Ayṯ-Filippas 4:19 - Ṯarifiṯ 2020

¹⁹ Aqa Arebbi inu aḏawem yuc qaƹ min ṯeḥḏajem ƹlaḥsab agȓa nnes lƹaḍim ḏi Ƹisa Lmasiḥ.

Ayṯ-Filippas 4:19 ပူးပေါင်းရင်းမြစ်များ

Matta 6:32

Marra manaya rezzun-ṯ ȓegnus. Aqa Babaṯwem iǧan ḏeg ujenna issen belli teḥḏajim ṯimesȓayin-a.

Yuḥanna 20:17

Inna-as Ƹisa: "War ḏayi teṭṭef ca, qa nec ƹaḏ war gaƹƹḏeɣ ca ɣar Baba. Ruḥ ɣar ayṯma inu, in-asen qa nec aḏ gaƹƹḏeɣ ɣar Baba ḏ Babaṯwem, ɣar Arebbi inu ḏ Arebbi nwem."

Yuḥanna 20:27

Inna-as i Tuma: "Egg ḍaḍ nnec ḏanita, xzar ifassen inu. Sers fus nnec x uɣezḏis inu. War tcekka ca; Lla, amen."

Ayṯ-Ruma 1:8

Ḏ amezwaru, tcekkareɣ Arebbi xawem marra iḏwem s yisem n Ƹisa Lmasiḥ ȓaḥeqqac lʼiman nwem arrin-as-d ȓexbar ḏi ddunect-a ṯekmaȓ.

Ayṯ-Ruma 11:33

Mecḥaȓ imɣar wagȓa n ȓefhameṯ ḏ ṯusna n Arebbi! War twacerrḥen lʼaḥkam nnes, war twafehhmen ibriḏen nnes.

Ayṯ-Ruma 2:4

Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

Ayṯ-Ruma 8:18

Cuf, nec twaȓiɣ aƹeddeb-a iy xaneɣ itekken ḏi ddunect-a netta war iǧi ḏ walu bac aḏ imeṯṯel ak lƹaḍama iy ḏaneɣ d ɣa imeḍharen.

Ayṯ-Ruma 9:23

Igga amenni liʼanna ixes aḏ ismeḍhar lƹaḍama nnes imɣaren x yina ig irḥem iƹni iɣerrafen-a ig isewjeḏ zi qbeȓ i lƹaḍama, iƹni ḏ neccin. Iȓaɣa-yaneɣ-d i neccin iy d yusin zi Ayṯ-Israʼil uȓa ḏ yinni war iǧin ca zi Ayṯ-Israʼil.

2 Ayṯ-Kurinṯ 12:21

Ggwḏeɣ aɣarwem d ƹeqbeɣ aḏ seḏḥiɣ zi Arebbi inu aḏ ruɣ aṭṭas x yinni ig iƹṣan zi qbeȓ, ƹaḏ war tuben ca zeg ufelles ḏ lfasad ḏ ȓeqbaḥeṯ iy tuɣa teggen.

2 Ayṯ-Kurinṯ 4:17

Cuf, ȓemḥayen nneɣ fsusent traḥent tasent-id ḏeɣya, sewjaḏent-aneɣ ɣar yijjen n lƹaḍama ḏ ṯameqqrant bȓa ȓeqyas.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

Ayṯ-Ufasus 1:7

Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.

Ayṯ-Ufasus 2:7

Mayemmi? Ḥima Siḏi Arebbi ḏi zmanaṯ iy d ɣa yasen aḏ d ismeḍhar agȓa nnes iƹni arḍa nnes mecḥaȓ ig iǧa ḏ ameqqran bȓa ȓeqyas iy ḏaneɣ d isbeyyen ḏi Ƹisa Lmasiḥ.

Ayṯ-Ufasus 3:16

Tettareɣ i Arebbi zeg wagȓa nnes aƹḍim akenniw isejheḏ ḏi nnefs nwem s ufus n Arruḥ nnes

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Filippas 4:7

Ṯumma ȓehna n Arebbi ig itejhiḏen x marra ȓefhameṯ ḏi ddunect-a ḏ wenni iy ɣa iḥḍan uȓawen nwem ḏ ȓaƹquȓaṯ nwem ḏi Ƹisa Lmasiḥ.

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 3:16

Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

1 Ayṯ-Salunik 2:12

bac aḏ tuyurem s yijjen n ṯicri iy ḏas iticcen lqima i Arebbi ig isḏaheǧ netta iƹni wenni iy ḏawem d itȓaɣan ɣar ȓmulk nnes ḏ lƹaḍama nnes.

1 Timutawus 6:17

Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.

Filimun 1:4

Ȓebda tcekkareɣ Arebbi inu xmi tfekkareɣ ḏayec ḏi ṯẓaǧiṯ inu.

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.