Babaṯneɣ.

Ayṯ-Kulus 4:2

Teggem lmejhud s ṯẓaǧiṯ nwem, iȓim ƹlabal ḏi ṯẓaǧit nwem cekkarem Arebbi.

1 Timutawus 2:1

Ḏ amezwaru tweṣṣiɣ-kenniw aḏ tettarem i Arebbi aṯ tedƹim aṯ ṭelbem aṯ tcekkarem x marra iwḏan

1 Timutawus 5:5

Qa ṯajjaȓṯ n ṣṣaḥ ṯenni war ɣar iǧi ḥadd aqa ḏ nettaṯ iteggen lʼamal nnes ḏi Arebbi tɣima tedƹa Arebbi tettar-as ǧiȓeṯ ḏ nhar.

1 Buṭrus 4:7

Aqa yusa-d uneggaru n marra ṯimesȓayin. Iḏen itxeṣṣa aḏ d tarrem ȓbaȓ nwem aɣarwem yiȓi ȓaƹqeȓ nwem bac ataf aḏ tzemmarem aḏ tẓaǧem.

1 Buṭrus 5:7

Marra imnusen jjem-ṯen i netta minzi netta ithella ḏaywem.