Ayṯ-Filippas 4:4 - Ṯarifiṯ 2020

⁴ Farrḥeṯ ȓebda s Siḏiṯneɣ! Aḏawem iniɣ awaȓ-a ƹaweḏ, farrḥeṯ!

Ayṯ-Filippas 4:4 ပူးပေါင်းရင်းမြစ်များ

Matta 5:12

Ḍeḥceṯ, farḥeṯ. Aqa ɣarwem ijjen n lʼajar ḏ ameqqran ḏeg ujenna ȓaḥeqqac amenni iy twaƹeddben lʼanbiya tuɣa iǧan qbeȓ nwem.

Ȓexḏayem 16:25

Ɣar ȓwesṭ n ǧiȓeṯ Bulus ḏ Silas tẓaǧan tɣennajen izȓan i Arebbi, tesȓan-asen imeḥbas.

Ȓexḏayem 5:41

Farḥen arrusul wami ffɣen zi Jmaƹeṯ nni n lḥukkam n Ayṯ-Israʼil, ḥessben belli ɣarsen lhimma x lʼihana nni iy ḏasen iweqƹen x yisem n Ƹisa.

Ayṯ-Ruma 12:12

Farḥeṯ ḏi lʼamal. Ṣbareṯ x tamara. Dawwmeṯ x ṯẓaǧiṯ.

2 Ayṯ-Kurinṯ 6:10

neccin netwazeyyar walakin ȓebda nfarreḥ; neccin ḏ ipubriṯen nserbaḥ aṭṭas n yiwḏan; war ɣarneɣ walu walakin ɣarneɣ kuȓci.

Ayṯ-Galaṭya 1:8

Walakin neccin meȓa nbeccar-ikenniw niɣ ibeccar-ikenniw can n lmalak zeg ujenna s can n Lʼinjil nneɣni maci s wenni iy zi kenniw nbeccar zi qbeȓ, ataf wenni iy kenniw ɣa ibeccaren aḏ itwanƹeȓ!

Ayṯ-Filippas 2:18

Amenni ƹaweḏ uȓa ḏ kenniw itxeṣṣa akiḏi ṯfarḥem s yijjen n ȓefraḥeṯ.

Ayṯ-Filippas 3:1

Ȓexxu ay ayṯma aḏ kemmȓeɣ, farḥeṯ s Siḏiṯneɣ! War ɣari bu lmuckil aḏawem ƹawḏeɣ ṯimesȓayin-a s ṯira, kenniw ƹaweḏ azzaysent twaḥḍam zi lxaṭar.

1 Buṭrus 4:13

Lla, itxeṣṣa kenniw aḏ tfarḥem wami ṯcarrcem ḏeg uƹeddeb n Lmasiḥ bac aḏ tfarḥem ƹaweḏ aṭṭas xmi d ɣa ṯmeḍhar lƹaḍama nnes.